Feykir - 14.11.2018, Blaðsíða 2
Mikið hefur verið rætt um plastmengun síðustu misseri og það
af gefnu tilefni. Plastmengun í hafinu er sýnilegt og stórt
vandamál eins og sagt er frá í fjölmiðlum. Til að sporna við
þessum fjanda hefur umhverfisráðherra verið brýndur til að
banna plastpokanotkun í verslunum og gera innflytjendum og
framleiðendum skylt að merkja
vörur sem hafa í sér plastagnir,
til að auðvelda fólki að snið-
ganga þær. Á íslenskri heima-
síðu upplýsingastofu Samein-
uðu þjóðanna í Norður-Evrópu
segir að 70 milljónum plast-
poka sé hent hér á landi á
hverju ári og megi gera ráð
fyrir því að verulegur hluti
þeirra lendi fyrr eða síðar í
sjónum. Ekki kemur fram
hvort þetta séu eingöngu inn-
kaupapokar eða allir þeir pokar sem notaðir eru hér á landi.
Þetta eru ógnvænlegar tölur.
Ég fór í búð um daginn og keypti smotterí til heimilisins;
brauð, smjör, ost, jógúrt, skyr, pepperoní og skinku, pizzasósu,
jarðarber, egg, sveppi og örlítið af hakki, franskar úr frystinum
og gos. (Já, ég þarf að fylla belginn!) Ég ætlaði að vera
umhverfisvænn og taka með mér taupoka að heiman en bara
steingleymdi því svo ég keypti einn höldupoka. Ég var með
helvíti mikið samviskubit yfir því að hafa keypt þennan
déskotans poka sem gæti síðar meir átt þátt í því að kæfa jörðina
með mengun. „Af hverju er ekki búið að banna þetta svo ég sé
ekki ábyrgur fyrir plastmengun í hafinu,“ hugsaði ég meðan ég
tæmdi pokann heima. Þá tók ég eftir því að allar vörurnar sem
ég hafði keypt voru pakkaðar inn í plast.
Ég hef þá trú að við höfum nú þegar tapað stríðinu gegn
plastinu enda um magnað efni að ræða sem hefur aukið lífsgæði
okkar svo um munar frá því að það var fundið upp. Við, og þá er ég
að tala um allan heiminn, höfum bara ekki kunnað að umgangast
plastið nægilega vel eftir að við höfum notað það. Eða hvað?
Mér skilst að í Hveragerði sé fyrirtæki, Pure North Recycling,
sem endurvinnur rúlluplast frá bændum sem svo er flutt til
Bretlands til frekari vinnslu. Sigurður Halldórsson, eigandi og
framkvæmdastjóri, sagði í viðtali, sem birtist á Mbl.is í júlí í fyrra,
að á hverju ári falli til um 2.500 tonn af rúlluplasti auk um 1.600
tonna af annarri svipaðri plastfilmu hér á landi. Hann segist
framleiða gæðavöru úr plastinu og vera í beinni samkeppni við
sambærileg endurvinnslufyrirtæki erlendis um hráefni.
Ég rakst líka á grein í natturan.is, sem gefur sig út fyrir að vera
vefur með umhverfisvitund, um bandarískt fyrirtæki sem hefur
tekið upp byltingarkennda aðferð við endurvinnslu á plasti. Þar
er plastinu breytt aftur í olíuna og gasið sem það var unnið úr.
„Allt sem til þarf segir GRC (global resource corporation), er vel
stilltur örbylgjuofn og viti menn blanda efna sem gerð voru úr
plasti verða aftur að olíu og gasi (ásamt nokkrum afgangsefnum).“
Er það kannski endurvinnslan sem við ættum að skoða og
leggja áherslu á frekar en bannið á innkaupapokunum?
Páll Friðriksson, ritstjóri
LEIÐARI
Verðmæti eða mengun
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
110 tonnum var landað á Skagaströnd í
síðustu viku og var Steinunn SF aflahæst
þeirra níu skipa og báta sem þar lögðu upp
með tæp 48 tonn.
Á Sauðárkróki lönduðu einnig níu skip og
bátar og var Drangey SK með mesta aflann,
153 tonn. Á Hofsósi landaði Ásmundur SK
2.374 kílóum.
