Feykir - 12.12.2018, Blaðsíða 2

Íbúðir í fyrirhuguðum nýbygg-
ingum við Hnjúkabyggð 29
á Blönduósi og Höfðabraut
28 á Hvammstanga hafa
verið auglýstar til sölu en
til stendur að byggja þar
fimm hæða fjölbýlishús með
20 íbúðum í hvoru. ASK
arkitektar annast hönnun
húsanna og byggingaraðili er
Uppbygging ehf., Loftorka sér
um forsteyptar einingar og
innréttingar eru frá Voké-lll.
Íbúðirnar sem um ræðir eru
tveggja, þriggja og fjögurra
herbergja og eru u.þ.b. 61,5 m2,
86 m2 og 100 m2 að stærð. Það
er Húseign fasteignamiðlun
sem annast sölu íbúðanna.
Í samtali við Húna.is segir
Baldvin Ómar Magnússon
hjá Húseign fasteignamiðlun
að áætlað sé að afhenda
kaupendum íbúðirnar í byrjun
árs 2020 en það miðist við að
bygging þeirra geti hafist í
byrjun næsta árs. Segir hann
að íbúðirnar verði sérlega
glæsilegar með harðparket í
öllum rýmum nema forstofu
og baðherbergjum þar sem
verði flísar. Innihurðir verði
yfirfelldar eikarhurðir, bað-
herbergisveggir flísalagðir og
baðherbergi með loftræstingu.
Svalir verði steyptar með
galvaníseruðu járnhandriði
og klætt með plastplötum.
Útveggir húsanna verði ein-
angraðar forsteyptar einingar,
loftplata steypt og gluggar og
hurðir úr timbri og áli. Stéttir
við aðalinnganga verði steyptar
og hellulagðar með hitalögnum
að hluta, lóðir þökulagðar og
bílaplön malbikuð. /FE
Nú er aðventan um það bil hálfnuð og jólin handan við
hornið með öllum sínum hátíðleika, viðburðum,
veisluhaldi og ekki má gleyma gjöfunum.

Vafalaust er það umhugsunarefni
margra þessa dagana hvað eigi að
kaupa í jólagjöf handa hinum eða
þessum og úrlausn vandans
mismunandi augljós. Nú, á
tímum allsnægta, verður það æ
erfiðara viðfangsefni að finna
gjöf sem hittir í mark og gleður
viðtakandann. Og á þessum
tímum, þegar allir eiga allt, held
ég að alltaf fjölgi gjöfunum sem
hver og einn fær, svo öfugsnúið
sem það er.
Hvað á að gefa barni sem vantar ekki neitt? Vafalaust gefa
flestir dót eða föt. Og dótið flæðir út úr dótakössunum og
fataskáparnir fyllast af fötum sem síðan lenda svo til ónotuð
hjá Rauða krossinum, ekkert nema gott um það að segja að
vísu.
Þegar ég hugsa til baka til minna yngri ára minnist ég þess
að flestar gjafirnar sem ég fékk voru bækur. Einhverra hluta
vegna lít ég aldrei á bækur sem einhvern óþarfa sem safnast
upp hjá fólki, heldur sem gjöf sem hægt er að njóta endalaust.
Ég held hins vegar að því miður hafi þróunin orðið sú að æ
færri gefa börnum bækur, því er nú verr. Í þau fjölmörgu ár
sem ég starfaði sem kennari hafði ég það fyrir reglu að spyrja
krakkana sem ég kenndi, unglinga í flestum tilfellum, eftir því
hvaða bækur þeir hefðu fengið í jólagjöf og víst er það að þeim
fjölgaði alltaf tilfellunum þar sem engin bók hafði komið úr
pakkaflóðinu. Sem betur fer fengu þó flestir einhverja bók en
sjaldnast voru þær fleiri en ein undir það síðasta.
Ég er ekki sátt við þessa þróun. Það að hvetja ungu kyn-
slóðina til að lesa góðar bækur hlýtur að vera mikilvæg
undirstaða þess að viðhalda málinu okkar og efla það, ekki
veitir nú af. Það eru til margir afbragðsgóðir barna- og
unglingabókahöfundar sem skrifa bækur sem allir, jafnt börn
sem fullorðnir, geta haft yndi af að lesa. Auðvitað lesa margir
krakkar heilan helling af bókum sem þeir fá að láni á
bókasöfnunum en hvaða skilaboð sendir það börnunum ef
bækur eru ekki nógu merkilegar til að velja þær sem gjöf?
