Morgunblaðið - 11.01.2020, Side 2

2 FRÉTTIRInnlent
MORGUNBLAÐIÐ LAUGARDAGUR 11. JANÚAR 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is SmartlandMarta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Útför Vilhjálms Einarssonar, frjáls-
íþróttamanns og fyrrverandi skóla-
meistara Menntaskólans á Egils-
stöðum, var gerð frá Hallgríms-
kirkju í gær. Hann lést á Land-
spítalanum 28. desember, 85 ára að
aldri. Fjölmennt var í útförinni en
bein útsending var einnig frá henni
í Valaskjálf á Egilsstöðum. Útför-
ina annaðist séra Sigurður Jónsson.
Jónas Þórir lék á orgel í athöfninni
og Valgerður Guðnadóttir, Valgeir
Guðjónsson og Egill Ólafsson sáu
um söng ásamt félögum úr Karla-
kór Reykjavíkur.
Var Vilhjálmur meðal annars
þekktur fyrir að vera fyrsti verð-
launahafi Íslands á Ólympíuleikum
en hann var einnig handhafi Ridd-
arakross hinnar íslensku fálkaorðu
fyrir framlag í þágu íþrótta- og
uppeldismála.
Vilhjálmur verður jarðsettur í
Reykholti í Borgarfirði í dag.
Sýnt var frá útför Vilhjálms í Valaskjálf á Egilsstöðum
Morgunblaðið/Kristinn Magnússon
Hallgrímskirkja Líkmenn voru vinir, nemendur og fyrrverandi samstarfsmenn Vilhjálms Einarssonar. Frá vinstri eru Björn Ingimarsson, Þórir Jónsson,
Lárus L. Blöndal og Júlíus Hafstein og frá hægri eru Olga L. Garðarsdóttir, Sveinn Víkingur Þórarinsson, Margrét Héðinsdóttir og Jón Þ. Ólafsson.
Útför Vilhjálms Einars-
sonar frá Hallgrímskirkju
Útförin Bein útsending var frá útför Vilhjálms í Valaskjálf á Egilsstöðum.
Morgunblaðið/Sigurður Aðalsteinsson
Helgi Bjarnason
helgi@mbl.is
Verð hlutabréfa fiskeldisfyrirtækisins Arnarlax hefur
nærri tvöfaldast frá því viðskipti hófust með bréfin á
NOTC-hlutabréfamarkaði kauphallarinnar í Osló um
miðjan nóvember. Hækkun hlutabréfanna á þátt í því að
greiningarfyrirtæki hækkar mat á hlutabréfum norska
fiskeldisrisans SalMar, sem á meirihluta hlutabréfa í
Arnarlaxi.
SalMar greiddi 55,80 norskar krónur fyrir hluti í Arn-
arlaxi í yfirtökutilboði sem fyrirtækið gerði í byrjun árs-
ins. Samkvæmt því var heildarverðmæti hlutabréfa fé-
lagsins rúmir 20 milljarðar íslenskra króna. Norsk
greiningarfyrirtæki höfðu trú á hlutabréfum Arnarlax
og mæltu með kaupum. Töldu þeir að verðmæti hvers
hlutar væri um 100 krónur norskar.
Viðskipti hófust 15. nóvember og síðan hefur leiðin
aðeins legið upp á við. Í gær var verðið komið í 110
krónur norskar, eða tvöfalt það verð sem Salmar notaði
í yfirtökutilboðinu.
Heildarverðmælti hlutafjár er komið yfir 40 milljarða
íslenskra króna og slagar upp í verðmæti hlutabréfa
Icelandair sem í gær stóð í 45 milljörðum.
Hluthafahópurinn stækkar
„Við erum í sjálfu sér ekkert að velta þessu fyrir okk-
ur, frá degi til dags. En vissulega er ánægjulegt að sjá
hvað mikill áhugi er á félaginu,“ segir Kjartan Ólafsson,
stjórnarformaður Arnarlax. Hann segir einnig jákvætt
að hluthafahópurinn hafi stækkað verulega og eru hlut-
hafnar nú að nálgast 90. Meðal þeirra eru fjárfestar í
löndum Skandinavíu og einhverjir á Íslandi.
Þá var tilkynnt um kaup Björns Hembre, forstjóra
Arnarlax, á 2.900 hlutum, um miðjan desember þegar
verðið var 80 krónur norskar á hlut. Fjárfesti hann því
fyrir rúmar 3 milljónir íslenskra kr. Fyrir liggur að
SalMar sem á rúm 59% hlutafjár hefur haldið sínum
hlut, samkvæmt hluthafalista sem birtur var í byrjun
vikunnar, sömuleiðis allir eða flestir af öðrum helstu
hluthöfum félagsins. Viðskiptin hafa því verið á milli
minni hluthafa.
