Neytendablaðið - jun 2018, Qupperneq 7

Neytendablaðið // Júní 2018 7
hvort ókeypis eða gjaldskyld. Það er því algengt að fólk sem
byrjaði í viðskiptum við fjarskiptafélag í ákveðinni þjónustuleið
sem hentaði vel á þeim tíma sé allt í einu farið að borga mun
hærra verð fyrir þjónustu sem það notfærir sér ekki að öllu leyti.
Þetta telja Neytendasamtökin grafalvarlegt og þá sérstaklega
þegar tilkynningar frá fjarskiptafélögum koma einungis fram á
greiðsluseðlum. Þá getur oft verið erfitt að skilja flókna fjar-
skiptareikninga sem væri efni í aðra grein.
Gagnamagni breytt án samþykkis
Neytendasamtökin fengu inn á sitt borð mál þar sem félagsmað-
ur hafði verið í viðskiptum við fjarskiptafélag til margra ára og
greiddi upphaflega 890 krónur á mánuði. Þegar hann skoðaði
reikningsyfirlit sitt kom í ljós að undanfarna 17 mánuði hafði
hann greitt 3.870 krónur á mánuði. Þegar leitað var skýringa
frá fjarskiptafélaginu kom í ljós að þjónustuleiðum hafði verið
breytt þannig að „minnsti pakkinn“ hafði verið stækkaður og
gagnamagni upp á 30GB bætt við. Nú hafði því hins vegar aftur
verið breytt og væri því betra fyrir félagsmanninn að láta færa
sig í minni pakka aftur. Það sem er athyglisvert í þessu máli er
að félagsmaður var færður upp úr minnsta pakkanum í stærri
pakka, sem var þó enn minnstur, en síðan þegar nýr minni pakki
var búinn til var hann ekki færður þangað aftur þrátt fyrir að
hafa aldrei nýtt sér nokkuð af því gagnamagni sem fylgdi á öllu
þessu tímabili, enda með eldri gerð af farsíma en ekki snjallsíma.
Upphaflega hafnaði fjarskiptafélagið kröfum samtakanna um
endurgreiðslu á ofgreiddu fé en eftir nánari samskipti samþykkti
það að endurgreiða níu mánuði, þ.e. frá því tímamarki þegar
nýjasti og minnsti pakkinn var settur á fót. Þannig viðurkenndi
fjarskiptafélagið að það hefði átt að færa viðskiptavininn aftur
niður í þann pakka þegar sá pakki leit dagsins ljós, enda ljóst að
viðskiptavinurinn borgaði töluverðar fjárhæðir fyrir nákvæmlega
ekki neina þjónustu í hinum pakkanum.
Villandi skilmálar líkamsræktarstöðva
Mörg mál snúa að skilmálum líkamsræktarstöðva og standa
neytendur oft uppi með bindisamning sem þeir vissu ekki að
þeir hefðu samþykkt eða mögulega samþykktu aldrei. Þegar
keypt er líkamsræktarkort til eins árs í senn er eðlilegt að það
sé neytandinn sem þurfi að endurnýja slíkt kort að ári liðnu en
sumar líkamsræktarstöðvar virðast endurnýja kortin sjálfkrafa
og vísa þá oft til skilmála sinna eða til einhvers konar venju.
Neytendasamtökin vinna nú í máli fyrir félagsmann vegna kaupa
á árskorti hjá Rebook Fitness sem breyttist í mánaðaráskrift, ári
eftir kaupin, án þess að félagsmaður hefði vitað af því. Illa hefur
gengið að fá svör frá fyrirtækinu og hafa Neytendasamtökin því
sent erindi til Neytendastofu til að fá úr því skorið hvort slíkir
viðskiptahættir séu villandi.
HMG