Feykir - 14.11.2018, Blaðsíða 8
Hananú!
Feykir.is
Einhver spurði um tilurð nafsins Tanni á
fyrirtækinu. Sveinn svaraði með eftirfarandi sögu:
Ég var atvinnulaus á bótum eftir að síldin hvarf.
Það var leiðinlegur tími og fór ég að hugsa ráð mitt
og keypti með öðrum gamlan snjóbíl og gerðum
honum nokkuð til góða. Við fengum nóg fyrir hann
að gera og reksturinn gekk vel svo við keyptum nýjan
snjóbíl með tönn. Með honum sáum við í mörg ár
um samgöngur yfir Oddskarð og víðar. Þegar hætt
var rekstri snjóbílsins var farið í rútubílaútgerð.
Snjóbíllinn var kallaður Tanni og skýrðum við
fyrirtækið eftir honum.
Kvöldmatur var klukkan 19:00 með sjálfsafgreiðslu.
Veður fór að ganga niður með kvöldinu.
Mánudagur 3. september
Eftir góða sturtu fórum við í morgunmat klukkan
átta. Svipað veður og í gær, suðvestan gola og rigning.
Sveinn var kominn með bílinn á planið hjá hótelinu.
Hafði komið um kvöldið. Um klukkan níu komum
við úr morgunmat og tókum til í herberginu. Þá var
sólin farin að skína en skýjaklakka rak yfir Þórshöfn.
Klukkan tíu ók Sveinn okkur niður að SMS–vöruhúsi.
Þar skoðaði fólk vöruúrvalið og gekk síðan niður að
höfn og skoðaði sig um á leiðinni.
Eyjarnar í Færeyjum eru átján. Við komum til
Straumeyjar, Austureyjar, Vogeyjar og Borðeyjar.
Af eftirminnilegum stöðum eru mér efstir í huga,
Kirkjubær, minnismerkið um drukknaða sjómenn á
Rakatanga og kirkjan í Klaksvík.
Norræna við bryggju í Þórshöfn rétt áður en við gengum um borð.
Lagt var úr höfn klukkan tvö í sólskini og góðu veðri.
Siglt var um Leirvíkurfjörð og á milli Austureyjar og
Karlseyjar. Eftir fjögurra tíma siglingu fór veltingur að
aukast og orðið erfitt um gang og skriftir. Við fengum
herbergi númer 18 á sjöundu hæð ásamt Kristínu
Helgadóttur og Ingimar Jóhannssyni.
Þriðjudagur 4. september
Komið var til Seyðisfjarðar klukkan níu og skilaði
Sveinn ferðalöngum heim til Skagafjarðar hressum
og ánægðum eftir skemmtilega og eftirminnilega
ferð. Ferðafélögum þakka ég góða samfylgd, Sveini
leiðsögnina og Helgu lipra og góða fararstjórn.
Það var fróðlegt og gaman að koma til Færeyja.
Allir Færeyingar sem við hittum báru hlýjan hug til
Íslendinga og það gleður greinilega Færeying að hitta
Íslending. Megi svo verða um ókomin ár.
Heimildir:
7. Gils Guðmundsson 1968. Lönd og lýðir, V. bindi. Færeyjar bls. 18.
Þessi misserin vinna grunnskólar í
Skagafirði í sameiningu að ytra
mati á skólastarfi. Er það gert eftir
nýrri aðferð sem fengið hefur
nafnið Skólaspegill og er hún
byggð á skoskri hugmyndafræði
sem aðlöguð er að íslenskum
aðstæðum. Hér er um að ræða
tilraunaverkefni sem er
samstarfsverkefni
fræðsluþjónustu Skagafjarðar og
allra skóla sem heyra undir
Sveitarfélagið Skagafjörð, leik-,
grunn- og tónlistarskóla. Það er
Helga Harðardóttir, kennsluráð-
gjafi og verkefnastjóri hjá fjöl-
skyldusviði Skagafjarðar, sem
stýrt hefur þessu nýja verkefni og
er það í leiðinni hluti af lokaverk-
efni hennar í opinberri stjórnsýslu.
Skólarnir í Skagafirði hafa um
margra ára skeið, eða allt frá
árinu 1999, átt í miklum og
góðum samskiptum við Skota og
sótt til þeirra aðferðafræði sem
notuð hefur verið við innra mat
skólanna. Hafa sjálfsmatsaðferðir
skv. skoskum gæðagreinum verið
iðkaðar í grunn- og leikskólum
um langa hríð og einnig í
Tónlistarskóla Skagafjarðar síð-
ustu árin. Að sögn Helgu lá því
nokkuð beint við að leita til Skota
um aðferðir ytra mats. Farið var í
kynnisferð til Skotlands þar sem
starfsfólk fræðsluþjónustunnar
ásamt skólastjórum í leik-, grunn-
og tónlistarskóla fengu að kynnast
skosku matsaðferðinni og notkun
hennar á vettvangi í sveitarfélaginu
West Lothian Council í Skotlandi.
