Fréttablaðið - 13.06.2020, Page 13
S P O R T ∙ F R É T T A B L A Ð I Ð 13L A U G A R D A G U R 1 3 . J Ú N Í 2 0 2 0
LÝÐHEILSA Ánægjuvogin 2020 er
skýrsla sem unnin var fyrir Íþrótta-
og Ólympíusamband Íslands (ÍSÍ)
og Ungmennafélag Íslands (UMFÍ)
af Rannsóknum og greiningu.
Í skýrslunni má sjá ánægju nem-
enda í 8. til 10. bekk með íþrótta-
félagið sitt og áherslur þjálfara í
starfi. Einnig má sjá þátttöku ungl-
inga af erlendum uppruna í íþrótta-
starfi, ástæður brottfalls úr íþrótt-
um og vímuefnaneyslu unglinga.
Rannsóknin byggir á spurninga-
lista sem lagður var fyrir nemendur
í 8. til 10. bekk á Íslandi í febrúar
fyrr á þessu ári. Samtals fengust
gild svör frá 3.712 nemendum í 8.
bekk, 3.436 nemendum í 9. bekk og
3.368 í 10. bekk. Heildarsvarhlutfall
á landsvísu var um 85 prósent.
Margrét Lilja Guðmundsdóttir frá
Rannsóknum og greiningu kynnti
niðurstöður skýrslunnar í gær.
Dæmi um niðurstöður sem fram
komu í máli Margrétar Lilju eru að
61 prósent nemenda í efstu bekkj-
um grunnskóla æfa með íþrótta-
félagi einu sinni í viku eða oftar.
Af þeim sem æfa íþróttir reglulega
finnst 88 prósentum þeirra gaman á
æfingum og eru ánægð með þjálfar-
ann. Hlutfall þeirra nemenda í 9. og
10. bekk sem segjast aldrei stunda
íþróttir hækkaði hins vegar um tvö
prósentustig frá 2016 og er nú 43 pró-
sent.
Þeir nemendur sem höfðu hætt
íþróttaiðkun gáfu mismunandi
ástæður fyrir þeirri ákvörðun sinni,
en flestir, eða 75 prósent, sögðu að
þeim hefði þótt leiðinlegt að æfa. Þá
sögðust 70% hafa fengið áhuga á
öðru, rúmur helmingur sagðist hafa
verið lélegur og 46% sögðu kostnað
hluta ástæðunnar. Of mikil sam-
keppni og tímaleysi voru svör um
helmings svarenda. Þá kváðust um
40 prósent hafa hætt, af því að vin-
irnir gerðu það.
Þá er neysla allra vímuefna mun
ólíklegri á meðal unglinga sem æfa
íþróttir með íþróttafélagi, en þeirra
sem æfa ekki. Fram kemur í skýrsl-
unni að 1,6% unglinga sem æfa ekki
íþróttir með íþróttafélagi reykja dag-
lega samanborið við 0,2% þeirra sem
æfa. Sömuleiðis hafa 11% unglinga
sem æfa ekki, orðið ölvaðir einu
sinni eða oftar um ævina, saman-
borið við 4% þeirra sem æfa. – hó
Rúmlega helmingur ungmenna æfir íþróttir reglulega
Niðurstöður skýrslunnar voru
jákvæðar. FRÉTTABLAÐIÐ/ERNIR
KÖRFUBOLTI Stjarnan mun tef la
fram liði í meistaraf lokki kvenna
í körfubolta á komandi keppnis-
tímabili. Fram kemur í tilkynn-
ingu frá Stjörnunni að fyrir tæpu ári
síðan hafi meistaraflokkur kvenna
í körfubolta hjá félaginu verið dreg-
inn úr deildarkeppni.
