Feykir - 24.10.2018, Blaðsíða 9
Golfæfingin er hápunktur dagsins
Nú heimsækir Feykir
Króksarann Arnar Geir
Hjartarson og spyr út í dag í lífi
brottflutts. Arnar Geir er
fæddur snemma árs 1995,
sonur Hjartar Geirmundssonar
og Katrínar Gylfadóttur, en
haustið 2016 pakkaði kappinn
niður í töskur og flutti til
Bandaríkjanna til að stunda
nám í tölvunarfræði og
mastera golfíþróttina í
Missouri Valley College.
Arnar Geir, sem er nú á þriðja
ári í skólanum, býr í litlum bæ
sem ber hið klassíska nafn
Marshall og er í Saline-sýslu í
Missouri-fylki, rétt hægra
megin við miðju ef Bandaríkin
eru skoðuð á korti. Landbún-
aður er helsta atvinnugreinin í
Missouri og þá einkum fram-
leiðsla á soyabaunum, bómull
og hveiti svo eitthvað sé nefnt.
Íbúar í Marshallbæ eru um
þrettán þúsund talsins. Tón-
listarlíf er öflugt en jazzarinn
Bob James er frá Marshall sem
og The Marshall Municipal
Band og Marshall Philharm-
onic Orchestra.
Þá er gaman að segja frá því
að Undrahundurinn Jim (Jim
the Wonder Dog) er frá
Marshall en sá ágæti hundur
Arnar Geir Hjartarson með pútterinn.
MYNDIR ÚR EINKASAFNI
( DAGUR Í LÍFI BROTTFLUTTRA ) oli@feykir.is
Arnar Geir Hjartarson / af golfvellinum á Króknum til Marshall í Missouri
áður en ég fór út eða haustið
2015. Gríðarlega langt ferli og
mikil pappírsvinna á bakvið
þetta. Ferlið gekk nokkuð vel og
var ég búinn að ákveða skóla í
mars 2016. Ég flaug svo út og
byrjaði í skólanum í ágúst 2016
og er núna á þriðja árinu mínu
hérna,“ segir Arnar Geir en
hann er eini Íslendingurinn í
skólanum.
Hvernig myndir þú lýsa
venjulegum degi hjá þér?
„Flestir virkir dagar er mjög
svipaðir þegar við erum ekki að
ferðast á golfmótum. Ég vakna
milli sjö og átta og fer í
morgunmat í mötuneytinu þar
sem ég borða alltaf. Egg og
beikon og allskonar amerískur
morgunmatur alla daga, sem
mér líkar mjög vel. Ég er svo í
skólanum frá níu til um það bil
tvö. Þaðan fer ég svo beint á
golfæfingu. Við erum á golf-
vellinum til sex flest alla daga og
förum svo í mat strax og við
komum til baka í mötuneytinu.
Mjög fínt úrval af mat þar og er
maturinn nokkuð góður bara.
Svo eftir matinn er nokkuð
rólegt yfirleitt, heimnám og
annað sem maður þarf að gera.
Þetta er svona venjulegur dagur
hjá okkur hérna.“
Hver er hápunktur dagsins?
„Golfæfingin auðvitað, við
erum með frekar stórt lið og
yfirleitt mikið fjör og stemming
á æfingum hjá okkur.“
Hvað er best við að búa í þínu
nýja landi? „Ætli ég verði ekki
að segja veðrið, allavega á
haustin og svo eru alveg
frábærir golfvellir hérna. Svo er
verðlagið hérna mjög fínt.“
Hvað gerir þú helst í
frístundum? „Við spilum mikið
golf og þegar það eru ekki
æfingar þá erum við mikið á
golfvellinum líka. En svona fyrir
utan það þá spila ég frekar
Hversu lengi ertu í kjör-
búðina frá heimili þínu?
5-10 mínútur í bíl.
Hvað færðu þér í staðinn
fyrir eina með öllu? Ég er
mikill aðdáandi hamborgara.
