Morgunblaðið - 20.03.2020, Side 10

10 FRÉTTIRInnlent
MORGUNBLAÐIÐ FÖSTUDAGUR 20. MARS 2020
Gunnlaugur Snær Ólafsson
gso@mbl.is
Hafrannsóknastofnun ráðleggur í
samræmi við uppfært áhættumat
að magn laxeldis í opnum sjókvíum
verði ekki meira en 106.500 tonn á
landinu öllu, sem er aukning frá
fyrra mati sem gerði ráð fyrir að
hámarksframleiðslumagn fiskeldis
yrði 71 þúsund tonn. Kom þetta
fram á fundi stofnunarinnar í gær
þar sem Ragnar Jóhannsson, sviðs-
stjóri fiskeldissviðs, kynnti nýtt
áhættumat á erfðablöndun og ráð-
leggingar stofnunarinnar.
Ragnar sagði raunverulega
aukningu vera 20% þar sem fyrra
mat miðaði við framleiðslu en hið
nýja miðaði við hámarkslífmassa
samkvæmt áhættumati erfðablönd-
unar. Í ráðgjöfinni segir að fram-
leiðsla sé nú reiknuð sem 80% af
hámarkslífmassa en hafi áður verið
lögð að jöfnu. 71 þúsund tonn jafn-
gildi því 88,75 þús. tonna lífmassa.
Takmarkanir í Djúpinu
Heildarmagn sem leyfilegt verð-
ur að framleiða á Vestfjörðum
verður samkvæmt ráðgjöfinni
61.500 tonn en fyrri ráðgjöf nam 50
þúsund tonnum.
Stofnunin leggur til að hámarks-
lífmassi í Önundarfirði fari úr engu
í 2.500 tonn. Í Ísafjarðardjúpi fer
ráðgjöfin úr engu í 12 þúsund
tonn. Þar er lagt til að eldi verði
ekki stundað nær veiðiám í botni
Ísafjarðardjúps en sem nemur línu
frá Ögurnesi að Æðey og Hólma-
sundi.
Þá er óbreyttur hámarkslífmassi
í Tálknafirði, Patreksfirði og Pat-
reksfjarðarflóa, samtals 20 þúsund
tonn og á það einnig við um Arn-
arfjörð þar sem hámarkið er 20
þúsund tonn. Einnig er óbreytt
ráðgjöf í Dýrafirði, 10 þúsund
tonn.
Mikil aukning á Austurlandi
Á Austfjörðum er einnig lagt til
að auka leyfilega hámarksfram-
leiðslu úr 21 þúsund tonnum í 42
þúsund tonna hámarkslífmassa.
Ráðlagður hámarkslífmassi í
Berufirði er nú 7.500 tonn, en var
6.000. Í Fáskrúðsfirði er ráðgjöfin
upp á 12 þúsund tonn og 16 þúsund
í Reyðarfirði, en á þessum tveimur
svæðum var eldri ráðgjöf upp á
15.000 tonn samtals. Fyrir Seyðis-
fjörð er ráðgjöfin 6.500 tonn, en
var engin áður.
Ekki er ráðlagt að eldi verði
starfrækt í Stöðvarfirði frekar en
áður.
Aukið laxeldi verði leyft
 Hafrannsóknastofnun uppfærir áhættumat  Um 20% aukning  Tólf þúsund
tonn í Ísafjarðardjúpi  Miðað er við lífmassa, en áður var miðað við framleiðslu
mörkun di í Ísafjarðardjúpi
Hafrannsóknastofnun leggur til
að eldi verði ekki stundað nær
veiðiám í botni Ísafjarðardjúps
en sem nemur línu frá Ögurnesi
að Æðey og Hólmasundi Ko
rt
ag
ru
nn
ur
: O
pe
nS
tr
ee
tM
ap
Heimild:
Hafrannsókna-
stofnun
urn
HólmasundÍsafj
Tillaga um tak á fi skel
Ög es
örður
Morgunblaðið/Helgi Bjarnason
Eldiskvíar í sjó Laxeldi á vegum Fiskeldis Austfjarða.
Ágúst Ingi Jónsson
aij@mbl.is
Ráðgjöf Hafrannsóknastofnunar um
afla á fiskveiðiárinu 2020/21 verður
gefin út í byrjun júnímánaðar. Að
þessu sinni verður ráðgjöfin gefin út
án þess að Alþjóðahafrannsókna-
ráðið (ICES) fjalli um hana áður.
Röskun hefur orðið á starfi ICES í
Kaupmannahöfn vegna kórónu-
veirunnar og tafir gætu orðið á ráð-
gjafaverkefnum sem ICES hefur
unnið fyrir Evrópusambandið, Bret-
land og Noreg auk Íslands. Vegna
álags á ICES og hugsanlegra rask-
ana í starfi Hafrannsóknastofnunar
af völdum kórónuveirunnar var
ákveðið að hafa þennan háttinn á í ár.
Að sögn Sigurðar Guðjónssonar,
forstjóra Hafrannsóknastofnunar,
er samningur í gildi milli íslenskra
stjórnvalda og ICES um að ráðið fari
yfir ráðgjafarferlið. Nú hafi sjávar-
útvegsráðherra tilkynnt að í ljósi að-
stæðna verði ekki farið fram á slíkt.
Sigurður segir að farið verði eftir
vinnureglum sem samþykktar hafa
verið í rýninefndum ICES, en veiði-
ráðgjöf Hafrannsóknastofnunar
byggir jafnframt á alþjóðlega við-
urkenndum viðmiðum.
