Bændablaðið - 12.09.2019, Page 24

Bændablaðið | Fimmtudagur 12. september 201924
UTAN ÚR HEIMI
Nautakjötsgeirinn í Kansas í
Bandaríkjunum sætir nú rannsókn
landbúnaðarráðuneyt is ins
(USDA) fyrir meint misferli
og samráð í verðlagningu. Fór
ráðuneytisstjórinn, Sonny
Perude, fram á rannsókn í
kjölfar bruna sem átti sér stað
í kjötpökkunarhluta Tyson´s
Holcomb sláturhússins í Kansas.
Eldur kom upp í vinnslunni 9.
ágúst sl. og leiddi það til þess að
verð sem greitt var fyrir nautgripi
til bænda féll, væntanlega vegna
offramboðs fyrir vinnslurnar á
svæðinu. Á sama tíma hækkaði
smásöluverð á nautakjöti út úr búð.
Greint var frá þessu á vefmiðlinum
Global Meat 29. ágúst.
Unnu kjöt af 6.000
nautgripum á dag
Pökkunarverksmiðja fyrirtækisins
eyðilagðist í eldinum, en hjá
fyrirtækinu var slátrað að jafnaði
um 6.000 nautgripum á dag. Það
þýðir að við stöðvun verksmiðjunnar
safnast upp um 30 þúsund gripir í
hverri vinnuviku sem bíða slátrunar
og vinnslu. Var pökkunarverksmiðja
Tyson´s Holcomb með um 6% af
heildarpökkunargetunni í bandarísku
nautakjötsframleiðslunni og um
23,5% af afkastagetunni í Kansas.
Samkvæmt fréttum frá CattleFax
þýðir þetta að vinnslur í Kansas,
Texas, Colarado, Nebraska og í
Iowa þurfa að auka sín afköst
um 8–8,5% ef þær eiga að
taka við nautgripunum
frá Kansas. Haft er eftir
greinendum í þessum
geira að erfitt geti reynst
að samræma aðgerðir til
að mæta þessu áfalli.
11,5 milljónir gripa í
fóðrunarstöðvum
Sömu heimildir
greina frá því að
heildar fjöldi nautgripa
í fóðrunarstöðvum
(feedyards) í Banda ríkj unum hafi
verið 11,5 milljónir þann 1. júlí. Þar
af voru 2,4 milljónir gripa í Kansas,
eða um 21% af heildar fjöldanum.
Í yfirlýsingu sem Sonny
Perude sendi frá sér segir m.a.
að þetta sé hluti af aðgerðum
við að fylgjast með áhrifum
brunans á framleiðsluaðstöðuna í
Holcomb í Kansas. Því hafi hann
beðið pökkunar- og birgðadeild
landbúnaðarráðuneytisins um að
setja í gang rannsókn á nýlegum
verðafkomutölum. Einnig að
komast að niðurstöðu um hvort
einhverjar sannanir séu fyrir
einhverju misferli í verðlagningu,
samráði eða takmörkunum á
samkeppni eða fyrir öðrum
óheiðarlegum viðskiptum.
Jenni fer Houston,
formaður Lands samtaka
nau t g r ipa f r amle ið enda
(National Cattleman´s Beef
Association), gaf frá sér
yfirlýsingu í kjölfarið. Þar
segir m.a.:
„Við hvetjum land-
búnaðar ráðuneytið til að
skoða alla þætti framleiðslu-
keðjunnar á nautakjöti og nýta allar
mögulegar leiðir í þeirri rannsókn.
Við trúum því að það muni auka
gagnsæi sem hjálpar okkur við að
byggja upp traust á markaðnum
meðal nautgripaframleiðenda.“
/HKr.
Bruninn í kjötpökkunarhluta Tyson´s
Holcomb sláturhússins í Kansas.
Kansas í Bandaríkjunum:
Bruni í kjötvinnslu leiðir til rannsóknar á
meintu misferli á nautakjötsmarkaðnum
Ástralska sjóflutningafyrirtækið
Emanuel Exports hefur verið
kært fyrir dýraníð í kjölfar þess
að 2.400 kindur drápust í lest
flutningaskips sem var að flytja
lifandi fé frá Ástralíu til Mið-
Austurlanda. Slátra átti fénu á
áfangastað samkvæmt halal-hefð
múslima.
