Fréttablaðið - 25.07.2020, Page 2

Veður
Norðlæg átt, 5-13 m/s og dálítil
væta N- og A-lands, en bjart með
köflum S- og V-til. Hiti 10 til 15 stig,
en 4 til 10 stig um landið N-vert.
SJÁ SÍÐU 32
Sól og sen
VIÐSKIPTI Fyrir tveimur vikum
hófst sala á kaffidrykkjum frá
bandaríska fyrirtækinu Smári Org-
anics. Drykkirnir hafa verið í þróun
í tvö ár og var þeim gefið heitið
Smári Kaffi. Þeir koma í þremur
bragðtegundum til að byrja með.
Á bak við fyrirtækið er Hafnfirð-
ingurinn Smári Ásmundsson, sem
hefur verið búsettur ytra í þrjá ára-
tugi. Hann er lærður ljósmyndari
og átti farsælan feril sem slíkur í
bandaríska auglýsingabransanum.
Þrátt fyrir velgengni ákvað hann
að breyta til og fylgja hjartanu.
Árið 2012 stofnaði hann fyrirtækið
Smári Organics með það að mark-
miði að hella sér út í matvælafram-
leiðslu.
„Ég byrjaði að þróa lífrænt skyr
hérna úti enda saknaði ég þess
að heiman. Ég kom því í verslanir
og viðtökurnar voru afar góðar.
Skyrið var tekið í sölu í mörg þús-
und verslunum í Bandaríkjunum,“
segir Smári. Þá hafi varan, Smári
Skyr, hlotið fjölmörg verðlaun og
viðurkenningar fyrir bragðgæði og
hollustu.
En samkeppnin er hörð ytra og
lítið má út af bregða þegar verið
er að stækka framleiðsluna hratt
með tilheyrandi kostnaði. „Við
ákváðum árið 2018 að hætta fram-
leiðslu á skyrinu því það svaraði
ekki kostnaði. Það var þungbært
en að sama skapi þá var of boðslega
mikill lærdómur sem við drógum
af þessu ferli sem mun nýtast vel,“
segir Smári. Það þýðir nefnilega
ekki að gráta yfir sulluðu skyri.
Það kann að hljóma einkennilega
að fara úr skyri yfir í kaffi en í tilfelli
Smára þá er það rökrétt. „Ég f lýtti
oft fyrir mér á morgnana með því að
hella kaffinu út í skyrið,“ segir Smári
og skellihlær þegar að blaðamaður
hváir.
Með þá hugmynd að leiðarljósi
hafi þróunarvinnan hafist. „Við
ætluðum fyrst að búa til skyrkaffi-
drykk en vorum ekki ánægð með
útkomuna. Við breyttum því aðeins
uppskriftinni og eftir stendur mjög
prótínríkur og bragðgóður kaffi-
drykkur, sem að við teljum að sé
einn hollasti orkudrykkur sem
fyrirfinnst,“ segir Smári.
Aðstæður í Bandaríkjunum til
þess að koma nýjum vörum á mark-
að eru afar einkennilegar vegna
COVID-19 faraldursins. Smári
ákvað því, ásamt hinum tveimur
starfsmönnunum sem starfa með
honum hjá fyrirtækinu, að hefja
sölu drykkjanna á Amazon.
„Það er nýlega tilkomið að hægt
sé að senda kælivöru um gjörvöll
Bandaríkin án mikils tilkostnaðar.
Fólk er að versla mikið á netinu í
dag út af faraldrinum og því var
þetta rökrétt leið, sem fer líka vel
af stað. Þegar daglegt líf kemst
aftur í fastar skorður munum við
koma Smári Coffee í verslanir.“
bjornth@frettabladid.is
Blandaði kaffinu við
skyrið á morgnana
Hafnfirðingurinn Smári Ásmundsson hefur hafið sölu á prótínríkum kaffi-
drykkjum um gjörvöll Bandaríkin í gegnum Amazon. Hugmyndin varð til
því Smári flýtti fyrir sér á morgnana með því að hella kaffinu út í skyrið sitt.
