Fréttablaðið - 13.06.2020, Blaðsíða 28
Þórdís Lilja
Gunnarsdóttir
thordisg@frettabladid.is
Ég er skírð í höfuðið á móður-afa mínum, Brynjari Bjarna-syni. Mér þykir rosalega vænt
um nafnið því ég hef alltaf verið
nátengd afa mínum og hann hefur
alltaf verið til staðar fyrir mig.
Millinafnið fékk ég eftir þýskri
langalangömmu minni, Mary
Louise. Það passar mér vel, því ég
þyki víst mjög lík henni í útliti og
persónuleika,“ segir Brynja Mary
sem var farin að syngja og dansa
áður en hún gat talað og labbað.
Föst í fantasíuveröld
Í æðum Brynju Mary rennur
íslenskt blóð en að einum fjórða
þýskt.
„Ég fæddist á Akureyri 19.
janúar 2004 en flutti aðeins þriggja
mánaða til Danmerkur og þar
má segja að ævintýrið mitt hafi
byrjað,“ segir Brynja Mary sem á
sextán árum ævi sinnar hefur búið
í sex löndum: Danmörku, Spáni,
Noregi, Þýskalandi, Hollandi og
Íslandi og talar öll sex tungumálin
reiprennandi.
Hún tók þátt í Söngvakeppni
Sjónvarpsins í febrúar með laginu
Augun þín, og í gær kom út nýtt
lag, Just for a minute, í samstarfi
við September.
„Just for a minute fjallar um
einhvern sem hefur sært mann.
Maður veit innst inni að best væri
að láta þá manneskju í friði, en á
sama tíma reynist það erfitt, því
manni þykir svo vænt um hana.
Lagið er líka um að vera pínu
fastur í fantasíuveröld þar sem allt
er fullkomið, en svo fattar maður
að lífið getur verið flókið og ekki
svo einfalt,“ útskýrir Brynja Mary.
Alltaf að vera maður sjálfur
Brynja Mary býr með fjölskyldu
sinni í Hamborg í Þýskalandi,
þar sem faðir hennar starfar sem
þyrluflugmaður í sjúkraflugi. Hún
er næstelst í sjö systkina hópi og
elskar að vera í stórri fjölskyldu.
„Margir halda að ég eigi tví-
burasystur en svo er ekki. Systir
mín, Sara Victoria, er ári yngri en
ég – við erum mjög samrýndar og
gerum allt saman. Hún getur og
gerir allt það sama og ég, og við
erum búnar að semja nokkur lög
og syngja saman, sem gefin verða
út á árinu. Við erum bestu vin-
konur og alltaf til staðar hvor fyrir
aðra,“ segir Brynja Mary.
„Í tónlistinni liggur mér á hjarta
að sýna öðrum að maður á aldrei
að breyta sér fyrir neinn. Maður
á alltaf að vera maður sjálfur og
trúa á sjálfan sig. Maður getur allt
sem maður vill og ætlar sér, sama
hvaðan maður kemur eða hvað
maður er gamall. Sjálf stefni ég alla
leið á toppinn og er til í að leggja
mikið á mig til þess.“
Lifað og leikið um heiminn
Sumarið er heldur betur spenn-
andi hjá Brynju Mary.
„Á dagskránni er væntanlega eitt
lag enn með September, nokkur frá
mér og dúettar með Söru Victoriu.
Við systur erum að fara til London
til að klára að leika í mynd sem
sýnd verður á Netflix, en þar erum
við í einu af aðalhlutverkunum. Ég
fer svo í dansbúðir í Kaupmanna-
höfn með systkinum mínum í lok
júní. Það geri ég á hverju ári. Það
stóð líka til að fara í dans-, söng- og
leiklistarnám til Parísar og Los
Angeles hjá þekktum þjálfurum,
en vegna kórónaveirunnar hefur
því verið frestað fram í desember.
Annars ætla ég líka að njóta þess
að vera með fjölskyldu minni og
vinum í sumar.“
Stefnir alla leið á toppinn
Brynja Mary Sverrisdóttir er ekki nema sextán ára, en með ótalmargt spennandi á prjónunum.
Hún gaf út dillandi svalan sumarsmell í gær og leikur eitt aðalhlutverkið í nýrri kvikmynd Netflix.
Brynja er lagahöfundur, söngvari, dansari, leikari og módel. MYND/AÐSEND
Meira á frettabladid.is
4 KYNNINGARBLAÐ FÓLK 1 3 . J Ú N Í 2 0 2 0 L AU G A R DAG U R