Feykir - 19.09.2018, Blaðsíða 4
Í Lónkoti í sókn Hálfdanar
prests í Felli bjó kerling ein
gömul sem Ólöf hét. Hún var
fjölkunnug mjög og áttu þau
Hálfdan margar brösur
saman. Eitt haust reri
Hálfdan til fiskjar með
mönnum sínum og drógu þeir
flyðru eina stóra. Þá var
harka mikil og var hásetum
kalt. Þá segir prestur þegar
þeir kvörtuðu um kuldann:
,,Hvað ætli þið vilduð gefa
mér til þess piltar að draga nú
heitan blóðmörskepp til að
hressa ykkur á“? Þeir sögðu
að hann mundi ekki geta það
þó hann vildi. En litlu síðar
kemur prestur með sjóðheitan
blóð-mörskepp á önglinum. Snæddu þá allir
hásetarnir og þótt vænt um. En á meðan
hvarf flyðran úr skipinu. Þá segir prestur:
,,Hafa vill kerling nokkuð fyrir snúð sinn.“
Hálfdan seiddi keppinn frá Ólöfu en hún
aftur flyðruna frá honum.
Önnur sögn greinir frá að Ólöf kæmi að
Felli og bæði Hálfdan gist-
ingar. Hann lét þess kost ef
hún nennti nokkuð að vinna
að heybandi sínu „en þykk-
viðri var á og rökkvaði til
regns.“ Kerling kallaði langt
síðan hún mátti nokkuð
vinna. „Þó mætti við leita það
lítið hún orkaði. Við það gekk
hún að sátu einni, sló við
henni með priki sínu og
mælti: „Upp, sáta í garð heim
með rakinu!“ (Aðrir segja:
„Upp, upp kolla og heim í
garð!“) Flaug hún þegar í garð
og svo hver sáta af annarri.“
Prestur hlóð heyinu og átti
erfiði mikið undan að hlaða.
Komst við það öll taðan í garð
á svipstundu. Hún mælti þá við prest, að eigi
ætlaði honum að veita af sínum. Prestur
mælti: „Það mátti gjöra muninn að tólf
fylgdu þér en ekki nema tíu mér.“
Byggðasaga Skagafjarðar
8. bindi, bls. 41.
Ólöf í Lónkoti
( BYGGÐASÖGUMOLI ) palli@feykir.is
Ólafarsteinninn. Páll Guðmundsson
steinhöggvari frá Húsafelli hjó í steininn
andlit kerlingar og flyðruna með.
Í baksýn er Málmeyjan.
MYND: BYGGÐASAGA SKAGAFJARÐAR.
LAUGARDAGUR 29. SEPTEMBER
Laufskálarétt í Hjaltadal
Gleði & gaman
Stóðið rekið úr Kolbeinsdal til Laufskálaréttar upp úr kl. 11:30.
Réttarstörf hefjast kl. 13:00
Ath. Þátttakendur við stóðrekstur úr Kolbeinsdal vinsamlegast mæti
við Laufskálarétt eða við hesthúsið Ástungu kl. 10:00 (laugardagsmorgunn)
Rekstrarstjóri er Halldór Steingrímsson. Upplýsingar í síma 895 0920, Atli.
Höfum gleðina í fyrirrúmi en hóflega notkun áfengis
Laufskálaréttarball 2018
Laugardaginn 29. september kl. 23-03
Reiðhöllin Svaðastaðir
Hljómsveitin Stuðlabandið
ásamt Jónsa í Svörtum fötum
Miðaverð í forsölu kr. 3.700.- en 4.000 v. innganginn - Aldurstakmark 16 ár
ATHUGIÐ ENGIN BJÓRSALA - Forsala aðgöngumiða hjá N1 á Skr.
FÖSTUDAGUR
28. SEPTEMBER
Stórsýning &
skagfirsk gleði
Reiðhöllin Svaðastaðir
kl. 20:30
::Bjórtöltið
::Fjölskyldan á Sunnuhvoli mætir
::Siggi Sig mætir
flugriðandi að vanda
::Skeiðkeppni
-Skeið með hefðbundnu sniði
og eru vegleg verðlaun í boði
fyrir sigurvegarann, 2. og 3. sæti.
Það verður kátt í höllinni
Höllin opnuð kl. 20:00
Miðaverð kr. 3.000.-
Umhverfisviðurkenningar afhentar
„Pokahópurinn“ fékk viður-
kenningu fyrir einstakt framtak
Afhending umhverfisviður-
kenninga Sveitarfélagsins
Skagafjarðar fór fram í 14.
sinn í í síðustu viku, en það er
Soroptimistaklúbbur Skaga-
fjarðar sem hefur umsjón
með útnefningu þessara
viðurkenninga fyrir Sveitar-
félagið. Í ár voru veittar viður-
kenningar í fimm flokkum,
en þá hafa verið veittar 87
viðurkenningar á 14 árum.
