Fréttablaðið - 24.04.2020, Side 10

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jóhanna Helga Viðarsdóttir RITSTJÓRI: Jón Þórisson jon@frettabladid.is, FRÉTTASTJÓRAR: Ari Brynjólfsson arib@frettabladid.is,
Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Kristjón Kormákur Guðjónsson kristjon@frettabladid.is.
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Hörður
Ægisson
hordur@frettabladid.is

Þannig
hefur orðið
algjör
forsendu-
brestur í
rekstri
nánast allra
fyrirtækja
landsins og
búið er að
skrúfa fyrir
möguleika
þeirra á að
afla sér
tekna.

Reykjavíkur-
borg vill vera
leiðandi sem
snjöll þjón-
ustuborg. Til
þess hafa
ferlar verið
einfaldaðir,
gerðir raf-
rænir.
Alltaf nóg til af humri hjá Norðanfiski...
STÓRUM HUMRI!!
Norðanfiskur ehf. sérhæfir sig í framleiðslu á
úrvals sjávarfangi til veitinga- og stóreldhúsa.
Einnig má finna vörur Norðanfisks í
neytendapakkningum í verslunum
Bónus um land allt.
Hafið samband á nordanfiskur@nordanfiskur.is eða í síma 430 1700
Þórdís Lóa
Þórhallsdóttir
formaður
borgarráðs í
Reykjavík
Stærðargráðan var ekki í takt við tilefnið. Að því leytinu til var annar aðgerðapakki stjórn-valda vonbrigði. Látum liggja á milli hluta þá milljarða sem ráðstafa á til hinna ýmsu gælu-verkefna ráðherra, mörg hver eru örugglega ágæt, en hafa í reynd ekkert að gera sem við-
bragð við efnahagslegu hamförunum sem við höfum
kallað yfir okkur með þeim sóttvarnaaðgerðum sem
gripið hefur verið til. Ómerkilegri verða vart stjórn-
málin en þetta er fórnarkostnaður þess að vera með
ríkisstjórn þriggja ólíkra flokka þar sem allir þurfa að fá
eitthvað fallegt. Sumt í pakkanum var gott, meðal ann-
ars aðgerðir í þágu nýsköpunar og stuðningur við lítil
fyrirtæki með lokunarstyrkjum, lán með ríkisábyrgð á
lágum vöxtum og tekjuskattsjöfnun, og mun skipta þau
máli til að komast í gegnum mestu hremmingarnar.
Meira þarf að koma til, einkum gagnvart ferða-
þjónustunni og meðalstórum fyrirtækjum, og þær
aðgerðir geta ekki beðið í margar vikur. Öllum verður
ekki bjargað en markmiðið hlýtur að vera almennar og
skilvirkar aðgerðir sem hafa raunverulega þýðingu og
ná til lífvænlegra fyrirtækja í helstu lykilatvinnugrein-
um. Framlengja þarf og útvíkka hlutabótaleiðina og þá
ætti ríkið að koma til móts við þau fyrirtæki sem ráða
ekki við að greiða uppsagnarfrest og þannig forða því
að þau verði gefin upp til gjaldþrotaskipta í stórum stíl
þar sem reikningurinn lendir engu að síður á ríkissjóði.
Sú aðgerð gagnast mörgum ferðaþjónustufyrirtækjum
og kæmi þeim í skjól meðan mesta fárviðrið gengur
yfir. Ekkert kemur þó í veg fyrir að stór hluti þeirra fari í
þrot og þúsundir missi vinnuna en við verðum að reyna
að milda höggið þannig að þessi mikilvægasta atvinnu-
grein okkar geti sótt fram að nýju og skapað þjóðar-
búinu gjaldeyristekjur þegar landið opnast að nýju.
Það er hagur okkar allra að koma í veg fyrir að hér
myndist gríðarlegt langtímaatvinnuleysi. Verkefni
stjórnvalda við þessar aðstæður snýst þess vegna ekki
um hefðbundnar örvunaraðgerðir í niðursveiflu heldur
að reyna einfaldlega eftir fremsta megni að halda
atvinnulífinu á f loti með því að setja það í öndunarvél.
Það mun kosta mikla fjármuni en þá ber að líta til
þess að efnahagsvandinn er kominn til vegna ákvörð-
unar ríkisins um að setja hömlur á allar ferðir fólks
milli landa, koma á samkomubanni og gera mörgum
þjónustufyrirtækjum það að loka starfsemi sinni tíma-
bundið. Þannig hefur orðið algjör forsendubrestur í
rekstri nánast allra fyrirtækja landsins og búið er að
skrúfa fyrir möguleika þeirra á að afla sér tekna.
Geta Íslands til að takast á við þetta stóra áfall hefur
aldrei verið betri. Það þýðir hins vegar ekki að ríkissjóð-
ur sé takmarkalaus. Fastlega má gera ráð fyrir því að
