Fréttablaðið - 25.07.2020, Qupperneq 6

Veltan er í raun á
pari við það sem
hún var í fyrra. Það eru
engar rauðar tölur.
Jakob Einar Jakobsson, eigandi Jóm-
frúarinnar
Frestað hefur verið að
setja nýjustu kvikmyndir
Walt Disney: Star Wars,
Avatar og Mulan í sýningu.
Öryggisíbúðir Eirar til langtíma leigu
Grafarvogi Reykjavík
Eir öryggisíbúðir ehf.
Hlíðarhúsum 7, 112 Reykjavík.  522 5700
Pantið skoðun í síma 771 5500 og eða sendið beiðni um
gögn og upplýsinar á netföngin
sveinn@eir.is / tinna@eir.is
Tveggja og þriggja herbergja vandaðar öryggisíbúðir Eirar til
leigu í Grafarvogi, Reykjavík.

Eirborgir, Fróðengi 1—11, 112 Reykjavík.
Eirarhús, Hlíðarhúsum 3—5, 112 Reykjavík.

• Rólegt og notarlegt umhverfi með aðgengi að metnaðarfullri
aðstöðu og þjónustu með það að markmiði að einstaklingurinn
geti búið lengur heima.

• Öryggisvöktun allan sólarhringinn.

• Aðgengi að mötuneyti og félagsmiðstöð.