Býli með búskap sem hlaut
viðurkenninguna í ár er Stóra-
Gröf syðri. Þar búa hjónin
Laufey Leifsdóttir og Sigfús
Ingi Sigfússon. Þau eru með
fjárbú og hross. Í Stóru-Gröf
syðri er mjög fallegt heim að
líta. Íbúðarhús og útihús eru
máluð í sama lit og vel við
haldið. Töluverður trjágróður
er við bæinn og einnig vel snyrt
hekk. Allt gerir þetta ásýndina
mjög hlýlega.
Býli án búskapar sem hlaut
viðurkenninguna í ár er Hátún
2. Þar búa Björg Baldursdóttir
og Ragnar Gunnlaugsson.
Húsastæðið situr frekar hátt
og afar fallegt útsýni af bæjar-
hlaðinu. Umhverfi húss og
skemmu er mjög snyrtilegt og
ásýnd falleg. Húsakosti vel við
haldið og vel málað. Trjágróður
er fyrir neðan húsið og gefur
það hlýlega tilfinningu.
Í ár voru verðlaunaðir tveir
garðar í þéttbýli.
Eskihlíð 1, Sauðárkróki.
Eskihlíð 1 er í eigu hjónanna
Kristínar Sveinsdóttur og
Gunnars Sveinssonar. Íbúðar-
hús, ásamt bílskúrnum, er
vel við haldið, allt málað og
snyrtilegt. Garðurinn er opinn,
mjög smekklegur og ávallt vel
snyrtur. Tré og runnar af ýms-
um tegundum eru fallega form-
uð og nýtur gróðurinn sín vel
með steinum á milli. Samspil
húss og garðs nýtur sín vel þar
sem hvorugt skyggir á annað.
Vel hirt eign til margra ára.
Víðihlíð 3, Sauðárkróki.
Víðihlíð 3 er í eigu hjónanna
Jóhönnu Haraldsdóttur og
Jónasar Svavarssonar. Þar er
húsi og bílskúr vel við haldið.
Garðurinn er fallegur, með
mjög fjölbreyttan gróður. Þar
má t.d. finna gömul, há og
falleg tré, fjölær blóm í beðum
sem eru vel skipulögð. Einnig
má finna þar matjurtagarð og
skemmtilegt útisvæði, sem
sýnir einnig notagildið fyrir
íbúa þess og gesti. Umgengni
og umhirða á lóð er mjög góð.
Ásýnd húss og lóðar er falleg og
heildarmynd til fyrirmyndar.
Stofnunin sem gladdi mest
þetta árið var Vínbúðin, eða
ÁTVR við Smáragrundina á
Sauðárkróki. ÁTVR er stofnun
með vel uppgerðu, smekklegu,
nýklæddu húsi með fallegri
merkingu og skreytingu.
Því fylgir stór lóð með mjög
snyrtilegu bílaplani með vel
afmörkuðum bílastæðum. Á
planinu eru falleg ker, skreytt
blómum og litlum furutrjám.
Húsið og planið eru nýlega
uppgerð og til mikillar prýði í
bænum.
Að lokum var veitt viðurkenn-
ing fyrir einstakt framtak.
Í þetta sinn var það „Poka-
hópurinn“ svokallaði, sem
fékk viðurkenningu. Síðustu
árin hefur fólk áttað sig betur
á því að plastið hefur ekki bara
kosti heldur mikla galla líka og
það hafa myndast hópar hér á
landi sem hafa sagt plastinu
stríð á hendur. Hér voru það
tvær kraftmiklar áhugakonur,
þær Þuríður Helga Jónasdóttir
á Hólum og Svanhildur Páls-
dóttir á Stóru-Ökrum, sem ýttu
úr vör hópum kvenna sem hafa
svo komið saman og saumað
margnota taupoka. Markmiðið
var að fá að setja þá í verslanir
hér og draga þannig úr notkun
einnota innkaupapoka. KS í
Varmahlíð og á Hofsósi og
Hlíðarkaup á Sauðárkróki
bjóða orðið upp á taupoka.
Sveitarfélagið Skagafjörður
og Soroptimistaklúbbur Skaga-
fjarðar óska öllum sem viður-
kenningarnar hafa fengið til
hamingju og þakka þeim fyrir
að láta umhverfið skipta sig
máli. /Aðsent
Frá afhendingu umhverfisviðurkenninga 2018. MYND: BERGLIND ÞORSTEINS
4 35/2018