Bændablaðið - 17.01.2019, Side 14

Bændablaðið | Fimmtudagur 17. janúar 201914
Miðhraun 2 210 Garðabær Sími 587 1300 kapp@kapp.is www.kapp.is
BÍLAR
Kæli- & frystibúnaður
frá Carrier í miklu úrvali.
Fyrir allar gerðir af sendi- og flutningabílum.
HURÐIR
Hentar afar vel fyrirtækjum
í landbúnaði, sjávarútvegi og iðnaði.
fyrir kæla
KÆLI & FRYSTI
BÚNAÐUR
Hafðu samband í síma 587 1300
og við sérsníðum lausn sem hentar þér!
FRÉTTIR
Sunnlendingar leita að
urðunarstað fyrir sorp
Sorpstöð Suðurlands leitar nú
eftir landi undir urðunarstað til
kaups eða leigu.
Æskileg staðsetning er á
svæðinu frá Hellisheiði í vestri að
Jökulsá á Sólheimasandi í austri.
Þá þarf landið að vera vel staðsett
gagnvart samgöngum á landi
og dreifikerfi raforku, en fjarri
vatnsverndar- og útivistarsvæðum.
Lágmarksstærð lands er 30
ha. „Á staðnum yrði tekið við
almennum úrgangi til urðunar, þó
ekki lífrænum úrgangi. Áætlaður
rekstrartími er 30 ár en leigutími
að lágmarki 60 ár ef um leigu yrði
að ræða“, segir í tilkynningu frá
sorpstöðinni. /MHH
Hrunamannahreppur:
Frítt fyrir elsta árganginn
í leikskólanum á Flúðum
Skólanefnd Hrunamannahrepps
samþykkti fyrir nokkru að breyta
gjaldskrá leikskólans á Flúðum.
Tillagan felur í sér að gjaldfrelsi
allra barna verði komið á í áföngum
og leikskólinn verði þannig orðinn
gjaldfrjáls að fullu haustið 2024.
Frá áramótunum núna mun elsti
árgangurinn strax verða gjaldfrjáls,
eða fjögur börn. Auk þess mun
breytingin hafa áhrif á tólf börn
næsta haust en það þýðir að samtals
16 börn verða gjaldfrjáls á næsta
ári.
„Þar sem leikskólinn er fyrsta
skólastigið telur H-listinn eðlilegt
að stefnt skuli að gjaldfrelsi þess
á sama hátt og grunnskóla. Með
því er jafnframt verið að gera
Hrunamannahrepp að fýsilegri kost
fyrir barnafjölskyldur til að setjast
að í sveitarfélaginu sem jafnframt er
ein af forsendum þess að styrkja enn
frekar það faglega og öfluga starf
sem fer fram í leikskólanum í dag,“
segir Elsa Ingjaldsdóttir, formaður
skólanefndar Hrunamannahrepps.
/MHH
Elsa Ingjaldsdóttir, formaður skólanefndar Hrunamannahrepps, hér að
spjalla við Jóhannes Kristjánsson skemmtikraft í Hrunaréttum í haust. Hún
reiknar með að breytingunni á leikskólagjöldunum verði tekið fagnandi af
samfélaginu í heild enda allra hagur að geta veitt sem besta þjónustu við
íbúana á hvaða sviði sem er. Mynd / MHH
Samþykkt aðalfundar Veiðifélags Árnesinga hnekkt af Fiskistofu:
Bann við netaveiðum í Ölfusá og Hvítá
sumarið 2019 úrskurðað ólögmætt
Þann 10. desember síðastliðinn
dæmdi Fiskistofa bann Veiðifélags
Árnesinga við netaveiðum í
Ölfusá og Þjórsá ólögmætt.
Tekur Fiskistofa þar með undir
kæru eigenda Hrauns 1, Lága,
Hrauns hjáleigu, Hraunhóls í
Ölfusi og Laugardæla í Flóahreppi
á samþykkt Veiðifélagsins frá
því í apríl á síðasta ári um neta-
veiðibannið.
Tildrög málins eru þau að Drífa
Stefánsdóttir á Torfastöðum lagði
fram tillögu á aðalfundi Veiðifélags
Árnesinga þann 26. apríl 2018. Hún
fól í sér að einungis yrði heimiluð
veiði á silungi og laxi á vatnasvæði
Ölfuss og Hvítár á stöng sumarið
2019 og að netaveiði yrði þar með
bönnuð.
Hart tekist á um tillöguna
Jörundur Gauksson mótmælti þessari
tillögu harðlega og sagði að víða í
jökulvatninu væri útilokað að veiða
á stöng. Því væri með samþykkt
þessarar tillögu verið að hindra
að hægt væri að nýta hlunnindi
fjölda jarða. Krafðist hann þess að
tillagan yrði dregin til baka og henni
vísað frá, enda væri hún ótæk og
ólögleg. Eftir hörð orðaskipti og
umræður á fundinum var tillagan
samt samþykkt með 88 atkvæðum
gegn 68.
Kærðu samþykkt aðalfundar
Andstæðingar þessarar samþykktar
töldu sig ekki geta unað þessari
niðurstöðu. Var því lögð fram kæra
af Hrafnkatli Karlssyni fyrir hönd
Hraunóss ehf. og Haraldi Þórissyni
í Laugardælum. Var kæran til
ógildingar ákvörðun félagsins og
var Lex lögmannsstofa fengin til
að reka málið.