Hvað kostar mjólkurlítr-
inn? 80 kr. sirka.
Hver er skrítnasti mat-
urinn? Ég er nú ekki alveg
viss, finnst alltaf spes að vera
með eitthvað djúpsteikt í
morgunmat.
Hvert ferðu til að gera vel
við þig? Við förum til Kansas
City, ansi margt hægt
að gera þar [álíka langur
rúntur og frá Sauðárkróki til
Akureyrar].
5 á 15
sekúndum
vakti mikla aðdáun upp úr 1930
en hann var rannsakaður hátt
og lágt af virtum sérfræðingum
og var því haldið fram að Jim
byggi yfir dulrænum hæfi-
leikum sem óvíst væri að kæmu
aftur fram í hundi í margar
kynslóðir. Þannig gat Jim getið
til um kyn barna áður en þau
fæddust og hann gat skilið
skipanir á fjölmörgum tungu-
málum þó svo að eigandi hans,
Sam Var Arsdale, talaði einungis
ensku. Þá gat Undrahundurinn
Jim sér rétt til um sigurvegarinn
í Kentucky Derby veðhlaupinu
sjö ár í röð og hann sá fyrir sig-
ur Yankee í heimsmeistara-
keppninni í hafnarbolta árið
1936 svo eitthvað sé upp talið.
Jim dó 18. mars 1937 en í
Marshall var gerður fallegur
garður honum til heiðurs.
En snúum okkur að Arnari
Geir og veru hans í Banda-
ríkjunum.
Hvenær og hvernig kom það
til að þú fórst til viðkoman-
di lands? „Það hefur verið
draumur hjá mér í langan tíma
að fara í háskóla í Bandaríkj-
unum þar sem ég get fengið
að spila golf með skólaliðinu.
Þetta var alltaf markmiðið hjá
mér í golfinu, þótt mér fyndist
það hálf langsótt alltaf, þá var
draumurinn alltaf til staðar. Ég
ákvað svo að gefa þessu góðan
séns og láta reyna á hvort ég
kæmist ekki út, því ég myndi sjá
eftir því allt mitt líf ef ég reyndi
allavega ekki.
Ég byrjaði undirbúninginn
fyrir þetta allt um það bil ári
Arnar Geir á leik Kansas City Chiefs og Jacksonville Jaguars í ameríska fótboltanum
sunnudaginn 7. október sl.
mikið körfubolta. Er með
aðgang að tveim frábærum
íþróttahúsum sem tekur mig
innan við 5 mínútur að labba í.
Við gerum okkur svo stundum
ferð til Kansas City og förum á
leiki. Erum búnir að fara á NFL
leik hjá Kansas City Chiefs, við
erum búnir að fara á NBA leik á
undirbúningstímabilinu og við
erum líka búnir að fara á
hafnarbolta leik í MLB
deildinni. Ég er svo á leiðinni á
NASCAR í þriðja skiptið en það
er árlega fjáröflun hjá okkur
hérna.“
Hvers saknar þú mest að
heiman? „Fjölskyldunnar og
vina.“
Gætir þú deilt einhverri eftir-
minnilegri uppákomu frá dvöl
þinni erlendis? „Fyrsta daginn
minn hérna úti, morguninn
eftir að ég kom hingað, þá hitti
ég tvo stráka úr liðinu og þetta
voru þeir fyrstu sem ég talaði
við hérna úti. Í dag bý ég með
þessum tveimur drengjum í
íbúð á skólasvæðinu og eru þeir
mínir bestu vinir hérna úti.
Finnst alveg ótrúlega magnað
að hugsa til þessa dags.“
Arnar ásamt bestu vinum sínum í Missouri Valley College. Til vinstri er Jan Jedlicka
frá Tékklandi og þessi í miðjunni er frá Skotlandi og heitir Hamish Gorn.
Jim the Wonder Dog Memorial Garden í Marshall. MYND AF NETINU
40/2018 9