Fréttabréf Öryrkjabandalags Íslands - 01.12.1993, Page 14

Eyþór hvort við mættum ekki taka
símaviðtal við hann og féllst hann á
það. í samtalinu spurðum við um ballið
og hvort allar veitingar yrðu þar. Eyþór
sagði það ekki vera, en það gerði
ekkert til þótt menn tækju smá
brjóstbirtu með sér og það yrði engin
athugasemd gerð þótt annar brjóst-
vasinn bungaði svolítið út. Þetta fór
að vonum mjög fyrir brjóstið á yfir-
stj óm útvarps. Við vorum þekktir fyrir
að láta flest vaða og tókum ekkert eða
lítið tillit til þeirra reglna, sem giltu
hjá útvarpinu um orðsins list, enda
álitum við Eyjapistil útvarp Vest-
mannaeyinga. Þannig rak Sigmund
bakara í Magnúsarbakaríi í rogastans,
þegar hann hringdi í auglýsingadeild
útvarpsins og vildi fá birta eftirfarandi
auglýsingu: “Frá Magnúsarbakaríi
Vestmannaeyjum: Opnumeftirmikla
hreinsun á vikri og skít. Magnús-
arbakarí”. Auglýsingadeiidin vildi
ekki birta þetta orðrétt og Simmi
hringdi bálvondur í Arnþór og
kvartaði. Að sjálfsögðu birti Arnþór
auglýsinguna orðrétta. Fjölmargir
voru iðnir að leggja okkur lið og gæti
ég minnst margra. Eg minnist einna
helst hans Hjörleifs Hallgríms í
Bláfelli, sem flutti til Akureyrar. Hann
sendi frábærar fréttir þaðan og viðtöl.
r
Eg gæti haldið áfram að rifja upp
minningar frá þessum tímum, en
mál er að linni. Eyjapistlarnir voru á
dagskrá Ríkisútvarpsins hvern einasta
dag frá 6. febrúar 1973 og fram í
miðjan júní. Þá fengum við frí á
mánudögum. Frá 1. október voru
pistlamir fluttir tvisvar í viku og frá
því í febrúar 1974 voru þeir einu sinni
í viku. Þegar allt fór að komast í eðlilegt
horf úti í Eyjum, þótti ekki eins mikil
þörf á þáttunum og áður. Reyndar tók
gerð þeirra miklu lengri tíma en
upphaflega var áætlað. Eg vann við þá
í nær fullu starfi, ofan á annað brauð-
strit, fór að heiman um hálfátta á
morgnana og kom heim undir mið-
nætti, auk þess sem ég var margar
helgar úti í Eyjum að afla efnis. A
tímabili tók Arnþór aðeins minni þátt
í þessari vinnu, hann var á fullu í
Háskólanum. Síðasti þátturinn var svo
fluttur þann 25. mars 1974 og þar með
lauk fyrsta landshlutaútvarpi á íslandi.
Mér var þungt fyrir brjósti þegar ég
stóð upp frá þeim þætti. Það skapaðist
mikið tómarúm hjá mér og einhvern
veginn fannst mér ákveðið skeið
runnið á enda, sem mikil eftirsjá væri
að. Líklega hafa þættimir orðið um
260 talsins. Ef þeir hefðu allir
varðveist, tæki um 90 klst. að hlusta á
þá. Þess má til gamans geta að rúmlega
120 kílómetrar af segulböndum fóru í
að gera þættina. Hjá Ríkisútvarpinu
hafa varðveist rúmlega 50 þættir. Allir
eru þeir nú einnig til í Skjalasafni
Vestmannaeyja, ásamt flestum þeim
bréfum sem okkur bárust. A meðan á
gerð Eyjapistlanna stóð, áttum við
ákaflega vinsamleg samskipti við alla
þá, sem höfðu samband við okkur og
við náðum til. Líklega má áætla að um
750 manns hafi komið fram í
þáttunum. Ef til vill munu þeir þættir,
sem til eru, einhvem tímann þykja
góð heimild um mannlífið á meðan á
gosi stóð, og eitt er víst, að með gerð
þáttanna og öllu því sem þeim fylgdi
dýpkuðu og styrktust þær rætur, sem
ég á hér í Vestmannaeyjum.
Gísli Helgason.
E.s. Grein þessi er útdráttur erindis
sem flutt var í safnaðarheimili Landa-
kirkju 24. janúar 1993.
Stjórn
Öryrkj abandalags
Islands
eftir aðalfund 1993
Formaður: Olöf Ríkarðsdóttir, Sjálfsbjörg,
Varaformaður: Haukur Þórðarson, SIBS.,
Ritari: Þórey J. Ólafsdóttir, LAUF,
Gjaldkeri: Hafliði Hjartarson, Styrktarfélag vangefinna,
Meðstjórnandi: Hafdís Hannesdóttir, MS-félagið.
Aðrir í stjórn:
Arnþór Helgason, Blindrafélagið,
Björgvin Gíslason, Alnæmissamtökin,
Elísabet Á. Möller, Geðverndarfélag íslands,
Frosti F. Jóhannsson, Gigtarfélag Islands,
Guðbjörg J. Sigurðardóttir, Blindravinafélag Islands,
Guðjón Ingvi Stefánsson, Heyrnarhjálp,
Haukur Vilhjálmsson, Félag heyrnarlausra,
Hrefna Pétursdóttir, Félag nýrnasjúklinga,
Hugrún Þórðardóttir, FAAS,
Jóna Sveinsdóttir, FOSH,
Kristjana Milla Thorsteinsson, Parkisonsamt.,
Ólafur H. Sigurjónsson, Umsjónarfélag einhverfra,
Ólöf S. Eysteinsdóttir, MG. félagið,
Sigrún Bára Friðfinnsdóttir, Geðhjálp,
Valgerður Auðunsdóttir, SPOEX,
Þórir Þorvarðarson, Styrktarfélag lamaðra og fatlaðra.
Fimm þau fyrsttöldu skipa framkvæmdastjórn
bandalagsins og þar eru til vara: Ólafur H. Sigurjónsson,
Elísabet Á. Möller og Hrefna Pétursdóttir.