Smári Ásmundsson, stofnandi Smári Organics. MYND/AÐSEND
OPIÐ
10.00-22.00
alla daga
Renndu við og fáðu lyn
afgreidd beint í bílinn
www.lyfsalinn.is
BÍLAAPÓTEK
VIÐ VESTURLANDSVEG
STJÓRNMÁL „Ég legg þessa dagsetn-
ingu til þannig að við ljúkum kjör-
tímabilinu hart nær, en tökum tillit
til þess að veður og færð spilli ekki
kosningaþátttöku,“ segir Katrín
Jakobsdóttir forsætisráðherra.
Hún hefur ákveðið að kosið verði til
Alþingis 25. september á næsta ári.
„Ef við lítum til nágrannaríkj-
anna, þá sjáum við ekki þessar koll-
steypur í fjárlögum milli ára. Með
breyttu fyrirkomulagi undirbún-
ings fjárlaga fetum við okkur í átt
að meiri langtímasýn,“ segir Katrín
aðspurð um áhrif ákvörðunarinnar
fyrir fjárlagavinnuna. – aá
Kosið til þings
næsta haust
Katrín hefur ákveðið kjördag.
L Ö G R E G L A Hú s br u n i n n v ið
Bræðraborgarstíg 1 þann 25. júní
er rannsakaður sem manndráp af
ásetningi. Þetta kemur fram í gæslu-
varðhaldsúrskurði Héraðsdóms
Reykjavíkur yfir manninum sem
Fréttablaðið hefur undir höndum.
Maðurinn var handtekinn sama dag
og bruninn átti sér stað.
Þann 3. júlí var maðurinn
úrskurðaður í vikulangt gæsluvarð-
hald, en það var síðan framlengt.
„Ekki hafi verið rætt við kærða sjálf-
an vegna andlegra veikinda hans að
undanförnu,“ segir í úrskurðinum
sem er dagsettur 15. júlí.
Sakborningurinn er sagður liggja
undir sterkum grun um að hafa
brotið gegn 211. grein almennra
hegningarlaga, sem snúa að mann-
drápi af ásetningi. Einnig er maður-
inn grunaður um brot gegn vald-
stjórninni, að hafa valdið eldsvoða
sem hafði í för með sér almanna-
hættu og hafa stofnað lífi annarra
í hættu.
Í úrskurðinum kemur fram að
brotin sem um ræðir geti varðað allt
að ævilöngu fangelsi. „Óforsvaran-
legt þyki að kærði gangi laus þegar
sterkur grunur leiki á að hann hafi
framið svo alvarleg brot,“ segir í
úrskurðinum.
Alls létust þrír í brunanum við
Bræðraborgarstíg. Tvær mann-
eskjur fundust látnar í húsinu og ein
kona lést af fallinu við að stökkva út
um glugga á þriðju hæð. Fjórir ein-
staklingar voru fluttir á spítala, þar
af tveir alvarlega slasaðir. – thg
Rannsaka bruna
sem manndráp
af ásetningi
Borgarbúar nutu sín í góða veðrinu í gær. Meðan börnin sulluðu í sjávarmálinu á ylströndinni í Nauthólsvík, stunduðu aðrir innri íhugun og hug-
leiðslu. Bjart verður að mestu framan af degi á höfuðborgarsvæðinu í dag, en gera má ráð fyrir rigningu með köf lum á morgun. FRÉTTABLAÐIÐ/VALLI
„Ekki hafi verið rætt við
kærða sjálfan vegna and-
legra veikinda hans að
undanförnu,” segir í úr-
skurðinum sem er dagsettur
15. júlí.
2 5 . J Ú L Í 2 0 2 0 L A U G A R D A G U R2 F R É T T I R ∙ F R É T T A B L A Ð I Ð