Feykir - 24.10.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
Tindastóll og Haukar mættust
í Síkinu sl. fimmtudagskvöld í
3. umferð Dominos-
deildarinnar. Venju
samkvæmt mættu Ívar
Ásgríms og undirsátar hans
grjótharðir til leiks og gáfu
Stólunum leik en frábær vörn
Tindastóls í þriðja leikhluta gaf
þægilegar körfur og
heimamenn komu sér upp
góðu forskoti sem gestirnir
náðu ekki að vinna upp.
Lokatölur 79-61.
Reiknað var með öruggum
sigri Tindastóls gegn Haukaliði
sem var í það minnsta töluvert
öflugra á pappírunum í fyrra.
Leikirnir vinnast hins vegar
ekki á pappírum og það var
eins og Stólarnir hefðu hálf-
partinn vanmetið Haukana
sem sannarlega mættu til leiks
með leikplan. Þeir gerðu
heimamönnum lífið leitt með
fínum varnarleik og hægðu
sömuleiðis talsvert á leiknum.
Stólarnir fengu færi til að
keyra upp hraðann eftir
nokkra stolna bolta en boltinn
var tregur til að rata í körfuna
þannig að fyrsti leikhluti var í
járnum.
Tvö stig frá Viðari komu
liði Tindastóls í 17-14 undir
lok fyrsta leikhluta og tvö víti
frá Dino komu Stólunum
fimm stigum yfir og héldu þá
Urald King og Marques Oliver í baráttunni. Viðar og Brynjar Þór á næstu grösum. MYND: HJALTI ÁRNA
Dominos-deildin : Tindastóll – Haukar 79-61
Haukar voru sýnd veiði en ekki gefin
Golf
Arnar Geir
í öðru sæti á
síðasta móti
ársins
Arnar Geir Hjartarson,
kylfingur úr Golfklúbbi
Sauðárkróks, gerir það
gott í háskólagolfinu í
Bandaríkjunum. Dagana
15.-16. október lék hann
í Lindenwood Belleville
Invite mótinu sem fram fór
í bandaríska háskólagolfinu
og komst á verðlaunapall.
Á kylfingur.is segir að
Arnar Geir hafi leikið vel í
mótinu við erfiðar aðstæður
og endað í 2. sæti á 8 höggum
yfir pari og 5 höggum á eftir
Jonathan Graf sem fagnaði
sigri. Lið Arnars, Missouri
Valley College, endaði í efsta
sæti í liðakeppninni á 33
höggum yfir pari.
Leikið var á Stonewood
golfvellinum sem hannaður
var af golfgoðsögninni Jack
Nicklaus. /PF
Körfuknattleiksdeild Tindastóls
Urald King verður frá í einhvern tíma
Karfan.is segir frá því að miðherji
Tindastóls, Urald King, þurfi að yfirgefa
topplið Tindastóls um óákveðinn tíma
sökum persónulegra ástæðna og staðfestir
Israel Martin, þjálfari Stólanna, þetta í
samtali við Körfuna. Samkvæmt fréttinni er
þessa stundina unnið í að finna út hvenær
leikmaðurinn muni fara, sem og hvenær
hann komi aftur til baka til liðsins.
Tindastóll er eitt aðeins þriggja liða sem er
taplaust það sem af er tímabilinu og hefur
King átt stóran þátt í þeirri velgengni, en hann
hefur skilað liðinu 24 stigum, 12 fráköstum og
3 stoðsendingum að meðaltali í leik. Þá er
hann framlagshæsti leikmaður Dominos-
deildarinnar að meðaltali í heild, þó nokkuð
fyrir ofan Kinu Rochford í öðru sætinu.
Næsti leikur Tindastóls er heima gegn
Njarðvík þann 25. næstkomandi, en þeir
Suðurnesjakappar eru einnig taplausir það
sem af er vetri.. /ÓAB
sennilega flestir að nú gætu
heimamenn keyrt upp hrað-
ann – en það var öðru nær.
Næstu fimm mínútur upp-
skáru Tindastólsmenn aðeins
þrist frá Brilla en pakknóg af
pirringi og puði. Haukar
komust yfir 24-27 en Stólarnir
náðu sex stiga áhlaupi og voru
yfir 30-27 þegar þrjár mínútur
voru til leikhlés. Þeir skoruðu
ekki meira í hálfleiknum og
Haukar leiddu í hálfleik 30-33.
Það eina sem stuðnings-
menn Tindastóls voru vissir
um var að svona illa gæti liðið
ekki spilað áfram í síðari
hálfleik. Og það stóð heima.
Tveir þristar frá Brilla snemma
í síðari hálfleik settu tóninn og
eftir þrjár mínútur höfðu
Stólarnir gert 13 stig en
Haukar þrjú. Danero Thomas
var síðan settur á bekkinn eftir
að hafa nælt í sína fjórðu villu,
inn kom Helgi Margeirs og í
framhaldinu kviknaði á Pétri
sem hafði ekki skorað stig í
fyrri hálfleik. Síðustu mínútur
þriðja leikhluta náðist upp
frábær barátta með Helgana
tvo, Pétur, Viðar og Dino í
miklum varnarham og þegar
lokafjórðungur hófst var stað-
an orðin 60-41. Lið Tindastóls
vann semsagt leikhlutann 30-8.
Haukar náðu aldrei að ógna
forskoti Tindastóls að neinu
ráði í fjórða leikhluta og
Martin gat leyft sér að hvíla
lykilmenn sem voru reyndar
nokkrir komnir í villuvand-
ræði. Haukarnir Marques
Oliver og Kristján Sverrisson
fengu báðir fimm villur þegar
tæpar fimm mínútur voru eftir
af leiknum og þá var nú mesti
neistinn slökknaður hjá Hafn-
firðingum.
Atkvæðamestur í liði
Tindastóls var venju sam-
kvæmt Urald King með 23 stig
og 14 fráköst auk þess sem
hann átti fjórar stoðsendingar
og nokkur varin skot. Brynjar
var með 16 stig, Dino 13 og
Pétur 9. Marques Oliver var
stigahæstur Hauka með 16 stig
og 16 fráköst en hann og Urald
King háðu á löngum köflum
harða baráttu undir körfunni.
Allir leikmenn Tindastóls
komust á blað í leiknum. /ÓAB
Körfuboltaskóli
Norðurlands vestra
Að drippla
er gaman
Körfuboltaskóli Norður-
lands vestra stóð í síðustu
viku fyrir námskeiði á
Blönduósi á starfsdegi
Blönduskóla.
Á FB-síðu skólans segir
að tíu hressir og skemmti-
legir krakkar hafi mætt til að
taka á því með topp
þjálfurum, þeim Brynjari
Þór Björnssyni og Arnoldas
Kuncaitis. Námskeiðið var
ætlað krökkum á aldrinum
8-16 ára, vönum sem
óvönum körfuboltanum.
Stefnt er að því að halda
námskeið á Blönduósi að
nýju þegar vetrarfrí verður í
skólanum í nóvember.
Þá stóð Körfuknattleiks-
deild Tindastóls einnig fyrir
Körfuboltabúðum á Sauðár-
króki á dögunum. /ÓAB
Þátttakendur og þjálfarar á Blönduósi.
40/2018 5