Ákveðið hafi verið að horfa inn á
við, leggja áherslu á yngri f lokkana
og koma með meistaraf lokkslið
að nýju, helst á næsta ári, byggt á
kjarna af heimastelpum. Árangur-
inn var vonum framar, um 50 pró-
senta fjölgun hefur verið í yngri
f lokkum stúlkna og búið að skrá
meistaraflokkslið til keppni aftur
samkvæmt áætlun.
Fimm leikmenn sömdu við
Garðabæjarliðið í gær, en það eru
þær Alexandra Eva Sverrisdóttir
sem kemur frá KR, Rebekka Rut
Hjálmarsdóttir sem söðlaði um
frá Grindavík og Bergdís Lilja Þor-
steinsdóttir, Bergdís Valdimars-
dóttir og Kristína Katrín Þórsdóttir,
sem allar eru uppaldir leikmenn
Stjörnunnar. Margrét Sturlaugs-
dóttir mun þjálfa Stjörnuliðið. – hó
Stjarnan með
kvennalið á
nýjan leik
Landsnet | Gylfaflöt 9 | 112 Reykjavík | Sími 563 9300 | landsnet@landsnet.is | www.landsnet.is
ÞAÐ ERU
SPENNANDI
HLUTIR AÐ
GERAST
Hvernig verður orka
framtíðarinnar leidd
í þína heimabyggð?
Komdu og kynntu þér hvað verið er að gera til að tryggja leiðina
inn í framtíðina sem við vitum að verður rafmagnaðri en áður.
Kerfisáætlun Landsnets 2020-2029, ásamt framkvæmdaáætlun 2021-
2023 og umhverfisskýrslu Landsnets eru nú í opnu umsagnarferli sem
stendur til 31. júlí 2020.
Við hvetjum alla sem áhuga hafa á uppbyggingu innviða til að kynna sér
efni áætlunarinnar og skila inn umsögnum fyrir lok umsagnarfrestsins.
Áætlunina ásamt fylgiskjölum má finna á landsnet.is.
KERFISÁÆTLUN 2020-2029 ER KOMIN Í OPIÐ UMSAGNARFERLI
Áhugasömum er boðið til opinna funda þar sem gerð verður grein fyrir
helstu breytingum á áætluninni:
Reykjavík Miðvikudaginn 24. júní kl. 14.00-16.00 Grand Hótel
Akureyri Fimmtudaginn 25. júní kl. 16.00-18.00 KEA Hótel
Ísafjörður Mánudaginn 29. júní kl. 15.00-17.00 Hótel Ísafjörður
NFL Forráðamenn NFL tilkynntu í
gær að deildin ætli að leggja tæpa
34 milljarða íslenskra króna á
næstu tíu árum, í átak gegn kerfis-
bundnum kynþáttafordómum í
Bandaríkjunum.
Fjármununum verður ráðstafað
í verkefni sem hafa það að mark-
miði að útrýma fordómum í garð
þeldökkra leikmanna deildarinnar
og annarra Bandaríkjamanna.
Markmiðið er að fræða fólk um það
óréttlæti sem viðgengst í Bandaríkj-
unum og freista þess að færa málin
til betri vegar.
Deildin sjálf, sem og félögin í
deildinni, munu vinna saman að
því að búa til efni sem vekur athygli
á því of beldi sem svartir verða fyrir
af hendi lögregluyfirvalda og ann-
arri mismunun byggðri á kynþátta-
fordómum. Þá verður sjónvarpsstöð
deildarinnar notuð til þess að birta
efni af sama meiði.
Viðbrögð forsvarsmanna NFL
við mótmælum leikmanna deildar-
innar við kynþáttafordómum, sem
Colin Kaepernick átti frumkvæðið
að, hafa fengið mikla gagnrýni. Nú
eru forkólfar deildarinnar að freista
þess að breyta rétt í þeim efnum og
er þessi aðgerð liður í því. – hó
Leggja til 34
milljarða í átak
gegn rasisma
Margrét mun þjálfa Stjörnuliðið.