Neytendablaðið - jun. 2018, Síða 23

Neytendablaðið // Júní 2018 23
Krem sem eiga að vinna á appelsínu-
húð skila litlum sem engum árangri.
Það er niðurstaða gæðakönnunar sem
neytendasamtök í Evrópu létu gera
og segir frá í danska neytendablaðinu
Tænk. Mikið úrval er af kremum sem
sögð eru gagnast í baráttunni við app-
elsínuhúð eða cellulite og ekki vantar
loforðaflauminn um gagnsemina.
Samkvæmt niðurstöðu gæðakönnunar-
innar er þó alveg eins gott að eyða
peningnum í hefðbundið „body lotion“
eða húðkrem.
Árangurinn af mánaðarnotkun er það
lítill að hann er vart mælanlegur og lít-
ill munur mældist á þeim hóp sem fékk
appelsínuhúðkremin og hjá þeim sem
smurðu sig með venjulegu kremi. Það
skal þó tekið fram að tilraunadýrin,
sem voru alls 30, voru aðeins jákvæðari
en sérfræðingarnir sem fengnir voru
til að meta árangurinn. Það virtist þó
ekki skipta mestu máli hvaða krem var
notað, heldur hin daglega „smurning“
og hið létta nudd sem henni fylgir.
BP
Loforðaflaumur sem stenst ekki
Engin pálmolía í eigin framleiðslu
Verslunarkeðjan Iceland tilkynnti nýlega að hún muni hætta að
nota pálmolíu í eigin framleiðslu enda sé ekkert til í dag sem
heiti sjálfbær pálmolíuframleiðsla. RSPO-samtökin gagnrýna
þessa ákvörðun og segja enga aðra afurð gefa af sér meiri olíu
per hektara. Sú olía sem notuð verði í staðinn gæti verið allt eins
óumhverfisvæn þar sem það þurfi meira ræktunarland fyrir sömu
uppskeru. Framtak Iceland er í öllu falli athyglisvert og gefur
neytendum færi á að sniðganga pálmolíu algerlega kjósi þeir það
en notkunin er svo víðtæk að talið er að pálmolíu sé að finna í
u.þ.b. helmingi af öllum vörum sem finna má í hillum verslana.
Í 4. tbl. Neytendablaðsins 2012 var ítarleg umfjöllun um
pálmolíu sem finna má á www.ns.is
Pálmolía er unnin úr ávöxtum afríska
pálmolíutrésins (Elaeis guineensis).
Pálmolíuávextir vaxa í knippum fjóra
til fimm metra frá jörðu.