Feykir - 12.12.2018, Blaðsíða 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
47
TBL
12. desember 2018 38. árgangur
Frétta- og dægurmálablað á Norðurlandi vestra : Stofnað 1981
Góð blanda af fróðleik og skemmtun
Krókurinn í denn – Rósir á mölinni
Það hefur verið ánægjulegt að
fylgjast með því undanfarið hve
fullveldisafmælis Íslands hefur verði
minnst á margvíslegan hátt víða um
landið og þar hafa Skagfirðingar ekki
látið sitt eftir liggja, þrír af skagfirsku
kórunum hafa, ásamt fleirum, staðið
að veglegum dagskrám í tilefni
afmælisins, nemendur skólanna hafa
haldið upp á það og fleira mætti telja.
Nú síðast var svo sýningin Krókurinn
í denn – Rósir á mölinni, sett upp í
Bifröst á Sauðárkróki af hópi
áhugafólks sem tók höndum saman
og setti upp sviðsverk í tilefni
tímamótanna.
Hann var þéttskipaður salurinn í
Bifröst sl. laugardagskvöld þegar
seinni sýningin af tveimur á verkinu
Krókurinn í denn – Rósir á mölinni
var haldin, sýning sem hafði það að
markmiði að minnast uppbyggingar
Dana á Sauðárkróki og rifja upp
sögu sem er hreint ekki öllum kunn.
Verkið var sett upp í revíuformi þar
sem sögumennirnir Gunnar Sand-
holt, Sigurlaug Dóra Ingimundar-
dóttir og Elva Björk Guðmundsdóttir
leiddu áhorfendann aftur til móta
19. og 20. aldar og ferðuðust með
honum um atburði áranna þar í
kring. Sagan hefst þar sem ungur
úrsmiður, Jörgen Franch Michelsen
að nafni, stígur á skip í Danmörku
og heldur til Íslands í þeim tilgangi
að vinna að iðn sinni á Sauðárkróki.
Svo skemmtilega vildi til að samferða
þessum unga manni var enginn
annar en Friðrik VIII Danakonungur
en leiðir þeirra skildu þegar til
Reykjavíkur var komið, Friðrik hitti
fyrirmenn þjóðarinnar en Michelsen
hélt norður í land og ílengdist á
Sauðárkróki, rétt eins og margir
aðrir Danir sem þar bjuggu og áttu
Kakó og smákökur
22. desember
Listakot Dóru í Vatnsdalshólum
Opnuð verður vinnustofa í Vatnsdalshólum um
miðjan desember en hana reka hjónin Aðalsteinn
Tryggvason og Hólmfríður Dóra Sigurðardóttir undir
nafninu Listakot Dóru. Þann 22. desember verður
boðið upp á kakó og smákökur frá klukkan tvö og
fram eftir degi.
Í Listakoti Dóru verður starfrækt innrömmunar-
þjónusta og vinnustofa listamannsins Dóru en hluti af
rýminu verður notaður til þess að taka á móti gestum
en einnig verður aðstaða fyrir gestakennara.
Dóra hefur unnið að list sinni undanfarin ár undir
listanafninu Listakot Dóru og málar hún málverk,
kerti, kort og fleira. Hún segir að í vetur megi búast við
því að frá henni komi ýmislegt nýtt handverk sem er
núna á þróunar- og framkvæmdastigi. /PF
Falleg handmáluð kerti frá Listakoti Dóru. AÐSEND MYND
Gerir ráð fyrir hvítum jólum
Veðurklúbburinn á Dalbæ
Þriðjudaginn 4. desember 2018 komu sjö spámenn
Veðurklúbbsins á Dalbæ saman til fundar til að fara
yfir spágildi nóvembermánaðar. Niðurstaðan var utan
skekkjumarka þar sem veðrið var heldur verra en gert
hafði verið ráð fyrir þar sem spámenn áttu ekki von á
þeim hvelli sem kom í lok mánaðarins. Fundur hófst
kl 13:55 og lauk kl 14:20.
