Víkurfréttir - 02.01.2020, Blaðsíða 17

Breytt leiðakerfi almenningsvagna í Reykjanesbæ
Núna um áramótin, eða
mánudaginn 6. janúar,
tekur gildi breytt leiða-
kerfi almenningsvagna
í Reykjanesbæ (Strætó).
Meginbreytingin er sú að
leið nr. 1 (Keflavíkurleið)
og leið nr. 2 (Njarðvíkurleið)
verða sameinaðar og mun
sú leið kallast R1. Leið nr.
3 (R3-Ásbrú) verður áfram
sér leið sem og leið nr. 4 (R4-Hafnir).
Áfram verður skiptistöð við Kross-
móa.
Í samtali við Sigurð Inga Kristó-
fersson, deildarstjóra umhverfismála
hjá Reykjanesbæ, kom fram að þessi
breyting er fyrst og fremst gerð til að
bæta leiðarkerfið fyrir íbúa bæjarins.
Það er ekki einungis leiðarkerfið sem
breytist heldur verður þjónustan stór-
bætt með auknum helgar- og kvöld-
ferðum en óskir um slíkt hafa borist
frá notendum kerfisins. Akstur hefst
kl. 7:00 á virkum dögum þannig að þeir
sem þurfa að komast á milli hverfa geta
nýtt sér almenningsvagna til að koma
sér til vinnu eða í skóla fyrir kl. 8:00,
þrátt fyrir að þurfa skipta um vagn. Þá
verður ekið virka daga til kl. 23:00 á
kvöldin en þar er hugsunin helst sú að
ungmenni sem stunda íþrótta- og tóm-
stundastarf geti nýtt sér kerfið betur.
Á virkum dögum verður ekið með 30
mínútna tíðni til kl. 19:00 en eftir það á
60 mínútna fresti. Um helgar er ekið frá
kl. 10:00 til kl. 20:00 með 60 mínútna
tíðni á laugardögum. Hingað til hefur
akstur á sunnudögum ekki
verið í boði en hann bætist
nú við og verður keyrt frá
kl. 10:00 til kl. 17:00 með 90
mínútna tíðni. Þetta er gert
í tilraunarskyni og gaman
verður að sjá hvort bæjarbúar
muni nýta sér þessa þjónustu.
Áfram verður pöntunarþjón-
usta fyrir íbúa í Höfnum sam-
kvæmt tímatöflu leiðar R4-
Hafnir. Meginstoppistöðvarnar verða
gerðar betri hvað varðar aðgengi og
lýsingu að sögn Sigurðar.
Árskortin fyrir árið 2020 eru komin
í sölu og er árgjaldið það sama og á
síðasta ári eða kr. 5.000 fyrir almenn
kort og kr. 2.000 fyrir börn, aldraða og
öryrkja. Sölustaðir árskorta eru Bóka-
safn Reykjanesbæjar, Sundmiðstöð
Sunnubraut, Íþróttamiðstöð Njarð-
víkur og Hljómahöll „Það er von okkar
að þessar breytingar verði til þess að
fleiri íbúar muni nýta sér almennings-
samgöngur á nýju ári en samkvæmt
talningum farþega voru almennings-
vagnar nýttir 130.000 sinnum á árinu
2019,“ segir Sigurður Ingi. Talningar á
stoppistöðvum verða gerðar á árinu og
kerfið endurskoðað í lok árs. Þá verða
breytingar gerðar ef þurfa þykir. Við
viljum mjög gjarnan fá ábendingar
um það sem betur má fara, og auðvitað
hvað vel er gert, á netfangið straeto@
reykjanesbaer.is „Það er mjög mikil-
vægt að heyra frá notendum kerfisins
til að geta gert það sem skilvirkast,“
segir Sigurður Ingi að lokum.
Gleðilegt nýtt kísilveralaust
ár í Reykjanesbæ
Mikið ráðaleysi og þöggun er í stjórnkerfinu vegna kísilsins sem fyrirhugað
er að byrja aftur að framleiða í Helguvík. Afleiðingarnar eru ógnvekjandi,
hvernig brennsla kola, viðarkurls og kvarts mun auka kolefnisspor Íslands
um 10% og senda á hverju ári, sem starfsemin verður í gangi, meira en og
aldrei minna en 2000 tonn af eiturefnum yfir næsta nágrenni. Það verður
eingöngu frá Stakksbergsverksmiðjunni. Thorsil, ef sú verksmiðja fer af
stað, mun rúmlega tvöfalda þennan eiturefnaútblástur.