fjárlagahallinn í ár verði að lágmarki um 300 milljarðar.
Á sama tíma er enn verið að gera samninga um tals-
verðar launahækkanir til handa opinberum stéttum.
Það skýtur skökku við þegar öllum má vera ljóst að for-
sendur gildandi kjarasamninga, á almennum og opin-
berum vinnumarkaði, eru ekki lengur fyrir hendi. Í stað
væntinga um hagvöxt og áframhaldandi sterka stöðu
ríkissjóðs horfum við fram á dýpstu kreppu lýðveldis-
sögunnar, fjöldaatvinnuleysi og gríðarlegan fjárlaga-
halla. Jafnan gengur ekki lengur upp. Við skulum búa
okkur undir það að aðlagast nýjum efnahagsveruleika.
Nýr veruleiki 
Misskilur embættið
Skiptar skoðanir eru um fram-
boð Guðmundar Franklíns
Jónssonar til embættis forseta
Íslands. Guðni Th. Jóhannesson
er afar vinsæll og nánast úti-
lokað að ímynda sér að nokkur
frambjóðandi finnist sem gæti
velt honum úr sessi. Sá fram-
bjóðandi er í öllu falli ekki Guð-
mundur Franklín.
Miðað við framboðsræðu
hans virðist hann ekki heldur
átta sig á hlutverki forsetans.
Það er ekki í hans verkahring
að setja saman efnahagslega
aðgerðapakka eða berjast gegn
verðtryggingunni.
#Gúndi2024
Verðmiðinn á forsetakosning-
um er 300-400 milljónir króna.
Á þrengingartímum er ekki
laust við að fólki sé misboðið að
eyða verði þessum peningum í
tilgangslausar kosningar.
Reglulega blossar upp
umræða um hvort fjöldi með-
mælenda, 1.500 að lágmarki, sé
of lágur þröskuldur til þess að
framboð til forsetaembættisins
teljist gilt. Sú umræða er fyrst
og fremst Ástþóri Magnússyni
að þakka.
Ein betrumbót gæti falist í því
að hækka þakið í þrepum. Við
fyrsta framboð þarftu áður-
nefndar 1.500 undirskriftir
en eftir fjögur ár tvöfaldast sá
fjöldi. Það myndi forða okkur
frá #Gúnda2024.
bjornth@frettabladid.is
2 4 . A P R Í L 2 0 2 0 F Ö S T U D A G U R10 S K O Ð U N ∙ F R É T T A B L A Ð I Ð
SKOÐUN
Alls staðar í borgarkerfinu hefur starfsfólk þurft að bregðast hratt við að undanförnu, læra á nýja tækni og nýta hana í að veita mikilvæga
þjónustu, með takmarkanir sóttvarna í huga. Þegar
þessu ástandi lýkur verða eflaust margir því fegnir
að hitta annað fólk í stað fjarfunda á skjá, fá að faðma
aftur vini og ættingja og hittast á skemmtilegum
mannamótum. Við munum líka taka með okkur
lærdóma um hvað við getum rafvætt af þjónustu
borgarinnar.
Reykjavík er vel undirbúin fyrir aukna rafvæðingu.
Því var hægt að bregðast hratt við með velferðartækni
til að auka þjónustu. Veitt er félagsleg heimaþjónusta
með skjáheimsóknum, á sama hátt eru samskipti
félagsráðgjafa Barnaverndar og unglinga í fóstri efld
og íbúum hjúkrunarheimila auðveldað að spjalla við
aðstandendur.
Félagsstarf var rafvætt, þegar loka þurfti félagsmið-
stöðvunum. Nú er tæknin notuð til að syngja saman,
kenna spænsku og keppa í skák. Félagsmiðstöðvar
ungmenna eru þeim eldri ekki eftirbátar og halda
uppi öflugu félagsstarfi á samfélagsmiðlum.
Reykjavíkurborg vill vera leiðandi sem snjöll þjón-
ustuborg. Til þess hafa ferlar verið einfaldaðir, gerðir
rafrænir. Við settum á fót nýtt þjónustu- og nýsköp-
unarsvið til að leiða rafrænar þjónustubreytingar,
þvert á öll svið borgarinnar í anda nútímalegrar þjón-
ustustefnu. Við höfum líka ákveðið að veita auknu
fjármagni í snjallvæðinguna.
Dæmi um frábæra rafræna lausn er umsókn um
fjárhagsaðstoð, sem heppnaðist svo vel að vefkerfið
var nú í mars valið af Samtökum vefiðnaðarins sem
vefkerfi ársins 2019. Önnur lausn er í farvatninu eru
snjallari umsóknir til að einfalda til muna öll sam-
skipti vegna skipulags- og byggingamála.
Starfsmenn borgarinnar hafa geta brugðist hratt
við í að veita meiri rafræna þjónustu, því undir-
búningurinn hefur verið fyrir hendi. Við munum
halda áfram að þróa snjallborgina Reykjavík, læra af
því sem vel hefur heppnast á undanförnum vikum og
halda áfram að einfalda líf borgarbúa.
Snjallborgin Reykjavík