Morgunblaðið - 04.03.2020, Síða 2

2 FRÉTTIRInnlent
MORGUNBLAÐIÐ MIÐVIKUDAGUR 4. MARS 2020
Lækjargata 34a / 220 Hafnarfjörður
Pantaðu tíma í
göngugreiningu
hjá okkur
s. 533 1314
Við erum hér til að aðstoða þig! --
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
„Ég stend fyrir hagsmunabaráttu
bænda. Við þurfum að hafa sterk sam-
tök. Nú er komin öflug stjórn sem ég
hef með mér. Þetta er ekki eins manns
verk,“ segir Gunnar Þorgeirsson,
garðyrkjubóndi í Ártanga í Grímsnesi,
sem í gær var kjörinn formaður
Bændasamtaka Íslands.
Gunnar bauð sig fram á móti Guð-
rúnu S. Tryggvadóttur sem tók við for-
mennsku fyrir ári þegar Sindri Sigur-
geirsson hætti og sneri til annarra
starfa. Guðrún
hafði þá verið
varaformaður.
Gunnar var kosinn
með 29 atkvæðum
á búnaðarþingi í
gær en Guðrún
fékk 21 atkvæði.
„Ég fékk hvatn-
inu til framboðs
ótrúlega víða að.
Ég treysti á að
baklandið sé gott og við getum dregið
Bændasamtökin meira fram í forystu
fyrir hagsmunagæslu allra bænda á Ís-
landi. Það verður meginverkefnið,“
segir Gunnar. Hann nefnir í tengslum
við þetta straumlínulögun á félagskerfi
bænda sem búnaðarþing fjallaði um.
Konur í meirihluta í stjórn
Stjórn Bændasamtakanna var öll
endurnýjuð. Með Gunnari eru í nýju
stjórninni Oddný Steina Valsdóttir,
sauðfjár- og nautgripabóndi í Butru í
Fljótshlíð, Halla Eiríksdóttir, sauðfjár-
bóndi á Hákonarstöðum á Jökuldal,
Halldóra Kristín Hauksdóttir, eggja-
bóndi hjá Græneggjum í Eyjafirði, og
Hermann Ingi Gunnarsson, nautgripa-
bóndi í Klauf. Gunnar vekur athygli á
því að nú skipi konur meirihluta stjórn-
ar Bændasamtakanna í fyrsta skipti.
Það séu tímamót þótt þingið hafi fellt
konu úr formannsstóli.
Gunnar er 56 ára að aldri. Hann
stofnaði garðyrkjubýlið Ártanga á
árinu 1986 og rekur það ásamt konu
sinni, Sigurdísi Eddu Jóhannesdóttur.
Hann hefur unnið mikið að félagsmál-
um. Er formaður Sambands garð-
yrkjubænda og var um tíma í sveit-
arstjórn og oddviti Grímsnes- og
Grafningshrepps og formaður Sam-
bands sunnlenskra sveitarfélaga.
Gunnar
Þorgeirsson
Sinni hagsmunagæslu
fyrir alla bændur landsins
 Gunnar Þorgeirsson hefur verið kjörinn formaður Bændasamtaka Íslands
Á alþjóðlegum degi heyrnar í gær
létu Heyrnar- og talmeinastöð Ís-
lands (HTÍ), Sinfóníuhljómsveitin
og Vinnueftirlitið mæla heyrn hjá
nokkrum meðlimum hljómsveit-
arinnar og hávaða á sviðinu í kring-
um hljóðfæraleikarana í Hörpu.
Tilgangurinn var að vekja athygli á
mikilvægi heyrnarverndar. Í ljós
kom, sem reyndar var vitað áður,
að sums staðar við sviðið er hávað-
inn yfir hættumörkum og á ein-
staka stað nærri sársaukamörkum.
