Feykir - 19.09.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
Golf
Arnar Geir lék vel
í Oklahoma
Skagfirðingurinn Arnar
Geir Hjartarson, Golfklúbbi
Sauðárkróks, lék á dögunum
í fyrsta móti tímabilsins í
bandaríska háskólagolfinu
með liði sínu, Missouri Valley
College. Arnar er á sínu
þriðja ári í skólanum og hefur
komist í lið skólans í flestum
mótum. Hann sigraði meðal
annars á einu móti í fyrra.
Á Kylfingur.is kemur fram
að fyrsta mót tímabilsins í ár
hafi farið fram á Lincoln Park
golvellinum í Oklahoma en
leiknar voru 36 holur fyrri
daginn og 18 þann seinni.
Arnar lék samtals á tveimur
höggum yfir pari (69,72,74)
og endaði í 17. sæti af 81 í
einstaklingskeppninni.
Lið Arnars endaði í 3. sæti
sem er flottur árangur en um
er að ræða eitt sterkasta
mótið í deildinni sem skólinn
spilar í. /PF
2. deild karla :: Huginn – Tindastóll 0-1
Stólarnir úr fallsæti
Það er bullandi líf á báðum
vígstöðvum í 2. deild karla í
knattspyrnu. Þrjú lið berjast
um toppsætin tvö sem tryggja
sæti í Inkasso-deildinni næsta
sumar og þrjú lið berjast um
að forða sér frá því að enda
í ellefta sæti 2. deildar og
falla ásamt Seyðfirðingum
í 3. deildina. Á laugardag
fóru Tindastólsmenn austur
og léku við lið Hugins frá
Seyðisfirði og gerðu það sem
þurfti. Lokatölur 0-1 og lið
Tindastóls því í 10. sæti fyrir
lokaumferðina.
Stólarnir mættu til leiks með
nýtt þjálfarateymi, Sigga Donna
og Jón Stefán, á Fellavöll í
Fellabæ þar sem Huginn spilar
heimaleiki sína, en völlurinn á
Seyðisfirði hefur ekki verið í
leikhæfu ástandi í sumar. Staðan
í hálfleik var 0-0 en á 52. mínútu
gerði Arnar Ólafsson enn eitt
mikilvæga markið fyrir lið sitt
en hann gerði einmitt eina
markið í leiknum gegn Fjarða-
byggð um síðustu helgi. Þetta
reyndist eina mark leiksins og
færði lið Tindastóls úr fallsæti.
Á sama tíma vann Höttur
Egilsstöðum lið Völsungs á
Húsavík, 2-3, þar sem sigur-
markið kom úr vítaspyrnu í
uppbótartíma. Höttur og Tinda-
stóll eru með jafnmörg stig, 21,
en Höttur er með mun betri
markatölu eftir ófarir Stólanna
gegn Leikni í byrjun september.
Leiknismenn hafa sennilega
talið sig hafa styrkt stöðu sína í
deildinni með þeim sigri en nú
eru Fáskrúðsfirðingar skyndi-
lega komnir í fallsæti, með 19
stig, þegar aðeins ein umferð er
eftir.
Lið Tindastóls mætir liði
Völsungs í lokaumferðinni á
laugardag og ekkert annað en
sigur verður á stefnuskrá beggja
liða væntanlega. Stólarnir þurfa
stig til að tryggja veru sína í 2.
deild og Völsungar gætu verið í
þeirri stöðu að eiga séns á að
komast upp í 1. deild.
Leikur liðanna fer fram á
Sauðárkróksvelli en frítt verður
á völlinn í boði Skagfirðinga-
búðar. Áfram Tindastóll! /ÓAB
Það er óhætt að segja að
hestar séu stór hluti af lífi
séra Sigríðar Gunnarsdóttur,
sóknarprests á Sauðárkróki,
þó kannski óbeint sé. Hún er
gift tamningamanninum Tóta,
Þórarni Eymundssyni, sem
gert hefur garðinn frægan á
keppnisvellinum innan lands
sem utan. Þau Sigga og Tóti
eiga þrjú börn, Eymund Ás (16),
Þórgunni (13) og Hjördísi Höllu
(6) en til gamans má geta að
Þórgunnur hefur verið iðin í
keppnum og unnið til verðlauna.
Sigga er hestamaður Feykis að
þessu sinni.
Hverra manna ert þú? -Ég er
dóttir Helgu Árnadóttur og Gunnars
Oddsonar í Flatatungu á Kjálka.
Hve mörg hross átt þú eða
fjölskylda þín? -Ég á eina hryssu
samkvæmt Worldfeng og helming
eða minna í svolitlum hópi. Við
fjölskyldan eigum allskonar hesta,
nokkra ferða- og fjölskylduhesta,
þrjár hryssur sem við ræktum
undan, fáein tryppi og örfáa
sparihesta sem mér er sjaldan eða
aldrei boðið á bak á.
Hver er fyrsta minningin tengd
hestum? -Ætli það hafi ekki verið
samningaviðræður við Kára bróðir
um lán á Lúsa. Hann var eini
reiðhesturinn í Tungu sem hægt
að var kalla alvöru barnahest. Lúsi
var mjög traustur og ólíkur öðrum
hrossum í Tungu því hann var latur.
Hver er uppáhaldshesturinn
þinn og af hverju? -Ég á marga
uppáhaldshesta. Nói frá Saurbæ
er einn þeirra. Hann er fyrsti
hesturinn úr okkar ræktun sem
slær í gegn. Nói var í úrslitum í
A-flokki á Landsmótinu í sumar
með eiganda sínum og knapa,
Sinu Scholz.
Hvað var það skemmtilegasta
sem þú gerðir í sumar, tengt
hestum? -Við förum yfirleitt á
hverju sumri í hestaferð með
þremur öðrum fjölskyldum. Núna
í sumar var riðið um blómlegar
sveitir vestur í Húnavatnssýslu,
m.a. yfir Hópið. Það var frábær
ferð.
Áttu einhverja sögu tengda hesti
sem fallinn er frá? -Pabbi gaf
mér móskjóttan hest þegar ég var
stelpa. Móskjóni var undan Elg frá
Hólum. Hann var mikill gæðingur
en kaldlyndur og var lengst af
númeri af stór fyrir mig sem
knapa. Ég réði ekki almennilega
við Skjóna fyrr en hann var orðinn
harðfullorðinn. Skjóni hafði gaman
af að smala. Eitt haustið lentum
við Skjóni í niðaþoku uppi á fjalli
fyrir sunnan og ofan Tungu. Ég
missti áttirnar undireins en Skjóni
vissi alveg hvar hann var og fann
bæði kindur og leiðina heim.
Hvað ertu að gera þessa
dagana, eða á næstunni, tengt
hestum? -Núna er spennandi tími
í hesthúsinu þegar ungu hrossin
eru að koma í frumtamningu. Alltaf
skemmtilegt að fylgjast úr fjarlægð
með nýjum vonarstjörnum. Svo
styttist í Laufskálaréttir, gaman að
fara þangað ef vel viðrar.
Sigríður Gunnarsdóttir
Nói frá Saurbæ einn
af uppáhaldshestunum
( HESTAMAÐURINN ) palli@feykir.is
Sigga á útreiðum í góðra vina hópi.
MYNDIR ÚR EINKASAFNI
Nói frá Saurbæ og Sina Scholz á Landsmóti hestamanna í sumar.
Arnar Geir á golfvellinum. MYND ÚR EINKASAFNI
35/2018 5