Morgunblaðið - 04.03.2020, Qupperneq 28

28 MENNING
MORGUNBLAÐIÐ MIÐVIKUDAGUR 4. MARS 2020
ALLT Í FERMINGAR-
VEISLUNA
Smiðjuvegi 9 • 200 Kópavogur • s. 567 9911 • www.alltikoku.is
SKOÐAÐU ÚRVALIÐ Á ALLTIKOKU.IS
Frábært úrval af
fermingarstyttum
sykurskreytingum
servíettum – löberum
Sjón er sögu ríkari, kíktu við !
Yfir 12.000 vörunúmer
Böðvar Páll Ásgeirsson
bodvarpall@mbl.is
Tenórsöngvarinn Benedikt Krist-
jánsson flytur Jóhannesarpassíu
Bach í framsetningu fyrir einsöng,
sembal og slagverk ásamt þeim Elina
Albach, sembal- og orgelleikara og
Philipp Lamprecht, slagverksleikara
í Hallgrímskirkju kl. 20 í kvöld, mið-
vikudag. Er þetta óhefðbundin túlk-
un á passíunni sem oftast er flutt af
kór, sinfóníu og sögumanni. Þá taka
kirkjugestir þátt í söngnum með
Benedikt en slíkt er ekki venjan.
Um upphafið að þessu verkefni
segir Benedikt að stjórnandi tón-
listarhátíðar í Þýskalandi hafi komið
að orði við hann eftir tónleika hans og
spurt hvort þessi útfærsla á Jóhann-
esarpassíu væri raunhæf.
„Þá hugsaði ég málið aðeins og var
tiltölulega viss um að þetta væri vel
útfæranlegt, sem þetta var,“ segir
hann.
Benedikt segir upplifun áhorfenda
af hans útfærslu á passíunni vera
nokkuð frábrugðna þeirri hefð-
bundnu. Hann segir afl kórsins sem
vanalega syngur vera mun meira en
hans eigið. „Það er mjög auðvelt að
finna fyrir múgæsingu þegar 100
manns eru að syngja beint fyrir
framan þig,“ segir hann um túlk-
unina á krossfestingu Krists. „En ég
nota allt öðruvísi meðöl til að fá þessa
tilfinningu fram.“
Hann segir að auðveldara sé fyrir
áhorfendur að halda einbeitingunni á
hans útfærslu. „Athyglin er alltaf
bara á einni manneskju allan tím-
ann.“ Það sé ólíkt því sem gerist þeg-
ar stór kór og hljómsveit koma fram
þó auðvitað sé athyglin líka á undir-
spilurunum tveimur sem koma fram
með Benedikt. „Ég vona að þá sé
auðveldara að taka á móti textanum
og innihaldinu.“
Leiklistarleg áskorun
Benedikt segir mikla áskorun að
sinna mismunandi hlutverkum í
framsetningunni. „Hvernig er ég að
fara að því að gera þennan karakter
öðruvísi einungis með minni rödd,“
er eitt af því sem hann þurfti að velta
fyrir sér í undirbúningnum. Hann
þurfi að taka að sér ólík hlutverk,
meðal annars kvenhlutverk og hlut-
verk Jesú Krists auk hlutverks sögu-
manns. „Þetta er áskorun raddlega
en einnig leiklistarlega séð.“
Benedikt segir liggja vel fyrir sér
að túlka Jóhannesarpassíu enda var
faðir hans prestur og biskup og móð-
ir hans söngkona. „Síðan ég byrjaði
að syngja sjálfur hefur þessi tónlist
höfðað mest til mín. Bæði hvað varð-
ar tónlist og trú.“
Honum finnst hann ekki einungis
vera að syngja heldur einnig að bera
út boðskapinn sem passían inniheld-
ur. „Í þessari útfærslu taka áhorf-
endur þátt í söngnum sem er ná-
kvæmlega eins og Bach hafði hugsað
þetta frá upphafi en er sjaldan gert.
Það undirstrikar að við sem mann-
eskjur erum ekki aðeins að taka á
móti tónlistinni sem neytendur held-
ur erum við einnig gerendur,“ segir
hann. „Jesú dó á krossinum fyrir
okkur og við ættum að taka þátt í
þessari sögu með þakklæti í huga.“
Athygli fylgir verðlaununum
Benedikt er búsettur í Þýskalandi
og hefur komið fram og sungið víðs-
vegar um Evrópu og í Bandaríkj-
unum, bæði með hljómsveitum og
sem einsöngvari í mörgum af kunn-
ustu tónleikahúsum heims.
Túlkun Benedikts og félaga á Jó-
hannesarpassíu Bach hlaut nýlega
hin virtu þýsku Opus Klassik verð-
laun í flokknum framsæknir tón-
leikar. Benedikt segir það þýðingar-
mikil verðlaun og þeim fylgja mikil
athygli. „Þetta eru langstærstu verð-
launin í klassískri tónlist í Þýska-
landi,“ segir hann en verðlaunaaf-
hendingin er í beinni útsendingu í
sjónvarpi þar í landi en fjöldi
tónlistarmanna innan og utan Þýska-
lands keppast um þau.
Benedikt, Albach og Lamprecht
hafa flutt passíuna víða og fram-
undan eru nokkrir tónleikar í vor og
sumar, þar á meðal í Elphilhamonie í
Hamborg og á Bachfest í Leipzig.
