Víkurfréttir - 23.01.2020, Side 24

Krossmóa 4a, 4. hæð, 260 Reykjanesbær Sími: 421 0000 Póstur: vf@vf.is Auglýsingasími: 421 0001 Afgreiðslan er opin virka daga frá kl. 09:00 til 17:00
facebook.com/vikurfrettirehf
twitter.com/vikurfrettir
instagram.com/vikurfrettir
Mundi
S t æ r s t a f r é t t a - o g a u g l ý s i n g a b l a ð i ð á S u ð u r n e s j u m
Á laugardaginn var skemmti ég mér
með 700 öðrum Keflvíkingum á enn
einu frábæru þorrablóti. Þeir sem hafa
veg og vanda að þessu blóti eiga mikinn
heiður skilinn. Körfuknattleiksdeild
Keflavíkur og knattspyrnudeildin
ákváðu fyrir nokkrum árum að sameina
krafta sína í að halda alvöru þorrablót.
Það byrjaði ekkert rosalega vel. Nánast
þurfti að gefa síðustu miðana til að ná
300 manns í húsið. Núna komast færri
að en vilja.
Þrátt fyrir góða skemmtun og enn
betra eftirpartí var leiðin heim ekki
sú skemmtilegasta. Alvöru umhleyp-
ingar, hífandi rok og grenjandi rigning.
Reykjanesbrautin er ekkert grín í svona
veðri. Hjólförin sem ná alla leið til
Reykjavíkur eru full af vatni. Eins og
að keyra eftir árfarvegi.
Nokkrum dögum fyrir blótið fékk ég
að slást í för með „Stopp – hingað og
ekki lengra“-hópnum á fund hjá Vega-
gerðinni. Tilgangur fundarins var að fá
að vita hvort rétt væri að Hafnarfjarðar-
bær drægi lappirnar í skipulagsmálum
vegna Reykjanesbrautarinnar. Sú var
ekki alveg raunin. Málið snýst í grunn-
inn um hver eigi að bera kostnaðinn
af því að færa Reykjanesbrautina í nýtt
vegstæði. Í nýja vegstæðinu þarf að
byggja fjórar akreinar en í því gamla
bara tvær. Kostnaðarmunurinn er tveir
milljarðar. Við berum jú virðingu fyrir
því að reynt sé að fara vel með skatt-
peningana okkar en hvers virði er
mannslíf?
Á sama tíma og við höfum beðið í nítján
ár eftir efndum loforða þingmanna
um tvöföldun Reykjanesbrautar hafa
verið byggð og tekin í notkun Bol-
ungarvíkurgöng, Héðinsfjarðargöng,
Vaðlaheiðargöng, Norðfjarðargöng, Fá-
skrúðsfjarðargöng og Almannaskarðs-
göng. Heildarkostnaður við þessi göng
eru litlir 60 milljarðar og umferðin í
gegnum þau einn fjórði af því sem fer
um Reykjanesbrautina á hverjum degi.
Kostnaðaráætlun frá árinu 2016 gerði
ráð fyrir því að tvöföldun frá Hvassa-
hrauni að kirkjugarðinum í Hafnarfirði
kostaði 6,3 milljarða. Fjóra til viðbótar
myndi kosta að tvöfalda alla leið upp
að flugstöð.
Á Alþingi sitja tíu þingmenn Suðurkjör-
dæmis: Páll Magnússon, Sigurður Ingi
Jóhannsson, samgönguráðherra, Birgir
Þórarinsson, Ásmundur Friðriksson,
Ari Trausti Guðmundsson, Oddný
Harðardóttir, Silja Dögg Gunnars-
dóttir, Karl Gauti Hjaltason, Vilhjálmur
Árnason og Smári McCarthy. Þau sitja
á þingi í krafti 29.000 atkvæða sem
greidd voru í Suðurkjördæmi í kosning-
unum 2017. Á kjörskrá í Reykjanesbæ,
Grindavík, Suðurnesjabæ og Vogum
eru um 17.000 manns – jafn margir og
slegist hafa í Stopp-hópinn á Facebook.
Það vill svo vel til að nú eru tæplega
átján mánuðir í kosningar. Í haust
þurfa þingmenn sama hvaða flokki
þeir tllheyra að leita umboðs kjósenda
til að fá vinnu næstu fjögur árin. Það
er tími til kominn að Suðurnesjamenn
standi saman og segi einum rómi. Stopp
– hingað og ekki lengra! Það gengur
ekki að okkur sé gert að bíða til ársins
2030 til að geta búið við ásættanlegt
umferðaröryggi.
Með samtakamætti getum við þakkað
þingmönnunum dugleysið. En gefum
þeim lokatækifæri á þessu vorþingi.
Við ætlum að keyra tvöfalda Reykjanes-
braut alla leið – ekki seinna en haustið
2022. Þeir sem halda því fram að það
sé ekki hægt, geta hætt strax.
Sjáið þennan dreng
hérna neðan við mig.
Ég er myndarlegri ...
VIÐ HÖFUM SINNT ÞESSUM VEISLUM. GETUM MÆTT NÁNAST HVAR SEM ER. FÖSTUDAGSHÁDEGI ERU VINSÆLUST HJÁ FYRIRTÆKJUM.
VIÐ MÆTUM Í FYRIRTÆKI ÞITT OG ELDUM – ÞETTA ER EKKI FLÓKIÐ!
ENDILEGA HAFA SAMBAND Á ISSI@ISSI.IS, PÓSTFANGIÐ ER EKKI EINU SINNI FLÓKIÐ ... ÞAÐ ER GOTT AÐ VERA EINFALDUR
BESTU KVEÐJUR, ISSI
PS. EKKERT UPPVASK!
10 SKAMMTA AFSLÁTTARKORTMEÐ GOSI Á 2000 KR. SKAMMTINN(HVER VILL EKKI MYND AF MÉR Í VESKIÐ?)
FYRIR ÞÁ ALHÖRÐUSTU!
EF GÓÐA VEISLU GJÖRA SKAL
MÆTI ÉG MEÐ VAGNINN Í:
AFMÆLI, ÚTSKRIFTIR, FERMINGAR, BRÚÐKAUP, INNFLUTNINGSPARTÝ,
STARFSMANNAPARTÝ, EFTIRPARTÝ, PARTÝ ...
LO
KAO
RÐ
MARGEIRS VILHJÁLMSSONAR
Samtakamáttur
FIMMTUDAGSKVÖLD KL. 20:30
HRINGBRAUT OG VF.IS
Nýtt skip í eigu útgerðarfyrirtækisins
Vísis hf., Páll Jónsson GK 7, kom til
Grindavíkurhafnar á þriðjudag eftir
næstum viku siglingu frá Gdansk í
Póllandi. Siglingaleiðin er um 1.500
sjómílur. Eftir að skipið hafði verið
tollafgreitt var bæjarbúum boðið að
koma, skoða skipið og þiggja kaffi
og kleinur. Myndirnar voru teknar
eftir að skipið lagðist að bryggju í
heimahöfn í fyrsta skipti.
Kominn heim!