Í sjónvarpsseríunni um Chernobyl-
slysið í Úkraínu 1986 er sýnt ein-
staklega vel hvernig valdhroki og
yfirlæti örfárra manna ásamt fá-
kunnáttu almennings og trausti
hans á ríkjandi stjórnkerfi leiddi til
mikils keðjuverkandi, þjóðfélags-
legs harmleiks. Það sem þarna átti
sér stað má líkja við einhverskonar
„ráðaleysisheilkenni“ og á sér margar
birtingarmyndir í mannlífinu. Þannig
standa íbúar Reykjanesbæjar núna
frammi fyrir þessu „ráðaleysisheil-
kenni“. Fámennur hópur fólks neitar
að horfast í augu við umhverfis- og
eiturefnavána við framleiðslu kísils
í bæjarfélaginu. Þetta er hópur sem
ræður miklu í stjórnkerfinu, yfir
miklu fjármagni og telur sig hafa
heilagan rétt til að setja þessa eitur-
efnastarfsemi í gang á ný.
Nú höfum við verið án eitur-
efnanna frá kísilverinu í Helguvík
í rúmt ár. Frá því að upprunalegt
leyfi til starfrækslu kísilversins var
gefið út hefur lögum og reglugerðum
um þessa starfsemi verið breytt og
mat á umhverfisáhrifum verið hert.
Stakksberg er því að vinna að nýju
mati á umhverfisáhrifum og þarf að
sækja um nýtt starfsleyfi hjá Skipu-
lagsstofnun. Jafnframt hefur nýtt
aðalskipulag fyrir Reykjanesbæ tekið
gildi, þ.e. frá 2015 til 2030. Við lestur
aðalskipulagsins er mjög ánægjulegt
að sjá að þar er sérstaklega tekið fram
að ekki megi auka m.a. við losun
brennisteinsdíoxíðs á iðnaðar-
svæðinu í Helguvík. Það er einmitt
eitt af eiturefnunum sem er í mestu
magni við kísilframleiðslu (brennslu
kola). Í aðalskipulaginu segir orðrétt:
„Eiga þessar takmarkanir við um
starfsemi sem hefur undirbúning að
skipulagi, mati á umhverfisáhrifum
og leyfisumsóknum eftir gildistöku
aðalskipulagsins 2015–2030“. Aug-
ljóst er að ekki þarf aðeins að breyta
deiliskipulagi lóðarinnar fyrir kísil-
verið heldur einnig aðalskipulagi
Reykjanesbæjar áður en kísilverið
getur hafið starfsemi að nýju. Við
eigum reyndar eftir að sjá hvernig
lögfræðingar Reykjanesbæjar og
Skipulagsstofnunar túlka þessa nú-
gildandi skipulagstakmörkun. Eðli-
legast er að hagur og heilsufar íbúa
ráði för en ekki hagsmunir fámenns
hóps fjárfesta og þeirra fylgifiska.
Íbúar Reykjanesbæjar ættu, ef þeir
verða ekki fórnarlömb „ráðaleysis-
heilkennis“ stjórnvalda, að geta horft
fram á eiturefnalaus kolabrennslu ár
til ársins 2030. Gleðilegt nýtt kísil-
veralaust ár í Reykjanesbæ. Megi það
hvíla í friði við sitt nágrenni.
Reykjanesbæ 28. desember 2019,
Tómas Láruson.
Mynd úr kirkjugarðinum að kísilbyggingu.
Störf í boði
hjá Reykjanesbæ
Umhverfissvið – starfsmaður í eignaumsýsludeild
Fræðslusvið – sálfræðingur
Akurskóli – umsjónarkennari (tímabundin ráðning)
Velferðarsvið – starf við liðveislu
Skrifstofa stjórnsýslu – teymisstjóri í þjónustuver
Umsóknir í auglýst störf skulu berast rafrænt gegnum
vef Reykjanesbæjar, Stjórnsýsla: Laus störf. Þar eru
jafnframt nánari upplýsingar um auglýst störf.
Hægt er að leggja inn almenna umsókn á sama stað.
Þeim er komið til stofnana sem eru í leit að starfsfólki.
Almennar umsóknir fyrnast að sex mánuðum liðnum.
Viðburðir
í Reykjanesbæ
Þrumandi þrettándagleði - luktarsmiðja, blysför og brenna
Mánudaginn 6. janúar. Luktarsmiðja í Myllubakkaskóla
kl. 16:30. Blysför frá Myllubakkaskóla að hátíðarsvæði kl. 18.
Brenna við Ægisgötu. Grýla og hennar hyski mætir. Þrettánda-
söngvar og heitt kakó. Glæsileg flugeldasýning í lokin.
Hljómahöll - viðburðir framundan
Jónas Sig á trúnó - 15. janúar (uppselt)
Tindersticks - 7. febrúar
Nánari upplýsingar og miðasala á hljomaholl.is og tix.is
Nýtt leiðarkerfi innanbæjarstrætó - tekur gildi 6. janúar
Kynnið ykkur nýtt leiðarkerfi innanbæjarstrætó á vef
Reykjanesbæjar, www.reykjanesbaer.is þegar nær dregur.
Auglýsingasíminn er 421 0001
17 // VÍKURFRÉTTIR Á SUÐURNESJUM Í 40 ÁR fimmtudagur 2. janúar 2020 // 1. tbl. // 41. árg.