„Áskorun raddlega en
einnig leiklistarlega séð“
 Benedikt Kristjánsson flytur Jóhannesarpassíu Bachs í Hallgrímskirkju
Óvenjulegt Benedikt Kristjánsson flytur hina þekktu passíu J.S. Bachs ásamt orgelleikara og ásláttarleikara.
i8 Gallery tekur eins og mörg
undanfarin ár þátt í hinni viða-
miklu listkauspefnu Armory Show í
New York. Kaupstefnan hefst í dag,
með opnun fyrir boðsgesti, og er
síðan opin fyrir almenning út næstu
helgi með sýningum fjölmargra
kunnra galleríia sem og sýningum
sem sýningarstjórar setja saman og
annarri dagskrá.
Að þessu sinni kynnir i8 verk
fimm listamanna. Þar á meðal eru
ný vatnslitaverk eftir Ólaf Elíasson,
skúlptúr eftir Alicja Kwade og nýtt
myndbandsverk eftir Ragnar
Kjartansson, það fimmta í röðinni
Me and My Mother sem hann hóf að
gera árið 2000. Einnig eru sýnd
verk eftir B. Ingrid Olson og Yui
Yaegashi.
Morgunblaðið/Einar Falur
Myndlist Frá sýningarrými i8 Gallery á
Armory Show í New York fyrir nokkrum árum.
i8 tekur þátt í
Armory Show
Birta Guðjóns-
dóttir, sýningar-
stjóri og mynd-
listarmaður,
hefur verið ráðin
listrænn stjórn-
andi Listar án
landamæra. List
án landamæra er
listahátíð sem
leggur áherslu á
list fatlaðra lista-
manna. Hátíðin hefur verið haldin
síðan 2003 og sýnir hún allar list-
greinar. Birta er einn reyndasti
sýningarstjóri landsins. Síðustu ár
hefur hún stýrt yfir 40 sýningum í
helstu listrýmum og listasöfnum
hérlendis sem og víða erlendis, m.a.
í Berlín, Amsterdam, Melbourne,
New York og á Norðurlöndunum.
Birta mun stýra
List án landamæra
Birta
Guðjónsdóttir
Tilkynnt hefur verið um úthlutanir úr
Tónlistarsjóði fyrir fyrri hluta þessa
árs. Hlutverk sjóðsins er að efla ís-
lenska tónlist og stuðla að kynningu á
íslenskum tónlistarmönnum og tón-
sköpun þeirra.
Alls bárust 139 umsóknir um rúm-
ar 128 milljónir króna. Til úthlutunar
voru rúmlega 22 milljónir króna til 90
verkefna. Hæsta styrkinn, 800 þús-
und kr., hlaut Múlinn jazzklúbbur.
600 þúsund kr. styrk hlutu Reyk-
holtshátíð 2020 og HIMA –
Alþjóðlega tónlistarakademían í
Hörpu. Þá hlutu nokkur verkefni
styrk upp á 500 þúsund kr: Aldrei fór
ég suður, Klassískir tónleikar á Hin-
segin dögum 2020, Íslensku tónlist-
arverðlaunin 2020, Kammermúsík-
klúbburinn, Listvinafélag
Hallgrímskirkju, Starf Sinfóníu-
hljómsveitar unga fólksins 2020 og
Töfrahurð – börnin tækla tónskáldin
2020.
Allnokkur verkefnu hlutu styrki að
upphæð kr. 400 þúsund, þar á meðal:
Umbra, Upptaktur/Hörpustrengir,
Vordagskrá Tónlistarfélags Akur-
eyrar, Malarastúlkan fagra – sviðs-
uppsetning, Söngsveitin Fílharmónía,
Freyjujazz, RASK, Tónleikar Sin-
fóníuhljómsveitar tónlistarskólanna,
Schola cantorum, Syngjum saman:
íslensk lög þýdd og túlkuð á íslenskt
táknmál, Raflost 2020, Maximus
Musicus, Les Fréres Stefson – Snælda
2, Kammerkórinn Cantoque, 15:15
tónleikasyrpan, Sauðatónar, Saga
Borgarættarinnar – kvikmynda-
tónleikar, PRISM- 6 harpists from
Iceland, Söngkeppnin Vox Domini
2020, Berjadagar, Barokkbandið
Brák og Á ljúfum nótum í Fríkirkj-
unni. Aðrir hlutu lægri styrki.
Að auki er þegar ráðstafað 25
milljónum til átta fastra þriggja ára
samninga. Þar á meðal fá Kammer-
sveit Reykjavíkur, Caput, Myrkir
músíkdagar og Stórsveit Reykjavíkur
fjórar milljónir hver á tímabilinu,
Sumartónleikar í Skálholti 3,5 millj-
ónir, Jazzhátíð Reykjavíkur 2,5 millj-
ónir, Nordic Affect og landbyggðar-
tónleikar FÍH 1,5 milljónir.
128 milljónum úthlut-
að úr Tónlistarsjóði
 Hæsta styrkinn nú hlaut Múlinn
Morgunblaðið/Arnþór
Djassað Frá tónleikum ASA tríós í
Múlanum jazzklúbbi í Hörpu.