Morgunblaðið - 15.01.2020, Page 4

4 FRÉTTIRInnlent
MORGUNBLAÐIÐ MIÐVIKUDAGUR 15. JANÚAR 2020
Þó að samgöngur á landi hafi legið
niðri hafa þær stundir komið vestra
síðustu daga að hægt hefur verið að
sækja sjó. Afli sem seldur var á
markaði er því tilbúinn til flutnings
suður og má ekki orðið tæpara
standa með tilliti til geymsluþols. Þá
eru afurðir farnar að safnast upp í
fiskvinnslustöðvum á svæðinu og er
nú orðið aðkallandi að koma þeim á
flutning.
Ísafjörður er miðpunkturinn á
norðanverðum Vestfjörðum og voru
leiðir þaðan til næstu bæjar ófærar í
gær. Snjóflóð féll á Eyrarhlíð síð-
degis og því lokaðist leiðin út í
Hnífsdal og Bolungarvík. Sömuleiðis
var lokað suður á bóginn, svo sem til
Suðureyrar og Flateyrar.
Fyrirtækjum lokað
Vegna snjóflóðahættu var starfs-
mönnum nokkurra fyrirtækja við
Skutulsfjarðarbraut á Ísafjarðar
ráðið frá því að vera á vinnustað í
gær. Eins var sorpmóttakan í Engi-
dal lokuð.
„Við fylgjumst grannt með stöð-
unni sem nú kallast óvissustig. Sam-
kvæmt því má búast við snjó-
flóðum,“ sagði Harpa Grímsdóttir á
ofanflóðavakt veðurstofunnar á Ísa-
firði. Hún segir mörg ár síðan lang-
varandi óveðurskaflar eins og nú
hafi verið fyrir vestan, en snjóflóð
lítil sem stór komi á hverjum vetri.
Vöruskortur og vandi í vetrarríkinu
 Hryðjur og þræsingur á norðanverðum Vestfjörðum  Snjóflóð og óvissustig  Fylgjast grannt
með stöðunni  Samgöngur hafa farið úr skorðum  Flutningabílarnir fara aftur af stað í dag
Morgunblaðið/Halldór Sveinbjörnsson
Mokstur Mikinn snjó hefur dregið í skafla á Ísafirði og síðdegis í gær var
verið að moka bílastæðin fyrir framan hús framhaldsskólans á Torfnesi.
Nettó Kristján verslunarstjóri með
það litla sem eftir er af kjötinu.
SVIÐSLJÓS
Sigurður Bogi Sævarsson
sbs@mbl.is
Þræsingur af norðaustri með nokk-
urri snjókomu gekk yfir á norðan-
verðum Vestfjörður í gær. Hryðjur
gengu yfir og vegir voru víðast
ófærir. Landleiðin vestur er ófær og
snjóflóðahætta til staðar, svo sem á
Ísafirði og Súðavíkurhlíð. Þar sem
samgöngur liggja niðri ber núorðið á
vöruskorti í matvöruverslunum á
svæðinu. Vænst er þó að úr rætist á
morgun; að veður skáni og sam-
göngur komist í horf.
Kaupa kjúklinga
„Í nokkrum tegundum erum við
að nálgast vöruskort. Ferskar kjöt-
vörur eru búnar að mestu. Við feng-
um hins vegar góðan skammt af
kjúklingum fyrir helgina og við-
skiptavinir kaupa þá ef þeir vilja
nýtt kjöt. Við erum hins vegar vel
sett með mjólk og slíkar afurðir og
búum að sendingum frá Örnu í
Bolungarvík. Nýmjólkin sem núna
er hér í kælinum er laktósafrí,“ sagði
Kristján Kristjánsson, versl-
unarstjóri hjá Nettó á Ísafirði, í
samtali við Morgunblaðið.
Flutningabílar komist
af stað í dag
„Ástandið er ferlegt og langt síðan
við höfum lent í svona ófærð marga
daga í röð. Að einn dagur detti út
eins og stundum gerist er ekki stór-
mál en þetta er öllu verra,“ sagði
Hafþór Halldórsson, svæðisstjóri
Eimskips á Ísafirði. Vöruflutningar
til og frá norðanverðum Vest-
fjörðum hafa legið niðri síðan á
laugardag, en þá tókst bílstjórum að
brjótast vestur í ófærð og leiðindum.