Heildarafli vikunnar á Norðurlandi vestra
var 728.163 kíló. /FE
Aflatölur 4. – 10. nóv. 2018 á Norðurlandi vestra
Drangey SK með 153 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HOFSÓS
Ásmundur SK 123 Landbeitt lína 2.374
Alls á Hofsósi 2.374
SKAGASTRÖND
Auður HU 94 Landbeitt lína 781
Dísa HU 91 Landbeitt lína 1.190
Dúddi Gísla GK 48 Lína 16.302
Fengsæll HU 56 Línutrekt 1.440
Guðmundur á Hópi HU 203 Lína 5.813
Hafdís HU 85 Línutrekt 408
Hafrún HU 12 Dragnót 3.088
Kristinn SH 812 Landbeitt lína 33.363
Steinunn SF 10 Botnvarpa 47.968
Alls á Skagaströnd 110.353
SAUÐÁRKRÓKUR
Drangey SK 2 Botnvarpa 153.008
Fjölnir GK 157 Lína 82.773
Jóhanna Gísladóttir GK 557 Lína 86.856
Kristín GK 457 Lína 80.066
Málmey SK 1 Botnvarpa 103.732
Onni HU 36 Dragnót 21.078
Páll Jónsson GK 7 Lína 49.435
Sæfari HU 212 Landbeitt lína 4.906
Þorleifur EA 88 Dragnót 33.582
Alls á Sauðárkróki 615.436
Samband A-Húnvetnskra kvenna
Skemmtikvöld til styrktar HSB
Í tilefni 90 ára afmælis
SAHK, Sambands Austur-
Húnvetnskra kvenna,
ætlar sambandið að
standa fyrir skemmtikvöldi
fimmtudaginn 29. nóvember
kl. 20 í Félagsheimilinu á
Blönduósi. Allur ágóði mun
renna til Hollvinasamtaka
Heilbrigðisstofnunarinnar
á Blönduósi til kaupa á
baðlyftu en hún kostar um
1,2 milljónir kr.
Dagskráin verður með léttu
sniði, Albert og Bergþór
verða með erindi um daglegt
líf á léttum nótum með
söng og fleiru skemmtilegu.
Hjónadúettinn Hugrún og
Jonni, Sigga og Dóri verða
með söngatriði, dregið verður
í happdrætti, boðið verður upp
á léttar veitingar og fleira.
Aðgangseyrir verður kr.
3000 en tekið skal fram að
enginn posi er á staðnum
Albert Eiríksson og Bergþór Pálsson verða með erindi á léttu nótunum á styrktarkvöldi
SAHK. AÐSEND MYND
Einnig verður hægt að kaupa
auka happdrættismiða á 1000
kr. og eru veglegir vinningar í
boði.
Skráning er á netfangið
audolfur@simnet.is eða í síma
8640208 (Ingibjörg) 8463017
(Gunna). Skráningu lýkur
sunnudaginn 25. nóvember.
Fyrirtæki og þeir sem ekki sjá
sér fært að mæta en vilja styðja
gott málefni geta lagt inn á
reikning Hollvinasamtaka
Heilbrigðisstofnunarinnar:
0307-26-270 kt. 490505 0400.
Vonast er til að sem flestir sjái
sér fært að styrkja þetta góða
málefni. /Fréttatilkynning
Neyðarkall björgunarsveitanna
Seldist vel á Króknum
Salan á Neyðarkallinum fór fram um helgina
1.-3. nóvember og gekk vel og vill Skagfirðinga-
sveit, björgunarsveitin á Sauðárkróki, koma
þökkum á framfæri fyrir góðar móttökur sem
sölufólk fékk hjá fyrirtækjum og íbúum við
kaup á neyðarkallinum í ár.
„Salan byrjaði 1. nóvember og gengið
var í hús um kvöldið. Slysavarnafélagið og
Björgunarsveitin ásamt dyggri aðstoð frá
unglingadeildinni Trölla gekk í hús um
helgina, einnig seldum við í anddyri Kaupfélags
Skagfirðinga seinnipart föstudagsins. Einnig
mega koma fram þakkir til sjálfboðaliða sem tóku
þátt í sölu á neyðarkallinum,“ segir Þorgerður
Eva Þórhallsdóttir hjá Skagfirðingasveit.
Fjármagnið, segir Þorgerður, verður notað
til að efla búnað og styrkja þjálfun björgunar-
sveitarmanna, en eins og flestir vita er rekstur
björgunarsveita dýr.
Miklir fjármunir fara í rekstur alls búnaðar
sveitanna, húsnæði og þjálfun björgunar-
sveitarfólks og segir Þorgerður að sala á
Neyðarkallinum sé stór liður í fjármögnun þess.
/PF
2 43/2018