Kristín Helga Gunnarsdóttir, rithöfundur, skrifaði í síðustu
viku opið bréf til útvarpsstjóra og Kiljustjóra þar sem hún
gerir athugasemd við umfjöllun barna- og fjölskyldubóka í
Kiljunni og segir að umfjöllun sé ekki rétta orðið, heldur öllu
heldur handfjötlun. Eftir að hafa lesið grein Kristínar Helgu
horfði ég á umrædda umfjöllun og verð að taka heilshugar
undir orð hennar. Á rúmri mínútu er sjö bókum rennt í gegn
og áhuginn „skín“ út úr andliti þáttarstjórnanda. Sumir hlutir
eru betur látnir ógerðir, því miður.
Hvernig væri svo að velja bækur til jólagjafa þessi jólin?
Fríða Eyjólfsdóttir,
blaðamaður
LEIÐARI
Bók er best vina
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Alls bárust 336.396 kíló af fiski á land á
Norðurlandi vestra í síðustu viku.
Átta bátar lönduðu á Skagaströnd og var
samanlagður afli þeirra 53.580 kíló. Á
Sauðárkróki lönduðu Drangey, Málmey og
Onni rúmu 281 tonni og Harpa landaði einu
og hálfu tonni á Hvammstanga. /FE
Aflatölur á Norðurlandi vestra 2. – 8. desember 2018
336 tonn á land í síðustu viku
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Auður HU 94 Landbeitt lína 3.011
Dagrún HU 121 Þorskfiskinet 1.661
Fengsæll HU 56 Línutrekt 841
Guðmundur á Hópi HU 203 Lína 3.551
Hafdís HU 85 Línutrekt 604
Hafrún HU 12 Dragnót 770
Kristinn SH 812 Landbeitt lína 35.458
Sæfari HU 212 Landbeitt lína 7.684
Alls á Skagaströnd 53.580
SAUÐÁRKRÓKUR
Drangey SK 2 Botnvarpa 118.165
Málmey SK 1 Botnvarpa 157.728
Onni HU 36 Dragnót 5.426
Alls á Sauðárkróki 281.319
HVAMMSTANGI
Harpa HU 4 Dragnót 1.497
Alls á Hvammstanga 1.497
Hvammstangi og Blönduós
Íbúðir í nýbyggingum til sölu
Íslensk matargerðarlist
Mæðgur með sín hvora uppskriftabókina
Ný bók um íslenska matargerð
kom út á dögunum hjá Christian
Verlag í Þýskalandi. Höfundur
hennar er Gudrun Kloes á
Laugarbakka sem sjálf er
bókaútgefandi, Túrí, en þar kom
út önnur matreiðslubók á þýsku
fyrir nokkrum árum sem dóttir
Gudrunar samdi en sú bók er
enn til sölu og í fullu gildi.
Bók Gudrunar nefnist Das
Kochbuch og í henni er að
finna fjölbreyttar uppskriftir
af ekta íslenskum mat. Fallegar
ljósmyndir eru í bókinni eftir
Áslaugu Snorradóttur, en hún
hefur gert fjöldann allan af
uppskriftabókum með frægum
kokkum og sjónvarpsefni, t.d.
með Sveini Kjartanssyni en þeir
þættir voru sýndir í RÚV fyrir
nokkrum árum.
Bók Maike Hanneck, dóttur
Gudrunar, heitir Islandkochbuch
en þar er að finna ýmsan fróðleik,
uppskriftir, orðasafn og margt
fleira um íslenska matargerð þá
og nú.
„Okkur finnst gaman að elda
og baka, og við erum náttúrulega
Íslandsvinir í stjörnuflokki,“
segir Gudrun Kloes. /PF
Fyrirhuguð bygging við Höfðabraut 28 á Hvammstanga.
MYND: ASK ARKITEKTAR
Kápan á bók Gudrunar Kloes.
2 47/2018