Síðdegis í gær var þess vænst að
leiðin suður myndi opnast um miðj-
an dag í dag og þá ætlaði Hafþór að
senda fjóra flutningabíla suður og að
sunnan kæmu þrír bílar. Gangi allt
eftir yrðu þeir þá komnir hvor í sinn
áfangastaðinn undir kvöld og vörur
til viðtakenda á fimmtudagsmorgun.
Akranes, nýtt flutningaskip Smyril
Line, kom í fyrsta skipti til heima-
hafnar sinnar, Þorlákshafnar, í gær-
morgun. Skipið verður í siglingum á
milli Þorlákshafnar og Hirtshals í
Danmörku með viðkomu í Fær-
eyjum. Það er 10 þúsund tonn og
getur tekið 100 vöruflutningavagna í
hverri ferð. Skipið siglir á 20 mílna
hraða.
Fyrir rekur Smyril Line farþega-
ferjuna Norrænu og vöruflutninga-
ferjuna Mykines. Síðarnefnda skipið
er í föstum siglingum hingað til
lands frá Rotterdam.
Þorlákshöfn þykir hentugur stað-
ur fyrir flutninga á milli Íslands og
meginlands Evrópu þar sem um átta
klukkustundir sparast með því að
þurfa ekki að sigla fyrir Reykjanesið
hvora leið. Sérstaklega hefur leiðin
verið vinsæl fyrir flutning á ferskum
fiski héðan, farið er á miðnætti á
föstudögum og dreifing getur hafist
á fiskinum um alla Evrópu á þriðju-
dagsmorgni. Með siglingum til
Hirtshals styttist flutningatími á
milli Skandinavíu og Íslands, sem
minnkar lagerhald og fjárbindingu
innflytjenda. Fram kom í samtali við
Lindu Björk Gunnlaugsdóttur,
framkvæmdastjóra Smyril Line, hér
í blaðinu í desember að mikilvægt
væri að áframhaldandi þróun yrði á
höfninni í Þorlákshöfn. Hana þyrfti
að stækka.
Ljósmynd/Smyril Line
Akranes Nýtt flutningaskip, Smyril Line, kom til Þorlákshafnar í gær.
Akranes til Þorláks-
hafnar í fyrsta sinn
„Leiðir í báðar áttir héðan eru lokaðar og þorpið því ein-
angrað,“ segir Bragi Þór Thoroddsen, sveitarstjóri í
Súðavík. Hann vekur athygli á því að staðan í samgöngu-
málum kauptúnsins nú sé um margt sambærileg því sem
var 16. janúar 1995, þegar snjóflóð féll á Súðavík og 14
manns létust. Þá var vegurinn frá Ísafirði ófær svo að
björgunarlið kom sjóleiðina í kauptúnið. „Okkur eru von-
brigði að jarðgöng í gegnum fjöllin milli Skutulsfjarðar
og Álftafjarðar skuli ekki vera á þeirri samgönguáætlun
til næstu ára sem nú liggur fyrir. Allir landsmenn eiga
rétt á því að búa við mannsæmandi aðstæður og sam-
göngur eru hluti af því,“ segir Bragi.
Þess má geta að jarðgangamál voru til umfjöllunar á vettvangi Fjórð-
ungssambands Vestfjarða síðasta haust. Þar komu fram vonbrigði sveitar-
stjórnarmanna með að þunginn í jarðgangaframkvæmdum næstu árin
skyldi verða á Austurlandi, á meðan brýn verkefni af sama meiði vestra
þyrftu að bíða áfram. Arna Lára Jónsdóttir, varaþingmaður Samfylkingar,
lagði einnig nýlega fram þingsályktunartillögu um Álftafjarðargöng.
Eins og venjan er 16. janúar verður Súðavíkurkirkja opin á morgun fyrir
þá sem þar vilja minnast þeirra sem létust í snjóflóðinu fyrir aldarfjórð-
ungi. Sagt verður nánar frá náttúruhamförunum í Súðavík árið 1995 í
Morgunblaðinu á morgun.
Sama staða og fyrir 25 árum
SAMGÖNGUR VIÐ SÚÐAVÍK ERU ERFIÐAR
Bragi Þór
Thoroddsen
Morgunblaðið/Halldór Sveinbjörnsson
Lokunarpóstur Ófært var í gærdag frá Ísafirði fyrir Arnarnes og um Súðavíkurhlíð
inn í Djúp. Einu raunhæfu úrbæturnar eru jarðgöng, sem ekki eru í augsýn.
Fagleg þjónusta fyrir fólk í framkvæmdum
www.flugger.is