Á röð af myndböndum sem
pakistanskur siglingafræðingur og
áhafnarmeðlimur á Awassi Express
tók þegar verið var að flytja lifandi
sauðfé sjóleiðina frá Perth í Ástralíu
til Mið-Austurlanda má sjá hræðilega
meðferð á fénu. Flutningarnir taka
að jafnaði þrjár vikur.
Myndirnar sýna að alltof margt
fé er sett í lestar skipsins og í
flutningagáma í kæfandi hita og
að fóður og vatn er takmarkað og
langt undir því sem eðlilegt getur
talist. Myndbandið sýnir einnig að
lömbum sem fæðast um borð er
slátrað og kastað fyrir borð ásamt
fjölda þeirra 2.400 dýra sem drápust
meðan á flutningunum stóð. Ekki er
hreinsað undan fénu og sést það vaða
í skít upp á miðja leggi. Einnig má
sjá sárþjáð dýr sem dýralæknirinn
um borð veitir enga aðstoð.
Árið 2017 fékk fyrirtækið
Emanuel Exports viðvörun eftir að
um 3.000 kindur drápust um borð í
sama skipi þegar það var að flytja
fé frá Ástralíu til sama áfangastaðar.
Reglur um dýravelferð
þverbrotnar
Myndirnar eru þær fyrstu
sem sýna ástandið um
borð í áströlsku gripa-
flutningaskipi. Yfirvöld í
Ástralíu eru sögð æf yfir
birtingu mynd bandsins og
segja að fyrirtækinu beri að fara eftir
áströlskum lögum um dýravelferð
sem séu greinilegar þverbrotnar
samkvæmt myndbandinu.
Í framhaldi af birtingu mynd-
bands ins hefur land búnaðar ráðherra
Ástralíu farið fram á tafarlausar
úrbætur áður en gripaflutningar
af þessu tagi verða leyfðir
aftur. Ráðherrann vill einnig að
skipafélögum sem flytja lifandi
búfé verði skylt að setja upp
myndavélar um borð í skipunum
svo að hægt verði að fylgjast með
meðferð dýranna í landi og grípa
til ráðstafana gerist þess þörf.
Flutningar á lifandi
búfé milli landa hafa verið
stundaðar í mörg ár og
þetta er ekki í fyrsta sinn
sem myndir sýna slæma
meðferð á gripunum og
hafa dýraverndunarsamtök
margoft mótmælt og gagnrýnt
slíka flutninga á grundveli
dýravelferðarlaga.
Svipt leyfi tímabundið
Flutningafyrirtækið Emanuel
Exports, sem hefur sérhæft
sig í flutningum á búfé, missti
tímabundið leyfi til flutninganna
eftir að myndbandið var gert
opinbert og meðan á rannsókn
málsins stóð og gerðar hafa
verið kröfur um endurbætur
á framkvæmd flutninganna.
Meðal úrbóta sem krafist er til
að bæta velferð dýranna er að
þau hafi nægan aðgang að vatni
og fóðri og að komið verði upp
loftkælingu í lestum og öðrum
flutningsrýmum.
Á sama tíma var annað
sjóflutningafyrirtæki, EMS Rural
Exports Pty Ltd, einnig svipt leyfi
til að flytja lifandi dýr vegna
slæmrar meðferðar á þeim. /VH
Tekist á um dýravelferð vegna sölu á lifandi sláturgripum frá Ástralíu til Mið-Austurlanda:
Sjóflutningafyrirtæki sem flutti
lifandi sauðfé kært fyrir dýraníð
Svipmyndir frá flutningum á sláturfé með skipinu Awassi Express frá Ástralíu til
Mið-Austurlanda. Myndirnar eru úr myndbandi sem einn úr áhöfn á skipinu tók og
hafa verið birtar á fjölda vefmiðla um allan heim.
Awassi Express.