Fréttablaðið - 26.06.2020, Blaðsíða 22

MÚSÍKMOLAR ERU ÞÓ
VEL UNNIR, MYNDA-
TAKAN ER SMEKKLEG OG
HLJÓÐIÐ PRÝÐILEGT.
Ný tvöföld virkni sem
veitir hraða og langvarandi
vörn gegn tannkuli.
Alltaf nóg til af humri hjá Norðanfiski...
STÓRUM HUMRI!!
Norðanfiskur ehf. sérhæfir sig í framleiðslu á
úrvals sjávarfangi til veitinga- og stóreldhúsa.
Einnig má finna vörur Norðanfisks í
neytendapakkningum í verslunum
Bónus um land allt.
Hafið samband á nordanfiskur@nordanfiskur.is eða í síma 430 1700
SJÓNVARPSÞÆTTIR
Músíkmolar.
RÚV
Dagskrárgerð: Víkingur Heiðar
Ólafsson, Halla Oddný Magnús-
dóttir og Egill Eðvarðsson.
Ef marka má tónlistina eftir
Debussy sem Víkingur Heiðar
Ólafsson og Halla Oddný Magnús-
dóttir kynna fyrir landsmenn í sjón-
varpsþáttunum Músíkmolum, þá
var tónskáldið hinn ljúfasti náungi.
Verkin sem Víkingur spilar eru yfir-
leitt draumkennd og mjúk, að vísu
stundum þunglyndisleg, en annað
er glaðlegt. Persónan Debussy var
þó ekki þannig. Hann var fúll á
móti, gat verið uppfullur af háði
og kvikindisskap, ef hann var ekki
hreinlega geðvondur. Svo átti hann
fáa vini og þegar hann gerðist tón-
listargagnrýnandi urðu þeir enn
þá færri. Gagnrýni Debussys var
hörð og hann neitaði að bugta sig
fyrir tónskáldum sem almennt eru
sveipuð dýrðarljóma.
Heima eða ekki
Þættirnir eru sniðugir. Þeir eru
sýndir á RÚV á sunnudagskvöldum
og mánudagskvöldum og eru bara
um tíu mínútur að lengd. Þeir eru
teknir upp í Eldborg í Hörpu fyrir
tómum sal, sem gæti talist veikleiki,
því ýmis tónlistarstreymi þaðan
hafa heppnast misjafnlega. Músík-
molar eru þó vel unnir, mynda-
takan er smekkleg og hljóðið prýði-
legt. Kannski finnst einhverjum að
svona þættir ættu að vera teknir
upp í stofunni heima, eins og Helgi
Björns gerði með miklum glæsibrag.
En þá væri hljóðið í píanóinu ekki
líkt því eins gott. Flygillinn í Eld-
borg er tryllitæki.
Sambandið á milli Höllu og Vík-
ings er líka skemmtilegt, og skárra
væri það nú: þau eru jú hjón. Hver
þáttur hefst á því að Víkingur spilar
brot úr einhverju verki, sem hingað
til hafa f lest verið af nýjasta geisla-
diskinum hans, þ.e. eftir Debussy
eða Rameau. Eftir mínútu eða svo
fara þau hjónin að tala um tónsmíð-
ina, og gera það líf lega og af gríðar-
legri þekkingu, bæði tvö. Þau eru
ekki beint fyndin, en ástríða þeirra
á klassískri tónlist skín í gegn. Og
það er þakkarvert, því allt of fáir
þekkja undrin sem þar er að finna.
Hvernig á að túlka?
Tónlistin eftir Rameau er líka
mögnuð. Sérstaklega var gaman að
þættinum þar sem Víkingur spilaði
Villimennina, sem munu vera inn-
blásnir af frumstæðum dönsum.
Þar kvartaði Víkingur yfir því að
konan hans væri alltaf að skamma
hann fyrir það hvernig hann spil-
aði þetta verk. Hún svaraði því til
að henni fyndist hann ekki leika
það nógu villimannslega. Svo próf-
aði hann að spila það með miklu
þyngri takti, en henni fannst það
ekki heldur nógu gott!
Svona fær áhorfandinn innsýn í
það hvernig hægt er að túlka klass-
íska tónlist á mismunandi hátt.
Annað dæmi er Fuglarnir, einnig
eftir Rameau, sem Víkingur spilar
mjög fjörlega. Hann vísar í sam-
talinu á undan til píanóleikarans
Emils Gilels, sem lék þetta sama
verk á mun lágstemmdari nótum.
Vík ing ur her mir aðeins ef tir
honum, og líka þarna heyrir fólk
hve fjölbreytnin í túlkun getur
verið mikil. Þetta og allt annað í
þessum þáttum er frábært: bæði
upplýsandi og fagurt. Jónas Sen
NIÐURSTAÐA: Músíkmolar eru
skemmtilegir og fróðlegir og tónlistar-
flutningurinn er í hæsta gæðaflokki.
„Þú ert alltaf að skamma mig“
Víkingur Heiðar og Halla Oddný. FRÉTTABLAÐIÐ/SIGTRYGGUR ARI
Dagbjört Drífa Thorlacius opnaði myndlistarsýning-una Manneskjur í Gallery
Stokk á Stokkseyri fyrr í þessum
mánuði og er síðasta sýningarhelg-
in um helgina, sýningunni lýkur
sunnudaginn 28. júní. Hún sýnir
fígúratíf olíumálverk sem sýna fólk
í hinum ýmsu stellingum.