„Nú kviknar nýtt tungl í desember í austri þann 7.
desember kl 7:20 og það mun vera jólatungl. Við
höfum tilfinningu fyrir því að það muni ganga á með
éljum í desember og snjó taki ekki upp. Ekki er von á
öðrum svona hvelli en gerum ráð fyrir hvítum jólum
og áramótum en viljum þó hafa sem fæst orð um
veðrið yfir hátíðirnar enda getur brugðið til beggja
vona.
Við óskum öllum gleðilegra jóla og nýárs og vonum
að veðrið verði þannig að við getum öll glaðst með
þeim sem við deilum hátíðunum og veðrinu með,“
segir í skeyti Veðurklúbbsins
Veðurvísa desember Þó desember sé dimmur
þá dýrðleg á hann jól.
Með honum endar árið
og aftur hækkar sól.
Jólakveðja frá Veðurklúbbnum. /PF
stóran þátt í að móta bæinn, bæði
hvað varðar atvinnulíf, menningu
og menntalíf á staðnum.
Saga þessara athafnamanna og
sambúð þeirra við innfædda
Skagfirðinga virðist hafa verið með
nokkuð öðrum og jákvæðari hætti
en víða annars staðar og almennt
hefur verið dregin upp í Íslands-
sögunni. Eins og gefur að skilja þarf
að stikla á stóru í stuttri dagskrá en
öruggt hlýtur að teljast að forvitni
margra hefur verið vakin og
sýningin mun trúlega hvetja marga
til að afla sér meiri vitneskju um
viðfangsefnið. Hér er á ferðinni
saga sem vert er að halda á lofti en
er langt í frá lýðum ljós.
Frásögn sögumannanna var
brotin upp af skemmtilegum
leiknum sketsum sem hópur leikara
frá Leikfélagi Sauðárkróks flutti og
brá sér í hin ýmsu hlutverk.
Innslögin voru stutt og hnitmiðuð
og studdu vel við textann. Ekki má
svo gleyma innleggi Binna Júlla en
hann sagði frá tengdaforeldrum
sínum, þeim Ole og Minnu Bang,
sem margir núlifandi Króksarar
minnast með hlýju og virðingu.
Tónlistin lék einnig stórt hlut-
verk og glæddi sýninguna lífi.
Stjórn hennar var í öruggum
höndum Stefáns R. Gíslasonar sem
er auðvitað fagmaður fram í fingur-
góma. Söngatriði þeirra Kristjönu
Arngrímsdóttur og Róberts Óttars-
sonar voru virkilega vönduð, flottir
söngvarar þar á ferð og samspil
þeirra skemmtilegt, og kvartettinn,
skipaður meðlimum úr Karlakórn-
um Heimi, klikkaði ekki frekar en
við var að búast af Heimismönnum
yfirleitt.
Áhugamannahópurinn sem að
sýningunni stóð á svo sannarlega
þakkir skildar fyrir skemmtilega og
fróðlega sýningu, sýningu sem
vitnar um arfleifð sem vert er að
minnast og hlúa að.
TEXTI: FE / MYNDIR: ÓAB
Sigurlaug Vordís, Elva Björk og Sigríður Ingimars.
Hluti leikhóps Leikfélags Sauðárkróks ásamt Brynjari Pálssyni (t.v.)
tekur lokalagið.
Gunnar Sandholt var einn sögumanna og tók saman söguþráðinn.
Stefán Gísla ásamt Kristjönu Arngrímsdóttur og Róberti Óttarssyni.
Að lokinni sýningu. Frá vinstri: Stefán R. Gíslason, Brynjar Pálsson, Gunnar M. Sandholt,
Herdís Á. Sæmundardóttir, Árni Ragnarsson, Guðmundur Ragnarsson, Sólborg Una Pálsdóttir,
Guðbrandur Ægir Ásbjörnsson og Sigfús Ingi Sigfússon.