Kristján Sverrisson, yfirlæknir
HTÍ, segir að sem vinnuveitandi sé
Sinfónían til fyrirmyndar þegar
kemur að heyrnarvernd og hljóð-
vist starfsfólks. Noti hljóðfæraleik-
ararnir sérstaka tónlistartappa í
eyrun og skjöldum sé stillt upp fyr-
ir aftan hnakkann á þeim. Flestir
hljóðfæraleikararnir sem prófaðir
voru reyndust hafa ágæta heyrn en
nokkrir ætla að koma í ítarlegri
heyrnarmælingu. Kristján segir að
á milli 15 og 20 þúsund Íslendingar
séu með skerta heyrn og þurfi
heyrnarbætandi aðgerðir til að lifa
óheftu lífi. Með öldrun þjóðarinnar
stækki þessi hópur hratt. Auk öldr-
unar séu hávaði og sjúkdómar
helstu orsakir heyrnarskerðingar
hér á landi. gudmundur@mbl.is Morgunblaðið/Árni Sæberg
Heyrnar-
vernd í
heiðri höfð
Mældu hávaða í Hörpu og heyrn hljóðfæraleikara Sinfóníunnar á degi heyrnar í gær
Gunnlaugur Snær Ólafsson
gso@mbl.is
Enn hefur ekki verið hægt að finna
hvað veldur því að tugir olíublautra
fugla hafa fundist í Vestmanna-
eyjum, Reynisfjöru og Víkurfjöru.
„Við höfum verið að reyna að
finna út hvað veldur þessu. Við höf-
um ekki fundið uppruna olíunnar
enn sem komið er,“ segir Sigurrós
Friðriksdóttir, teymisstjóri hjá Um-
hverfisstofnun. Hún segir stofnun-
ina vinna úr þeim tilkynningum sem
berast og leita frekari leiða til þess
að upplýsa málið.
„Við fáum gervihnattamyndir frá
Siglingaöryggisstofnun Evrópu
(EMSA) í hverjum mánuði og við
fáum aukamyndir og þeir greina fyr-
ir okkur hvort einhverja olíu sé að
sjá á myndunum. Það hefur ekki
verið,“ útskýrir Sigurrós.
Þá fór fulltrúi Umhverfisstofn-
unar með TF-EIR, þyrlu Landhelg-
isgæslu Íslands, í síðustu viku í leit
að uppruna mengunarinnar. Var
flogið umhverfis allar eyjar Vest-
mannaeyja og að Reynisfjöru en sú
leit bar ekki árangur.
Gefast ekki upp
„Það er eiginlega ráðgáta hvað
veldur þessu. En við erum ennþá að
fá tilkynningar,“ segir Sigurrós sem
bætir við að stofnunin muni áfram
sinna málinu í samstarfi við Gæsluna
og EMSA. „Við erum að reyna að
finna út úr þessu og ætlum ekki að
gefast upp fyrr en við finnum
orsakavaldinn.“ Ekki er vitað hvort
olíumengunin á fyrrnefndum stöðum
tengist, en töluvert hefur borið á
olíublautum sjófuglum undanfarið
og hefur ástandið verið viðvarandi
allt frá áramótum. Flestir fuglanna
hafa fundist við höfnina í Heimaey
og í Klaufinni, rétt við Stórhöfða.
Olíumengun sögð ráðgáta
 Tilkynnt um tugi
olíublautra sjófugla
frá áramótum
Ljósmynd/Umhverfisstofnun
Óhreinir Engin skýring hefur fund-
ist á því að fuglar séu olíublautir.
Neyðarlínu barst í gær tilkynning um
alvarlegt vinnuslys kl. 14.30 á bygg-
ingarsvæði í Mosfellsbæ. Voru þá
tveir erlendir karlmenn við vinnu í
nýbyggingu í Krikahverfi þegar
steypt gólfplata féll skyndilega á þá.
Ekki fengust nákvæmar upplýsingar
um líðan mannanna í gærkvöld, en
þeir voru báðir fluttir með alvarlega
áverka á sjúkrahús. Talsverðan tíma
tók að losa annan mannanna.
Lögregla og slökkvilið voru með
mikinn viðbúnað vegna slyssins. Þá
voru einnig sérþjálfaðir rústabjörg-
unarmenn við vinnu á vettvangi sem
og áfallateymi frá Rauða krossinum.
Tildrög slyssins voru ekki ljós þegar
Morgunblaðið fór í prentun í gær.
Alvarlegt
vinnuslys
 Tveir urðu undir
steyptri gólfplötu