• Góðar gönguleiðir í nágrenninu.
VIÐSKIPTI Jakob Einar Jakobsson,
framkvæmdastjóri Jómfrúarinnar,
hefur keypt helmingshlut Birgis Þórs
Bieltvedt í veitingastaðnum. Jakob
Einar átti helmingshlut á móti Birgi
og er því orðinn eini eigandi Jóm-
frúarinnar.
„Það er búið að samþykkja kaup-
tilboð og búið að ryðja fyrirvara um
fjármögnun úr vegi. Þannig að þetta
er allt klárt,“ segir Jakob Einar í sam-
tali við Fréttablaðið. Aðspurður segir
hann að kaupverðið sé trúnaðarmál.
Jakob Einar og Birgir keyptu Jóm-
frúna sumarið 2015 af stofnendun-
um Jakobi Jakobssyni og Guðmundi
Guðjónssyni sem stofnuðu veitinga-
staðinn. Jakob Einar, sem er sonur
Jakobs eldri, var þá með minnihluta
á móti Birgi.
„Síðan þá hef ég verið að stækka
við hlutinn og það er rúmt ár síðan
að ég var kominn upp í 50 prósent.
Mér fannst kaupin vera eðlilegt
framhald,“ segir Jakob Einar. Við-
skiptin hafi verið gerð að hans frum-
kvæði, en ákvörðunin hafi þó átt sér
nokkurn aðdraganda.
„Mér varð ljóst í COVID-ástand-
inu hversu sterkar stoðir Jómfrúin
hefur á markaðinum. Viðskiptavinir
höfðu það á orði að þeir vildu versla
og styðja við okkur. Það var þá sem
ég ákvað að hefja þessar viðræður,“
segir Jakob Einar.
Jómfrúin, sem er staðsett við
Lækjargötu 4 og hefur starfað óslitið
í rétt tæp 25 ár, býður upp á mikið
úrval af dönsku smurbrauði í bland
við klassíska danska og skandinav-
íska aðalrétti. Jakob Einar hefur veitt
staðnum forstöðu frá árinu 2015 og
verið viðloðandi reksturinn með
hléum frá árinu 2003.
„Þetta verður áfram sama Jóm-
frúin. Hins vegar höfum við náð
að byggja upp reksturinn á síðustu
árum. Á þeim tíma sem við Biggi
höfum átt staðinn saman hefur
veltan aukist um 100 prósent og
afkoman batnað,“ segir Jakob Einar
og tekur fram að samstarf hans og
Birgis hafi verið gott. Viðskiptin
hafi verið gerð í sátt og samlyndi.
Spurður um veitingareksturinn
segir Jakob Einar að velta Jóm-
frúarinnar hafi tekið við sér eftir að
fjöldatakmarkanir voru rýmkaðar
í byrjun maí. „Síðan þá hefur rekst-
urinn gengið mjög vel og veltan er
í raun á pari við það sem hún var í
fyrra. Það eru engar rauðar tölur,“
segir Jakob Einar, en bætir við að
árið 2020 sé ekki uppbyggingarár,
heldur ár þar sem vörn er besta
sóknin.
„Ég hlakka til að leiða Jómfrúna
áfram með Óla bróður mínum
þegar aðstæður og ytra umhverfi
fer að skýrast betur á nýju ári. Við
höfum unnið saman í þessu í fimm
ár með frábæru samverkafólki.“
thorsteinn@frettabladid.is
Jakob kaupir Birgi út úr Jómfrúnni
Jakob Einar Jakobsson, sem átti helmingshlut í Jómfrúnni, hefur keypt hinn helminginn af Birgi Þór Bieltvedt. Keyptu staðinn fyrir
fimm árum og hafa tvöfaldað tekjurnar. Frúin hefur sterka stöðu á markaðinum. Veltan komin í sama horf og hún var í fyrra.
Jómfrúin hefur starfað óslitið í rétt tæp 25 ár og þjónað fjölda fastakúnna og öðrum gestum. FRÉTTABLAÐIÐ/VALLI.
ÖLFUS Hænsnabóndi í Þorlákshöfn
fær að halda sex hænum í garð-
inum sínum, en hann vildi hafa
þær tíu. Skipulags- og umhverfis-
nefnd Ölfuss benti hænsnabónd-
anum á síðasta fundi sínum á, að
lausaganga hænsna sé með öllu
óheimil og ber hænsnaeigandi fulla
vörsluskyldu. Hann sé að öllu leyti
ábyrgur fyrir hænsnum sínum og
beri að koma í veg fyrir að hænsna-
haldið valdi ónæði í umhverfinu,
svo sem vegna hávaða, ólyktar og
hvers konar óþrifnaðar, eins og
segir í fundargerð nefndarinnar.
Þá ber hænsnabóndanum að sjá til
þess að hænsnahaldið laði ekki að
meindýr.
Íbúinn sótti um að halda tíu
hænur í garði sínum við Egilsbraut
12. Áður hefur verið veitt leyfi fyrir
tíu fermetra smáhýsi í garðinum
sem hænurnar dveljast nú í. Sam-
kvæmt upplýsingum eiganda til
nefndarinnar er lóðin afgirt, en
einföld leit á ja.is og google sýnir
annað. „Borist hafa kvartanir vegna
hænanna og umhverfisstjóri hefur
margsinnis haft afskipti af þessu
öllu saman, meðal annars vegna
hana sem þau voru með,“ segir í
fundargerðinni. – bb
Fær sex hænur í stað tíu
Hænsnabóndinn er að öllu leyti ábyrgur fyrir hænsnum sínum og ber að
koma í veg fyrir að þær valdi ónæði í umhverfinu. FRÉTTABLAÐIÐ/ANTON BRINK
BÍÓ Kvikmyndafyrirtækið Walt Dis-
ney hefur ákveðið að fresta því að
setja þrjár stórmyndir í sýningu,
vegna kórónaveirufaraldursins.
Þetta  er mikill skellur fyrir kvik-
myndabransann sem berst í bökk-
um sökum áhrifa sem faraldurinn
hefur haft.  
Um er að ræða nýjustu myndirnar
í röðinni í kvikmyndaröðununum
Star Wars, Avatar og Mulan. Avatar
hefur verið sett á dagskrá í desemb-
er árið 2022 og áætlað er núna að
næsta  Star Wars-mynd  fari í sýn-
ingu fyrir jólin árið 2023.    
Mulan-myndin hefur verið sett á
ís ótímabundið, en til stóð að sýna
hana í kvikmyndahúsum í ágúst
næstkomandi. Sú staðreynd að smit-
um fjölgar enn í Bandaríkjunum,
varð til þess að ekki þótti skynsam-
legt að setja nýja mynd í bíó.
„Það er mikil óvissa með fram-
haldið í kvikmyndaheiminum en
við erum að freista þess að setja
fram einhverja áætlun fyrir næstu
misseri í bransanum," segir tals-
maður Disney um stöðu mála. – hó
Disney frestar sýningum
2 5 . J Ú L Í 2 0 2 0 L A U G A R D A G U R6 F R É T T I R ∙ F R É T T A B L A Ð I Ð