Í framhaldi af því var ráðist í að
þýða efnið sem kallast Validated
Self Evaluation en hefur fengið
íslenska heitið Skólaspegillinn –
staðfest sjálfsmat og aðlaga það að
skagfirskum skólum.
Markmiðið með þessu verkefni
er í raun tvíþætt, annars vegar að
uppfylla lagaskyldur varðandi ytra
mat skóla á sveitarfélagsstigi og
hins vegar að auka gæði skólastarfs
innan sveitarfélagsins. Helga segir
að það sem greini þessa mats-
aðferð frá öðru ytra mati sé að
hér sé fókusinn ekki á hlutleysi
matsmanna enda sé það starfsfólk
skólanna og fræðsluþjónustu
sem inni það af hendi. Ákveðið
var að hefjast handa með ytra
mat í Árskóla í lok október með
aðferðum Skólaspegilsins.
Að sögn Helgu er hér ekki um
heildarmat á skólastarfi að ræða,
heldur ákveður sveitarfélagið
tvo matsþætti og skólinn getur
ákveðið einn. Að þessu sinni
óskaði sveitarfélagið eftir að metin
yrði innleiðing á nýrri lestrarstefnu
Skagafjarðar sem unnið hefur
verið eftir frá haustinu 2017 og
Árskóli óskaði eftir því að athugun
yrði gerð á teymisvinnu. Einnig
var fjallað um almennt skólastarf.
Mátu 27 kennslustundir
Matið í Árskóla tók þrjá daga,
fyrsta daginn var yngsta stigið
heimsótt, miðstigið þann næsta
og síðasta daginn var farið í
kennslustundir á unglingastigi
og á þeim tíma sat hópurinn
samtals 27 kennslustundir þar sem
gerðar voru vettvangsathuganir
inni í árgöngum. Einnig voru
tekin rýnihópaviðtöl við
fulltrúa nemenda og foreldra,
tvö rýnihópaviðtöl við hópa
kennara og eitt rýnihópaviðtal
við starfsmenn sem sinna öðrum
störfum en kennslu. „Þannig
að við fengum í raun og veru
greiningu á ansi mörgu,“ segir
Helga. „En markmiðið er að
uppfylla þessar lagaskyldur, og
að þetta sé samstarfsmiðað mat
á skólastarfi á sveitarfélags vísu,
þannig að við erum að vinna
þetta í anda hugmynda um
lærdómssamfélagið og heildtæka
nálgun í skólastarfi. Aðferðin
gengur út á það að við sem
samfélag erum að reyna að finna
leiðir til að efla gæði skólastarfs
í sameiningu. Við ákváðum að
byrja á grunnskólanum af því að
þeir eru komnir lengra af stað í
innra mati á skólastarfi og síðar
mun fara fram sambærilegt mat í
leikskólunum.“
Helga segir að nú taki við að
ljúka skýrslu um matið í Árskóla.
Niðurstöður matsins verða
notaðar til að gera umbótaáætlun
sem síðan verður kynnt á fundi
fræðslunefndar ásamt matsferlinu.
Að ákveðnum tíma liðnum verður
svo farið yfir umbótaáætlunina
í þeim tilgangi að skoða hvernig
umbótum hefur verið fylgt eftir.
Áætlað er að mat með aðferðum
Skólaspegilsins muni næst fara
fram í Varmahlíðarskóla og
Grunnskólanum austan Vatna.
Leiðir vonandi til aukinna
gæða í skólastarfi
„Þetta gekk ótrúlega vel og var
mjög skemmtilegt ferli. Við vorum
sammála um það í teyminu að
þetta gekk snurðulaust fyrir sig,
aðferð Skólaspegilsins reyndist vel
og mun vonandi leiða til aukinna
gæða í skólastarfi í Skagafirði.
Markmiðið er að við séum að taka
ábyrgð á skólunum í sameiningu
og deila góðu verklagi,“ segir
Helga Harðardóttir að lokum.
Helga fylgist með kennslu í Árskóla. MYNDIR: SELMA BARÐDAL
Ytra mat á skólastarfi í Skagafirði
Markmiðið að auka gæði skólastarfs
Rætt við Helgu Harðardóttur, kennsluráðgjafa og verkefnastjóra
hjá fjölskyldusviði Fræðsluþjónustu Skagafjarðar
VIÐTAL
Fríða Eyjólfsdóttir
Matsteymið að störfum.
8 43/2018