Bændablaðið - 12.09.2019, Side 30

Bændablaðið | Fimmtudagur 12. september 201930
Sunnudagurinn 15. september
verður stór dagur í Skógasafni
undir Eyjafjöllum en þann dag
frá 15.00 til 18.00 verður haldið
upp á 70 ára afmæli safnsins, auk
Skógaskóla.
Hátíðin byrjar í Skógaskóla og
síðan verður ný sýning opnuð um
sögu þessara stofnana í safninu.
Mikil uppbygging hefur átt sér
stað frá því að Skógasafn var fyrst
opnað almenningi. Safnið er nú
eitt það stærsta á landinu og telur
safnkosturinn um 18 þúsund muni
sem var að mestu leyti safnað af
fyrrum safnstjóra, Þórði Tómassyni.
Safnið hefur notið mikilla vinsælda
og árlega skiptir gestafjöldi
safnsins tugum þúsunda. Sigurður
Ingi Jóhannsson, samgöngu- og
sveitarstjórnarráðherra mun setja
hátíðina klukkan 15.00. Þá verða
nokkur ávörp flutt og sönghópurinn
Öðlingar úr Rangárvallasýslu mun
syngja nokkur lög. Kaffiveitingar
verða í Skógakaffi og Fornbílaklúbbur
Íslands verður með fornbíla til sýnis.
Allir eru velkomnir í afmælið. /MHH
LÍF&STARF
Auðkúlurétt við Svínavatn, A.-Hún. laugardaginn 21. sept. kl. 16.00
Árhólarétt í Unadal, Skag. föstudaginn 27. sept.
Deildardalsrétt í Deildardal, Skag. föstudaginn 27. sept.
Hlíðarrétt við Bólstaðarhlíð, A.-Hún. sunnudaginn 15. sept. kl. 16.00
Laufskálarétt í Hjaltadal, Skag. laugardaginn 28. sept.
Melgerðismelarétt í Eyjafjarðarsveit laugardaginn 5. okt. kl. 13.00
Miðfjarðarrétt í Miðfirði, V. - Hún. laugardaginn 7. sept. kl. 9.00
Selnesrétt á Skaga, Skag. laugardaginn 14. sept.
Skarðarétt í Gönguskörðum, Skag. laugardaginn 14. sept.
Skrapatungurétt í A.-Hún. sunnudaginn 15. sept. kl. 11.00
Staðarrétt í Skagafirði. laugardaginn 14. sept.
Tungurétt í Svarfaðardal, Eyf. laugardaginn 5. okt.
Unadalsrétt í Unadal við Hofsós, Skag. föstudaginn 27. sept.
Undirfellsrétt í Vatnsdal, A.-Hún. laugardaginn 21. sept. kl. 9.00
Víðidalstungurétt í Víðidal, V.-Hún. laugardaginn 5. okt. kl. 11.00
Þverárrétt í Eyjafjarðarsveit laugardaginn 5. okt. kl. 10.00
Þverárrétt í Vesturhópi, V.-Hún. laugardaginn 28. sept. kl. 12.30
Stóðréttir haustið 2019
Mikill áhugi er fyrir stóðréttum
ekki síður en fjárréttum. Hér
er listi yfir þær stóðréttir sem
upplýsingar lágu fyrir um þegar
blaðið fór í prentun. Listi yfir
fjárréttir er á blaðsíðum 28 og 29
ásamt korti sem sýnir staðsetningu
réttanna.
Fyrirvari er gerður á að einhverjar
villur kunni að hafa slæðst inn og
verður þá reynt að bæta úr því í
næsta blaði eftir því sem kostur
er. Sömuleiðis eru ábendingar vel
þegnar ef einhverjar réttir hafa orðið
útundan í upptalningu blaðsins. /TB
Mynd / bbl
STÓÐRÉTTIR
Haldið verður upp á 70 ára afmæli Skógasafns og Héraðsskólans á Skógum sunnudaginn 15. september frá kl. 15.00 til 18.00. Mynd / Andri Guðmundsson
Haldið upp á 70 ára afmæli Skógasafns og Skógaskóla
Á safninu á Skógum kennir margra grasa. Mynd / HKr. Vegagerð hefur sinn sess á safninu. Mynd / HKr.
√
Félagskonur í Kvenfélaginu Nönnu héldu upp á afmæli Lystigarðsins og
afhjúpuðu í leiðinni fræðsluskilti sem þær gáfu garðinum sem og líka bekk
til heiðurs Eyþóri Þórðarsyni, skipuleggjanda garðsins.
Lystigarðurinn í Neskaupstað 85 ára:
Kvenfélagskonur gáfu
skilti og bekk
Lystigarðurinn í Neskaupstað
átti á dögunum 85 ára afmæli og
í tilefni þess héldu félagskonur
í Kvenfélagi Nönnu upp á
afmælið og afhjúpuðu í leiðinni
fræðsluskilti sem þær létu
útbúa og gáfu garðinum bekk
til heiðurs Eyþóri Þórðarsyni,
skipuleggjanda garðsins.
Garðurinn er merkilegur fyrir
margra hluta sakir en einna helst
þá staðreynd að hann var gerður
á þeim tíma sem almennt var lítið
um slíka yndisreiti. Kvenfélagið
Nanna á allan heiðurinn af tilurð
þessa garðs og allt til dagsins í
dag hefur félagið verndað garðinn
og viðhaldið honum. Lystigarðar
gegna mörgum hlutverkum fyrir
samfélagið, þeir eru ekki einungis
til prýðis heldur eru þeir mikilvægir
samverustaðir, dvalarstaðir til
íhugunar, upplifunar, skemmtunar,
andlegrar og líkamlegrar heilsu svo
eitthvað sé nefnt.
Lystigarðurinn í Neskaupstað
á ekki bara merkilega sögu heldur
er hann líka einstakur hvað varðar
stíl og gerð enda byggður í miklum
halla og til þess að fá sléttar flatir
var hlaðið undir hverja flöt fyrir
sig, alls fimm flatir. Síldarvinnslan
í Neskaupstað styrkti kvenfélagið
vegna skiltagerðarinnar og einnig
við kaup á bekknum. Fjarðabyggð
kom að uppsetningu skiltanna og
faglegri ráðgjöf. En félagskonur í
Kvenfélagi Nönnu eiga heiðurinn af
þessu skemmtilega framtaki, segir í
frétt á vefsíðu Fjarðabyggðar. /MÞÞ