Nú er togararall, eða stofnmæl-
ing botnfiska, í gangi og fljótlega
hefst netarall. Gögn úr togararall-
inu eru byrjuð að berast í höfuð-
stöðvar Hafró við Skúlagötu. Þar
segir Sigurður að gripið hafi verið
til ýmissa ráðstafana og margir
vinni heima þessa dagana. Þetta sé
meðal annars gert til að tryggja ör-
yggi gagnavinnslufólks, til dæmis
þeirra sem sjá um aldursgreiningar
á fiski.
Ráðgjöf án aðkomu ICES
Morgunblaðið/Eggert
Togararall Rannsóknarliðið um
borð í rs. Bjarna Sæmundssyni.
 Gagnavinnslufólk sérstaklega varið hjá Hafrannsóknastofnun
Órofin keðja flutninga á sjó og af-
hendingaröryggi er lykilatriði í
starfsemi Faxaflóahafna þessa dag-
ana, að sögn Gísla Gíslasonar, hafn-
arstjóra Faxaflóahafna. Fyrirtækið
hefur ásamt skipafélögunum verið í
sambandi við sóttvarnayfirvöld og
hafa reglur verið hertar og gripið
til ýmissa ráðstafana til að tryggja
öryggi í flutningum til og frá land-
inu og nauðsynlega þjónustu við
skip.
Gísli nefnir að sé grunur um smit
um borð í flutningaskipi sem komi
til landsins fái skipið ekki að koma
upp að bryggju, en fulltrúar sótt-
varnayfirvalda fari um borð. Áhöfn
skipsins fari í einangrun eða sóttkví
eftir ákvörðun sóttvarnalæknis og
skipt verði um áhöfn skipsins.
Á heimasíðum Samskipa, Eim-
skips og Faxaflóahafna eru upplýs-
ingar um þær aðgerðir sem gripið
hefur verið til. Á heimasíðu Sam-
skipa segir m.a. að vöruflutningar
til og frá landinu séu grunnþjón-
usta sem mikilvægt sé að raskist
ekki.
Meðal annars hafa heimsóknir
gesta í fyrirtækið verið takmark-
aðar og sömuleiðis aðgangur gesta
um borð í skip Samskipa. Allir gest-
ir um borð í skip Samskipa þurfa að
svara spurningalista vegna veir-
unnar. Þá mega áhafnir ekki fara
frá borði í erlendum höfnum.
aij@mbl.is
Hertar reglur
til að tryggja
vöruflutninga
Sigurður Bogi Sævarsson
sbs@mbl.is
Bjarni Óskarsson, bóndi á Völlum í
Svarfaðardal, hefur sent kæru til at-
vinnu- og nýsköpunarráðuneytisins
vegna afskipta Matvælastofnunar á
jörð sinni. Eins og frá hefur verið
greint í Morgunblaðinu telur stofn-
unin að bleikjueldi sem fengist er við
í tjörn í bæjarlæknum á Völlum þurfi
leyfi sem útgefið kostar tæplega 500
þúsund krónu. Því unir Bjarni ekki
og telur í kæru sinni til ráðuneytisins
MAST fara offari og krefjast leyfis
og gjalda án lagastoðar. Mótmælir
jafnframt þeirri staðhæfingu lög-
fræðings MAST að eldisfiskur úr
tjörninni hafi verið seldur almenn-
ingi.
Í kærunni segir að lög þau um
MAST og fiskeldi gildi „ekki yfir
heimarækt á fáeinum fiskum í
tjarnabúskap eins og komist er að
orði. Gengið sé að rétti almennings
með smásmyglislegum aðgerðum
því lengi hafi tíðkast að setja fisk í
læki, tjarnir og vötn án þess að
spyrja kóng eða prest. Boð MAST
um að loka starfseminni sé sömuleið-
is marklaust, undirritað af fagsviðs-
stjóra fiskeldis en ekki forstjóra eins
og vera ber. Fagsviðsstjórinn sé um-
boðslaus undirmaður, eins og segir í
kærunni. Þar er líka minnt á þær
leiðbeiningar sem MAST hefur gefið
út þar sem segir að matvælalöggjöf-
in nái ekki til framleiðslu sem miðast
við einkaneyslu eða er undir smá-
ræðismörkum. Allt sé þetta í bága
við stjórnsýslulög – og reglur þeirra
um rannsókn, jafnræði og meðalhóf.
Í svona málum beri líka að meta all-
an vafa almenningi í vil
Ráðherrann beint
„Samkvæmt mínum upplýsingum
ætlar Bjarni Óskarsson að kæra mig
beint sem ráðherra vegna þessa
máls. Ég mun því ekki tjá mig efn-
islega um þetta mál, en tel eigi að
síður fullt tilefni til að fara yfir mála-
vöxtu,“ sagði Kristján Þór Júlíusson,
sjávarútvegs- og landbúnaðarráð-
herra, í samtali við Morgunblaðið í
gær.
Ráðherra segir tilefni til
að fara yfir málavöxtu
 Afgreiðsla MAST á fiskeldinu á Völlum kærð til ráðuneytis
Bjarni
Óskarsson
Kristján Þór
Júlíusson
BRUNCH
Allar helgar kl. 11:00-16:00
Amerískar
pönnukökur
Beikon, egg og
ristað brauð
Franskt eggjabrauð
Hafragrautur
Skyr
Omeletta
Big Brunch
Eggs Benedict
Gerðu þér
dagamun og
komdu á
Sólon
Borðapantanir í síma 562 3232