Morgunblaðið - Sunnudagur - 08.03.2020, Qupperneq 22

Lissabon. AFP. | Í fátækrahverfi norður af
Lissabon virða ferðamenn fyrir sér stóra
veggmynd af konu, sem dregur af sér hvíta
grímu. Verkið er öflugt tákn í hálfgerðu
„bannhverfi“, sem hefur verið breytt með list.
Myndin eftir angólsk-portúgölsku listakon-
una Nomen er án vafa „það mikilvægasta“ fyr-
ir íbúana í félagsíbúðunum í Quinta do Mocho
vegna þess að hún „dregur saman sögu okkar“
segir leiðsögumaðurinn Emanuela Kalemba í
heimsókn í hverfið.
„Hún er tákn fyrir félagslegu grímuna,
sem íbúar í hverfinu þurfa að setja upp utan
þess. Þegar við sækjum um vinnu eða að
komast inn í skóla þurfum við oft að gefa upp
rangt heimilisfang til að komast hjá því að
segja hvaðan við erum,“ segir Kalemba, sem
er á fertugsaldri, við hóp um fimmtíu
ferðlanga, sem margir eru í regngöllum.
Félagsíbúðirnar eru í klasa fjögurra hæða
bygginga, sem reistar voru um aldamótin á
milli flugvallarins og miðborgarinnar til að
hýsa þrjú þúsund manns, sem flestir koma frá
fyrrverandi nýlendum Portúgala í Afríku.
Atvinnuleysi, glæpir og skortur á almenn-
ingssamgöngum hafa gert að verkum að litið
er á hverfið sem „bannsvæði“ sem ekki sé
óhætt að fara til og leigubílstjórar neita að aka
þangað.
Árið 2014 ákváðu borgaryfirvöld að bæta
ímynd hverfisins og buðu innlendum og erlend-
um listamönnum að mála veggmyndir og kalla
nú hverfið „stærsta útilistaverkagallerí Evrópu“.
Á meðal verkanna eru dúfa í regnbogalitum,
afrísk kona með marglitan túrban og svarthvít
mynd af Bob Marley. Listamennirnir eru frá
Angólu, Brasilíu, Frakklandi, Ísrael, Líberíu,
Perú, Portúgal, Rússlandi, Salvador, Spáni og
Úrúgvæ og verk þeirra laða nú hundruð gesta
til Quinta do Mocho.
Celso Rodrigues eftirlaunaþegi undraðist að
tekist hefði að umbreyta frekar sorglegu og
hnignandi hverfi og sagði að útkoman væri
stórkostleg.
„Við leysum ekki öll vandamál með því að
setja málningu á veggina,“ sagði leiðsögumað-
urinn Kalemba, en bætti við að listaverkin
hefðu breytt hugarfari margra og veitt íbúun-
um „smá sjálfsvirðingu“ með því að „sýna um-
heiminum að hverfið er að breytast“.
Eftir að listaverkin komu til sögunnar er
strætó farinn að ganga í hverfinu, menningar-
viðburðum hefur fjölgað og dregið úr tíðni
glæpa að sögn yfirvalda á staðnum.
AFP
Ferðamaður með regnhlíf við verk eftir
úrúgvæska listamanninn Mariu Noe.
Íbúi í Quinta do Mocho lítur út um glugga við
hlið verks eftir franska listamanninn Maye.
Sutt er síðan ekki þótti óhætt að fara inn í hverfið Quinta do Mocho í Sacavem
í útjaðri Lissabon, en vegglistaverk hafa breytt ímynd hverfisins.
Mynd af Don Kíkóta og Sansjó Pansa eftir
portúgalska listamanninn Slap.
Listaverk eftir líberíska listamanninn Arcy (t.v.)
og Portúgalann Huariu í Quinta do Mocho.
Portúgalski listamaðurinn Acer ásamt hundi sínum við eigið verk.
Kona hengir upp þvott við verk eftir portúgalska listamanninn Bordalo II.
Myndin af svartri konu, sem tekur af
sér grímu hvítrar konu, er meðal fjölda
útiverka í hverfinu Quinta do Mocho.
22 MORGUNBLAÐIÐ SUNNUDAGUR 8.3. 2020
LÍFSSTÍLL
Fæst í apótekum, heilsubúðum og heilsuhillum verslana.
• Meltingarvandamálum
• Magaónotum
• Uppþembu
• Erfiðum hægðum
• Sveppasýkingum
• Húðvandamálum
• Andlegri vanlíðan
1 hylki á dag – 2 mánaða skammtur
Án: mjólkurafurða, glúteins, gers, soya og rotvarnarefna
Öflugur asídófílus
PRÓGASTRÓ GULL innheldur gall- og sýruþolna
mjólkursýrugerla með asídófílus sem
margfaldar sig í þörmunum.
Öflugir gerlar bæta þarmaflóruna og eru góðir gegn: