Bændablaðið - 12.09.2019, Page 1

17. tölublað 2019 ▯ Fimmtudagur 12. september ▯ Blað nr. 546 ▯ 25. árg. ▯ Upplag 32.000 ▯ Vefur: bbl.is
Kolefnisskattlagning á eigendur ökutækja sem brenna jarðefnaeldsneyti mun enn hækka um næstu áramót:
Innflutningur á þotueldsneyti hefur nær tvöfaldast frá
2015 en flug er enn utan sviga í kolefnisumræðunni
– Meira var flutt inn af þotueldsneyti 2018 en af öllu öðru fljótandi eldsneyti fyrir skipaflotann, umferðina og til allra annarra nota
Kolefnisskattlagning á eig­
endur ökutækja sem brenna
jarðefnaeldsneyti mun enn hækka
um næstu áramót. Á sama tíma er
flugið fyrir utan sviga þótt það sé
líklega mesti mengunarvaldurinn
og hefur verið mest vaxandi í
bruna á jarðefnaeldsneyti.
Samkvæmt fjárlögum 2019
á kolefnisgjald að skila 5.980
milljónum í ríkissjóð á yfirstandandi
ári. Það á að hækka í 6.340
milljónir á næsta ári samkvæmt
fjárlagafrumvarpi 2020. Það kemur
til viðbótar olíugjaldi sem er upp
á 12.100 milljónir á þessu ári og
hækkar í 12.600 milljónir 2020.
Þá verður vörugjald af ökutækjum
7.500 milljónir á næsta ári, vörugjald
af bensíni 4.700 milljónir, sérstakt
vörugjald af blýlausu bensíni
7.600 milljónir og ekki má gleyma
virðisaukaskattinum sem leggst ofan
á allt saman. Eigendur ökutækja sem
brenna jarðefnaeldsneyti virðast
því eiga að vera þeir einu sem eru
skattlagðir sérstaklega í baráttu
gegn losun koltvísýrings. Þeir eiga
jafnhliða að standa undir viðhaldi
vegakerfisins á Íslandi, sem sumir
notendur þessa sama gatnakerfisins
þurfa ekki að greiða fyrir.
Lítil áhersla á innleiðingu í
notkun á innlendu metangasi
Í umræðum um ráðstafanir
við að sporna gegn losun
koltvísýrings hefur sjónum mjög
verið beint að orkuskiptum og
rafbílainnleiðingu. Lítið hefur
hins vegar farið fyrir umræðu um
að beina ökutækjanotendum yfir í
metangas sem hægt er að framleiða
á Íslandi og gæti jafnvel skilað
mun meiri árangri í baráttunni
við koltvísýringslosun. Í Evrópu
hafa bílaframleiðendur og löggjafi
sumra ESB-ríkja einmitt verið að
beina notkuninni yfir í metangas,
sérstaklega hvað varðar mest
mengandi þungaflutningana. Þá er
stærsti mengunarvaldurinn í þessum
efnum, flugið, að mestu stikkfrí í
umræðunni hér, þrátt fyrir að þar
hafi bruni þotueldsneytis sem hér er
selt nær tvöfaldast frá 2015.
Stóraukinn innflutningur á
flugvélaeldsneyti
Samkvæmt tölum Hagstofu Íslands
hefur orðið veruleg aukning
á innflutningi eldsneytis fyrir
flugvélar og hefur innflutningurinn
nær tvöfaldast frá 2015, eða úr
456.472 tonnum í 821.364 tonn.
Innflutningurinn á flugvélaeldsneyti
skiptist í tvennt, bensín og
þotueldsneyti, sem er í raun steinolía.
Meira flutt inn af þotueldsneyti
en fljótandi eldsneyti fyrir alla
aðra starfsemi í landinu
Árið 2015 nam innflutningurinn
á þotueldsneyti (steinolíu)
samtals 456.151 tonni frá Evrópu,
Ameríku og Asíu. Árið 2016
nam sá innflutningur rúmum
653.172 tonnum. Árið 2017 nam
innflutningurinn svo tæpum
702.964 tonnum. Innflutningurinn
á þotueldsneyti var síðan
kominn í rúmlega 820.938 tonn
árið 2018. Var það ár flutt inn
tæplega 110 tonnum meira af
þotueldsneyti en öllu eldsneyti á
bíla, skipaflotann, varaaflstöðvar,
fiskimjölsverksmiðjur og hús kynd-
ingar samanlagt.
Fyrir utan þotueldsneyti hefur
innflutningur á flugvélabensíni líka
verið að aukast. Árið 2015 voru flutt
inn tæp 321 tonn af flugvélabensíni.
Árið 2016 voru það rúm 385 tonn, en
minnkaði í tæp 376 tonn árið 2017.
Á árinu 2018 voru hins vegar flutt
inn 426 tonn af flugvélabensíni.
Aukningin í þotueldsneytinu nær
fjórföld á við annað eldsneyti
Samkvæmt tölum Hagstofu
Íslands nam innflutningur á
jarðefnaeldsneyti á bíla, skip,
varaaflsstöðvar og fyrir kyndingu
húsa og fiskimjölsverksmiðja
samtals 618.589,6 tonnum árið 2015.
Þetta er bensín, dísilolía (gasolía) og
brennsluolía. Nam sá innflutningur
622.370 tonnum árið 2016 og
699.086 tonnum árið 2017. Hann
var svo kominn í 711.444,7 tonn árið
2018. Þessi innflutningur hafði því
aukist frá 2015 um 92.855,1 tonn.
Þar er m.a. um að ræða eldsneyti
á allan skipaflotann, einkabíla og
atvinnutæki eins og flutningabíla
og rútur í ferða þjónustunni.
Á sama tíma jókst innflutn-
ingurinn á þotueldsneyti um
364.787 tonn eða nærri fjórum
sinnum meira en innflutningur á öllu
öðru fljótandi jarðefnaeldsneyti í
landinu. /HKr.
– Sjá umfjöllun um þróun í sölu
ökutækja og metangasnotkun í
samgöngum á bls. 20–21.
Stopp, hingað og ekki lengra. – Lömbin reyna oft að flýja þegar rekið er inn í almenninginn en yfirleitt tekst þeim það ekki. Það var sannarlega handagangur í öskjunni þegar réttað var í
Hrútatungurétt í Hrútafirði í Vestur-Húnavatnssýslu laugardaginn 7. september. – Sjá nánar bls. 7 Mynd / Magnús Hlynur Hreiðarsson
22
Íslenskir þörungar gætu
dregið úr gróðurhúsaáhrifum
frá jórturdýrum
Stefnir hátt með reynslubankann
og gott bakland í farteskinu
16
Íslensk morgunfrúarolía
í snyrtivörugerð
26