Hefur áhrif á móðurfélagið
Í greiningu norska bankans DNB á SalMar er verð-
mat fyrirtækisins hækkað og mælt með kaupum á bréf-
um fyrirtækisins, þrátt fyrir að framleiðsla hafi verið
aðeins undir spám á síðasta ári. Fram kemur að ástæð-
an fyrir minni framleiðslu er að slátrun úr einhverjum
stöðvum var frestað fram yfir áramót vegna óveðurs.
Skýringar á hækkuðu verðmati eru jákvæð teikn í
rekstri og sérstaklega nefnt að verðmæti hlutarins í
Arnarlaxi hafi aukist.
Verð hlutabréfa í Arnar-
laxi hefur tvöfaldast
 Hækkunin hefur áhrif á verðmæti SalMar í Noregi
Morgunblaðið/Helgi Bjarnason
Bíldudalur Unnið að pökkun á laxi hjá Arnarlaxi.
Tveir voru fluttir á gjörgæslu eftir
alvarlegt umferðarslys á Vestur-
landsvegi á tólfta tímanum í gær þar
sem stór ruslagámur losnaði aftan
úr vöruflutningabifreið og lenti á
vörubíl og lítilli fólksflutningabif-
reið.
Annar þeirra slösuðu var sagður
með alvarlega höfuðáverka en
áverkar hins voru annars konar og
ekki talin jafn alvarleg.
Ökumennirnir tveir voru enn á
gjörgæslu samkvæmt upplýsingum
mbl.is á tíunda tímanum í gær.
Haft var eftir Valgarði Valgarðs-
syni, aðalvarðstjóra lögreglunnar á
höfuðborgarsvæðinu, í gærkvöldi að
ekki væri hægt að staðfesta hvort
líðan ökumannanna væri stöðug.
Hvasst var í Kollafirði í gær og lík-
ur á því að vindur hafi svipt gámnum
af stað þegar vörubílarnir tveir
mættust. Valgarður staðfesti í gær
að rannsakað yrði hvað olli því að
gámurinn losnaði.
Tók það um það bil tvo klukkutíma
að hreinsa veginn, enda gert í
vonskuveðri og höfðu langar bílarað-
ir myndast á Vesturlandsvegi beggja
vegna við slysstað. rosa@mbl.is
Morgunblaðið/Eggert
Slys Ökumenn sem urðu fyrir ruslagámi í gær voru fluttir á gjörgæslu.
Á gjörgæslu eftir
slys í Kollafirði
 Óvíst hvort ástand þeirra er stöðugt
Rósa Margrét Tryggvadóttir
rosa@mbl.is
„Þegar rúta er á toppnum og tæp-
lega 50 manns í bílnum gerir mað-
ur ráð fyrir hinu versta. Það segir
sig sjálft. Maður hafði mestar
áhyggjur af því að einhver væri
undir bílnum,“ segir Hilmar Hilm-
arsson, varðstjóri lögreglunnar á
Norðurlandi vestra, en hann var
einn af þeim fyrstu á vettvang al-
varlegs rútuslyss skammt utan við
Blönduós í gær.
„Það var algjör tilviljun að í
fyrsta bílnum sem kom á vettvang
voru læknir og hjúkrunarfræð-
ingur. Þau fóru beint í bráða-
flokka og huguðu að fólkinu,“ seg-
ir hann. Hann segir að mikil
ringulreið og stress hafi verið á
vettvangi en að allir hafi sinnt
störfum sínum vel.
Telur hann mestar líkur á að or-
sök slyssins megi rekja til veðurs,
en mikið rok, snarpar vindhviður
og mikil hálka var á vettvangi.
Hefði getað farið verr
Vilhjálmur Karl Stefánsson
rannsóknarlögreglumaður, sem
einnig var á vettvangi, tekur undir
með Hilmari. Aðstæður hafi litið
mjög illa út og betur hafi farið en
á horfðist.
„Það hefði getað farið verr. Það
fer frekari rannsókn fram á morg-
un [í dag]. Þá kemur rannsókn-
arnefnd samgönguslysa og það
verða teknar betri myndir í
björtu,“ sagði Vilhjálmur í samtali
við Morgunblaðið seint í gær-
kvöldi.
Betur fór
en á
horfðist
 Læknir var
fyrstur á vettvang