Fréttablaðið - 14.05.2020, Page 2

Veður
Vestan 5-13 m/s og víða dálítil
væta með hita 5 til 10 stig. Þurrt
suðaustanlands og heldur hlýrra.
Hægari vindur og úrkomulítið
norðan til landinu, en súld eða
rigning í öðrum landshlutum.
SJÁ SÍÐU 22
Bætt aðstaða við Esjurætur
COVID-19 „Þegar viðmið um fjölda
var 20 manns, þá tók því ekkert
að hafa opið og það voru bara
örfáir staðir opnir en um leið og
hámarkið hækkaði í 50 fóru menn
að sjá stemningu í því að hafa opið
og fleiri og fleiri fóru að opna,“ segir
Jóhann Karl Þórisson, aðstoðaryfir-
lögregluþjónn á lögreglustöðinni á
Hverfisgötu.
Lögreglan heimsótti um 50 bari
og veitingastaði á mánudag og
þriðjudag til að hafa eftirlit með
því hvort samkomubann og til-
mæli um rekstur slíkra staða vegna
kórónaveirufaraldursins væru virt.
Fjöldi fólks sótti veitingastaði og
bari þessa daga og þrátt fyrir að
götur borgarinnar væru að mestu
auðar var mikil stemning inni á
stöðunum.
„Samkvæmt auglýsingu heil-
brigðisráðherra er leyfilegt að hafa
veitingastaði opna en ekki krár, bari
og skemmtistaði,“ segir Jóhann. „Við
vorum farnir að fá hringingar frá
bareigendum sem voru með lokað
hjá sér en bentu okkur á að aðrir
barir væru opnir,“ bætir hann við.
Lögreglan fór á stjá á mánudags-
kvöld og komst á snoðir um að þrír
barir væru opnir þrátt fyrir að hafa
ekki til þess tilskilin leyfi. „Svo dag-
inn eftir fórum við á yfir 40 staði.
Þrjátíu þeirra voru lokaðir en aðrir
fjórtán voru opnir og tíu þeirra voru
með rétt leyfi en fjórir þeirra voru
það ekki. Samtals voru því sjö staðir
opnir sem máttu ekki vera opnir,“
segir Jóhann.
Á þriðjudagskvöld var stemn-
ingin inni á mörgum stöðum líkt
og um föstudags- eða laugardags-
kvöld væri að ræða. Fjöldi fólks
kom saman og mörg dæmi voru
um að fólk virti ekki tveggja metra
regluna og heilsaðist jafnvel með
handabandi eða faðmlagi. Jóhann
segir lögregluna fylgjast vel með því
hvort að veitingastaðir borgarinnar
geti tryggt tveggja metra fjarlægð á
milli viðskiptavina sinna.
„Ef pláss milli borða er tveir
metrar og fólk á kost á því að halda
tveggja metra fjarlægð sín á milli er
það í lagi, lögreglan er ekki að skipta
sér af því hvort fólk haldi þeirri fjar-
lægð sín á milli ef það er úti að borða
með sínum nánustu,“ segir Jóhann.
Þá segir hann að þeir staðir sem
voru opnir þegar lögregluna bar að
garði án þess að hafa til þess leyfi
hafi fengið viðvörun, en verði þeir
uppvísir að slíku athæfi að nýju geti
þeir átt von á sekt sem geti numið
allt að hálfri milljón.
„Vonandi fá svo bara allir að hafa
opið eftir 25. maí líkt og talað hefur
verið um. Þá dreifist fólk betur og
hefur meira val.“
birnadrofn@frettabladid.is
Sjö barir hafa fengið
viðvörun frá lögreglu
Lögreglan á höfuðborgarsvæðinu hefur á undanförnum dögum haft afskipti
af sjö börum og skemmtistöðum sem ekki höfðu leyfi til að vera opnir. Eig-
endur staðanna fengu viðvörun en mega eiga von á sekt opni þeir að nýju.
Síðustu kvöld hafa margir heimsótt veitingastaði og bari. FRÉTTABLAÐIÐ/VALLI
COVID-19 Umferð um Landspítala
við Hringbraut og í Fossvogi verður
óhindruð frá og með 18. maí. Milli
klukkan 16 til 19 verða legudeild-
ir opnar. Miðað er við einn gest á
hvern sjúkling og mega heimsóknir
ekki vera lengri en klukkustund.
Á öðrum deildum Landspítala, til
að mynda Landakoti, Vífilsstöðum,
Grensás og líknardeild, verða heim-
sóknir einnig leyfðar á heimsóknar-
tímum en á Kleppi og í Rjóðrinu
verða heimsóknir í samráði við
starfsfólk. Frekari upplýsingar um
heimsóknartíma og hámark gesta
má finna á vef Landspítala. – fbl
Heimsóknir
leyfðar á ný
Einn gestur leyfður á hvern sjúkling.
KJARAMÁL Guðlaug Líney Jóhanns-
dóttir, starfandi formaður Flug-
freyjufélags Íslands (FFÍ), segir
Ice landair hafa gengið á bak orða
sinna með tölvupóstsendingu til
félagsmanna í gær.
„Við vinnum nú í kapphlaupi við
tímann að því að tryggja framtíð
félagsins til lengri tíma og störf
okkar allra,“ segir í tölvupósti
sem Bogi Nils Bogason, forstjóri
Icelandair, sendi f lugfreyjum og
-þjónum félagsins.
Þar kynnti hann helstu atriði
í ný ju m k jarasamning i sem
Icelandair hefur boðið. Mikillar
óánægju gætir hjá f lugfreyjum
með tilboð Icelandair sem sagt er
fela í sér tugprósenta kjaraskerð-
ingu. Bogi segir félagið róa lífróður.
„Báðir aðilar hafa lagt fram tilboð
en tillögur FFÍ eru ekki til þess
fallnar að ná markmiðum okkar um
að tryggja framtíð félagsins,“ segir í
póstinum.
Flugmenn hjá félaginu fengu
sams konar sendingu frá forstjór-
anum í fyrradag en Icelandair hefur
óskað eftir breytingum á kjara-
samningi f lugmanna.
Guðlaug segir í pósti til félags-
manna að Icelandair hafi á samn-
ingaf undi geng ist við því að
slíkur póstur yrði ekki sendur á
félagsmenn FFÍ. Með þessu sé félagið
að grípa inn í kjaraviðræður. Enginn
árangur varð af samningafundi hjá
Ríkissáttasemjara í gær. – sar
Tölvupósturinn
sé inngrip í
kjaraviðræður
Flugfreyjur fyrir samningafundinn.
Nýju salernishúsi var komið fyrir á Mógilsá við Esjurætur í gær. Með tilkomu þess bætist aðstaða þess fjölmarga göngufólks sem leggur leið sína á
þetta bæjarfjall Reykvíkinga. Um tíu þúsund manns skrifa nafn sitt í gestabækur Ferðafélagsins á fjallinu á sumri hverju. FRÉTTABLAÐIÐ/ERNIR
Við vorum farnir að
fá hringingar frá
bareigendum sem voru með
lokað hjá sér en bentu okkur
á að aðrir barir væru opnir.
Jóhann Karl Þórisson,
aðstoðaryfirlögregluþjónn
1 4 . M A Í 2 0 2 0 F I M M T U D A G U R2 F R É T T I R ∙ F R É T T A B L A Ð I Ð