Fréttabréf Öryrkjabandalags Íslands - 01.06.1992, Qupperneq 33

Árni Jónsson formaður Gigtarfélags íslands
Gigtarfélag Islands
hlutverk, starf og framtíðarverkefni
Gigtarfélag íslands var stofnað
þann 9. október 1976. Stofnendur voru
rúmlega 400 en nú eru félagsmenn um
2300 og félagatalan er enn á uppleið.
Hlutverkfélagsins erm.a. að annast
fræðslu um gigtarsjúkdóma, að styðja
rannsóknir á þeim og að efla aðstöðu til
gigtarlækninga.
Undanfarin tólf ár hefur félagið gef-
ið út tímaritið Gigtina, sem flytur
margvíslega fræðslu um gigtarmál. Þá
hefur félagið unnið og gefið út nokkur
fræðslurit fyrir gigtarsj úklinga og fleiri
eru á vinnslustigi. Þess ber að geta og
þakka að Öryrkjabandalag íslands hefur
styrkt félagið við útgáfu þessara
fræðslurita.
Árið 1980 keypti félagið 3. hæð
hússins að Ármúla 5 í Reykjavík til
þess að starfrækja þar gigtarlækninga-
og endurhæfingarstöð. Stöðin tók til
starfa árið 1984 og þar starfa nú 3
læknar, 6 sjúkraþjálfarar og 2
iðjuþjálfarauk sérhæfðs aðstoðarfólks.
Umsvif stöðvarinnarhafafarið vaxandi
ár frá ári svo nú getur hún engan veginn
annað eftirspurn eða veitt alla þá
endurhæfingarþjónustu sem þörf er á.
Verkefni félagsins ákomandi árum
eru margvísleg og sum mjög aðkallandi.
Á þessu ári verður megináhersla
lögð á eflingu vísindasjóðs félagsins
en eitt brýnasta verkefni þar er að
stórauka rannsóknir á gigtarsjúkdóm-
um. Með þeim má skapa hinum mikla
FRÉTTABRÉF ÖRYRKJABANDALAGSINS
Árni Jónsson.
fjölda gigtarsjúklinga möguleika til að
lifa sem eðlilegustu lífi. Til þess þarf
mikið fé. Vísindaráð Gigtarfélags
íslands mun gera tillögur um forgang
verkefna á þessu sviði.
Annað höfuðverkefni félagsins er
að stækkagigtlækningastöðinatil þess
að geta aukið þá starfsemi sem fyrir er
og til að skapa aðstöðu til hópþjálfunar.
Talið er að bezti árangur hópþjálfunar
náist í heitu vatni og því er nauðsynlegt
að fá aðgang að sundlaug í tengslum
við stöðina. Til þess að koma til móts
við sjúklinga utan af landi þarf að koma
á gistivist, helst sem næst stöðinni, þar
sem fólk getur dvalið meðan á
endurhæfingu stendur. Þetta verður
meginverkefni félagsins á næsta ári.
Félaginu ber að stuðla að því að
stöðu prófessors í gigtarlækningum
verði komið á við Háskóla Islands og
kann félagið að þurfa að kosta hana
fyrstu árin ef þannig semst við viðkom-
andi aðila.
Vinna þarf að ráðningu gigtarsér-
fræðings við Fjórðungssjúkrahúsið á
Akureyri og reyna eftir mætti að fá
sjúkraþjálfaraog iðjuþjálfatil samstarfs
við hann. Áfram þarf svo að halda á
þessari braut til að koma á sams konar
teymisvinnu víðar á landinu.
Æskilegt er að félagið hafi aðgang
að þjónustu félagsráðgjafa og sál-
fræðings. Kannaþarfnauðsynþessarar
þjónustu.
Svæðadeildir eru félaginu tví-
mælalaust mikil lyftistöng. Gigtar-
deildin á Norðurlandi eystra starfar nú
af miklum krafti og unnið er að stofnun
deilda víðar á landinu. Einnig hefur
verið unnið að stofnun sérdeilda sjúkl-
inga með sama sjúkdóm og er þegar
búið að stofna deild hrygggigtarsjúkl-
inga. Væntanlega verða fleiri slíkar
sérdeildir stofnaðar þegar fram líða
stundir.
Einna mikilvægast nú er að auka
skilning þjóðarinnar á hörmulegum
afleiðingum gigtar og að fá alla þá sem
sjúkdómurinn þjáir til þess að vinna að
settu marki með því að gerast félagar í
Gigtarfélagi Islands.
Árni Jónsson.
Einn af hverjum 5 Veist þú: * að 1 af hverjum 5 íslendingum fá gigt? * að 1 af hverjum 5 öryrkjum eru það vegna gigtarsjúkdóma? * að með auknum rannsóknum verður hægt að koma í veg fyrir gigt? * ef gigt verður fyrirbyggð mun það spara þjóðinni u.þ.b. 5 milljarða árlega? * að við þurfum helmingi stærri Gigtlækningastöð? Leysum gátuna — Spörum fjármuni