Dagbjört hefur tekið þátt í sýn-
ingum hér á landi sem og erlendis.
Nýverið sýndi hún í Lista- og menn-
ingarhúsinu Taseralik í Sisimuit á
Grænlandi.
Sýningin í Gallery Stokk verður
opin til sunnudags frá 13.00–17.00
og stendur eins og fyrr sagði til 28.
júní.
Umfjöllunarefnið er fólk sem
tilheyrir fortíðinni, nútíðinni og
kannski framtíðinni líka. „Ég finn
þetta fólk gjarnan í fjölskyldu-
albúmum, myndum af vinum, úr
verkum annarra listamanna eða af
myndum af alls konar ókunnugu
fólki af samfélagsmiðlum, í sjón-
varpinu, úr auglýsingum, tísku-
tímaritum og/eða fréttablöðum.
Verkin innihalda litlar samsettar
sögur um samleið fólks. Þessar
sögur hafa hversdagslegan, ljóð-
rænan undirtón, hafa í raun aldrei
átt sér stað en við getum ef til vill öll
tengt við þær,“ segir Dagbjört.
Samsettar sögur um samleið fólks
Stelpur á hestbaki er meðal verka á sýningunni.
BÆKUR
Blokkin á heimsenda
Arndís Þórarinsdóttir og Hulda
Sigrún Björnsdóttir
Útgefandi: Mál og menning
Fjöldi síðna: 256
Höfundar skáldsögunnar Blokkin á
heimsenda, Arndís Þórarinsdóttir
og Hulda Sigrún Björnsdóttir, hlutu
Barnabókaverðlaun Guð-
rúnar Helgadóttur fyrir
óbirt handrit.
Í upphafi bókar kynn-
umst við sögustelpunni
Dröfn sem er á leið að
heimsækja ömmu sína
sem hún hefur aldr-
ei hitt. Amman býr á
afskekktri eyju og fljót-
lega kemur í ljós að for-
eldrar Drafnar og Ingós,
stóra bróður hennar,
hafa ekki verið alveg
heiðarleg við systk-
inin, því þegar síðasta
ferja sumarsins leggur
frá landi verður fjölskyldan eftir og
þarf að aðlagast samfélagi þar sem
allir búa saman í einni stórri blokk.
Blokkin er sjálf bært samfélag,
íbúar búa til það rafmagn sem þeir
nota með því að hjóla eða róla, hús-
dýr eru haldin í kjallaranum og allir
borða saman í mötuneytinu, frekar
en að hver fjölskylda eyði dýrmætri
orku í eigin eldamennsku. Samfélag-
ið setur sér eigin lög og reglur og allir
íbúarnir hafa hlutverk og leggja sitt
til, bæði börn og fullorðnir. Dröfn á
erfitt með að aðlagast þessum nýja
veruleika. Amma hennar er ekkert
eins og ömmur í bókum og fólkið í
blokkinni kann ekkert sérstaklega
að meta hana og hennar viðhorf, en
bæði hún og þau þroskast og stækka
þegar á líður veturinn.
Blokkin á heimsenda er afar vel
skrifuð bók sem minnir ekki bara á
verk Guðrúnar Helgadóttur heldur
bækur annarra jöfra skandinavískra
barnabókmennta eins og Astridar
Lindgren og Anne-Cath Wesley.
Lífið í blokkinni birtist ljóslifandi
fyrir hugskotssjónum og persónu-
galleríið er skrautlegt í samfélagi þar
sem allir hafa sín hlutverk eins og
Sníkjudýrastjórinn,
Þvot t a meist a r i n n,
Aðstoðarmanneskja í
gripahúsi og síðast en
ekki síst: Húsvörður-
inn sem stýrir sam-
félaginu. Aðalsögu-
hetjan þarf að horfast í
augu við fordóma sína
og forréttindi, og að
það sem henni finnst
vera sjálfsagt í lífinu er
svo langt frá því að vera
það. Samfélagið í blokk-
inni er alls ekki galla-
laust en það er skilvirkt
og samvinna og sam-
staða ríkjandi gildi.
Svo er bókin gríðarlega fyndin á
köflum, stíllinn lipur og leikandi og
framvindan það spennandi á léttan
og áreynslulausan hátt að það er
erfitt að leggja hana frá sér.
Blokkin á heimsenda hefur alla
burði til að verða sígild barnabók
sem kynslóðir krakka geta úðað í
sig. Brynhildur Björnsdóttir
NIÐURSTAÐA: Spennandi og vel
skrifuð barnabók sem sver sig í ætt við
skandinavísku hefðina og hefur alla
burði til að verða sígild.
Sígild barnabók í uppsiglingu
ÞESSAR SÖGUR HAFA
HVERSDAGSLEGAN, LJÓÐ-
RÆNAN UNDIRTÓN.
M E N N I N G ∙ F R É T T A B L A Ð I Ð 15F Ö S T U D A G U R 2 6 . J Ú N Í 2 0 2 0