Kærendur byggðu á því að
ákvörðun um að samþykkja hina
kærðu tillögu hafi verið tekin með
ólögmætum hætti og ætti því að
sæta ógildingu. Var krafa kærenda í
fyrsta lagi reist á því að óheimilt hafi
verið að taka hina kærðu tillögu til
atkvæðagreiðslu þar sem fundarboð
hafi verið ófullnægjandi. Í öðru
lagi að samþykkt tillögunnar brjóti
í bága við samþykktir Veiðifélags
Árnesinga. Er þar vísað til þess
að samkvæmt 4. grein þeirra sem
staðfest hafi verið af Fiskistofu
segir verkefni félagsins sé að
viðhalda góðri fiskgengd og stuðla
að sjálfbærri nýtingu fiskistofna og
efla veiðihlunnindi á félagssvæðinu
og ráðstafa veiði. Þar segir síðan:
1. Leiga á stangveiði.
2. Heimila félagsmönnum veiði í
fastar veiðivélar eða á stöng.
Þá segir að ráðstafa megi þeirri
stangveiði til annarra með þeim
takmörkunum sem veiðitilhögun
félagsfunda og lög segja. Óheimilt
sé að stunda neta- og stangveiði
samhliða á sama veiðisvæði
fyrir landi viðkomandi jarða eða
landareigna. Félaginu beri einnig
að vernda vistkerfi.
Með öðrum orðum, samþykktir
félagsins heimila ótvírætt að
netaveiði sé stunduð á vatnasvæðinu.
Samþykkt aðalfundar ólögmæt
Í ákvörðunarorðum Fiskistofu segir
hreint úr að samþykkt Veiðifélags
Árnesinga frá 26. apríl sé ólögmæt.
Undir það rita fyrir hönd Fiskistofu
Guðni Magnús Eiríksson, sviðstjóri
lax- og silungsveiðisviðs og Björn
Jónsson lögfræðingur.
Samkvæmt 43. gr. laga um lax- og
silungsveiði er ákvörðun Fiskistofu
endanleg og ekki hægt að kæra hana
til ráðherra. /HKr.
Vaðlaheiðargöng voru formlega opnuð með hátíðlegri athöfn um liðna helgi. Um borðaklippingar sáu eldri borgarar
sveitarfélaganna hvort sínum megin ganganna, Hólmfríður Ágústsdóttir, 92 ára á Svalbarðsströnd og Friðrik
Glúmsson, í Vallakoti í Reykjadal, elsti íbúi Þingeyjarsveitar, en hann verður 100 ára á komandi sumri.
Vaðlaheiðargöng opnuð við hátíðlega athöfn:
Gjörbreytir samgöngum á svæðinu og
leysir af hættulegan veg um Víkurskarð
– Framkvæmdin kostaði um 17 milljarða króna og fór langt fram úr tímaáætlun
Vaðlaheiðargöng voru formlega
opnuð með hátíðlegri athöfn um
liðna helgi. Vaðlaheiðargöng eru á
milli Eyjafjarðar og Fnjóskadals
og er ætlað að leysa af veginn um
Víkurskarð sem getur verið mjög
erfiður og hættulegur yfirferðar
á vetrum.
Heildarlengd ganganna með
vegskálum er um 7,5 kílómetrar.
Með tilkomu þeirra styttist þjóðvegur
1 frá Akureyri til Húsavíkur um 16
kílómetra.
Framkvæmdir hófust við gerð
ganganna sumarið 2013 og hafa
þær staðið yfir síðan, eða í fimm og
hálft ár. Forsaga gangagerðarinnar
nær aftur til ársins 2002 þegar unnin
var skýrsla um gerð jarðganga
undir Vaðlaheiði og ári síðar stóð
Eyþing fyrir stofun Greiðrar leiðar,
félags um framkvæmd og rekstur
Vaðlaheiðarganga, en að því stóðu
þau 20 sveitarfélög sem mynduðu
Eyþing auk 10 fyrirtækja.
Fordæmalausar tafir
Félagið Vaðlaheiðargöng var
stofnað árið 2011 um gangagerðina,
Vegagerðin með 51% hlut og Greið
leið með 49%. Upphaflega stóð til
að opna göngin fyrir umferð síðla árs
2016, en fordæmalausar aðstæður,
m.a. mikið rennsli bæði á heitu og
köldu vatni, töfðu framkvæmdir
verulega. ÍAV hf/Marti Constractors
lts - Ósafl var aðalverktaki við
gerð ganganna, Vegagerðin
stýrði hönnun þeirra og veglínu,
en verkfræðistofurnar Mannvit,
Verkís, Efla og Verkfræðistofa
Norðurlands veittu ráðgjöf við
hönnun. Framkvæmdaeftirlit var í
höndum GeoTek og Eflu. Hönnun
og tæknileg útfærsla á gjaldtökukerfi
var í höndum verkfræðistofunnar
Raftákns og Stefna hugbúnaðarhús
sá um forritun.
Endurgreiðsla á tæpum 30 árum
Heildarkostnaður við gerð
Vaðlaheiðarganga er um 17
milljarðar króna og ráð fyrir því gert
að hann verði endurgreiddur á 28
árum. Vegfarendur greiða veggjald
fyrir að aka um Vaðlaheiðargöng
og er það greitt í gegnum vefsíðuna
veggjald.is eða tunnel.is og þar er að
finna upplýsingar um gjaldskrá en
eitt stakt gjald fyrir fólksbíl kostar
1.500 krónur. Hægt er að lækka þann
kostnað með því að kaupa fleiri ferðir
í einu. Stakt gjald fyrir bíla yfir 3.500
kíló er 6.000 krónur. /MÞÞ
Fornbílar óku um nýju jarðgöngin
við opnunina.