Austri - 21.06.1990, Síða 2

2
AUSTRI
Egilsstöðum, 21. júní 1990.
Útgefandi: Kjördæmissamband framsóknarmanna á Austurlandi
Skrifstofa Austra Lyngási 1, 700 EgHsstaðir, pósthólf 73 S 97-11984
Ritstjóri og ábyrgðarmaður: Jón Kristjánsson
Útgáfustjóri: Broddi Bjarni Bjarnason
Auglýsingastjóri: Sólveig Dagmar Bergsteinsdóttir
Blaðamaður: Guðgeir Ingvarsson
Auglýsinga- og áskriftarsími: 97-11984
Áskrift kr. 335.- á mánuði. Lausasöluverð kr. 90,-
Prentun: Héraðsprent sf. Egilsstöðum S 97-11449
Austri kemur út á fimmtudögum.
Aðsent efni þarf að hafa borist fyrir kl. 10:00 á mánudagsmorgnum.
Austri er aðili að samtökum bæjar- og héraðsfréttablaða.
Ræðst
við verð-
bólguna?
Síðustu áratugir hafa verið samfelld barátta við
verðbólguna hér á landi. Verðhækkanir eru hluti af
hinu daglega lífi og nánast ekkert hefur komið á
óvart í þeim efnum. Smátt og smátt höfum við sætt
okkur við þessa tilveru en jafnframt höfum við vitað
hversu gífurlegur skaðvaldur verðbólgan er. Verð-
skyn hverfur, kostnaðaraðhald minnkar og íslenskar
vörur hafa hvað eftir annað orðið undir í samkeppn-
inni við erlendar afurðir. Hvað eftir annað höfum við
strengt þess heit að útrýma verðbólgunni en allt of
oft hefur það mistekist vegna samstöðuleysis og
sundum úrræðaleysis.
Með síðustu kjarasamningum skapaðist grund-
völlur til að hemja verðbólguna. Samhliða hefur
afurðaverð farið hækkandi og afkoma atvinnuveg-
anna því batnað verulega. Verðbólga var fyrir ári
síðan rúmlega 30% en er nú í upphafi júní tæplega
8% ef miðað er við verðhækkanir síðustu þriggja
mánaða. Nafnvextir hafa lækkað samfara minnkandi
verðbólgu. Kjarasamningarnir voru í reynd ekki
samningar um launahækkanir. Þeir fela í sér tilraun
til að ná efnahagslífinu út úr verðbólguhringiðunni
og skapa þannig forsendur fyrir eðlilegu starfsum-
hverfi. Þar var samið um lækkun verðbólgu, efna-
hagslegan stöðugleika, styrkingu kaupmáttar og
ýmis önnur efnahagsleg markmið.
Það er enginn vafi á því að við getum ráðið við
verðbólguna, en það er ekki nóg að semja um að svo
skuli verða. í hvert sinn sem líkur eru á að atburð-
arás fari af stað sem leiðir til hækkandi verðbólgu
verður að grípa inn í. Launahækkanir mega ekki
vera meiri en gert var ráð fyrir. Verðhækkanir mega
ekki fara umfram þau markmið sem sett voru og síð-
ast en ekki síst verður að gæta mikils aðhalds í ríkis-
fjármálum þannig að hallarekstur ríkissjóðs leiði
ekki til vaxandi verðbólgu.
Allar slíkar aðgerðir eru umdeilanlegar og koma
við marga þjóðfélagsþegna. Þrátt fyrir allt er aðalatr-
iðið að hafa heildaryfirsýn og hvika ekki frá því
mikilvæga markmiðið að verðbólga á íslandi verði
alls ekki meiri en gengur og gerist í okkar nágranna-
löndum. Ef vikið verður frá því markmiði munu lífs-
kjör versna á ný og íslenskar vörur verða undir í
samkeppninni við erlendar vörur.
Það er til svo mikils að vinna að engin ríkisstjórn
getur leyft sér að víkjast undan þeim óþægindum sem
kunna að verða í þessari baráttu fyrst í stað. í því
felst meðal annars að tryggja verður samræmi í laun-
abreytingum innanlands. Við getum ráðið við verð-
bólguna ef við erum tilbúin til að leggja það á okkur
sem til þarf.
H.Á.
Hallormsstaðaskóli:
Opin ráðstefna á vegum
Hermeshópsins og Nordnet 2000
Hótel Edda - Hallormsstaðaskóla laugardaginn 23.06.
Hermeshópurinn er hópur
skólamanna sem starfa í grunn-
skólum, við ráðgjafaþjónustu og á
vegum Kcnnaraháskólans.
Markmið okkar er:
1. Að finna leiðir til að íhuga
saman atriði sem bæta skóla-
starf og skilyrði nemcnda til að
læra.
2. Að tengja kennara, skólaráð-
gjafa og starfsfólk kennara-
menntunarstofnana sem áhuga
hafa á að skiptast á reynslu og
skoðunum á Austurlandi, á öllu
íslandi, á öllum Norðurlöndum
og víðar.
Hermeshópurinn hóf starf sitt
haustið 1989. Fundarstaðurinn er
ofast í Hermes, húsnæði Fræðslu-
skrifstofu Austurlands á Reyðar-
firði. Hermeshópurinn er upptek-
inn af að íhuga markmið skólans
og leiðir til að útfæra markmið í
daglegu skólastarfi. Eftirtalin þýð-
ingarmikil hugtök eru til umræðu:
- Samfélag fyrir alla.
- Sjálfstæður skóli, í sjálfstæðri
sveit.
- SKÓLI FYRIR ALLA.
- Kennsla við hæfi.
- Að nota tölvutækni í þágu
kennslu við hæfi.
Hermeshópurinn er íslandsdeild
í NORDNET 2000, sem er tengsla-
net milli skólamanna á öllum
Norðurlöndum. Við viljum styrkja
sameiginlega menningu Norður-
landa eins og hún kemur fram í
viðleitni okkar til að þróa skóla,
sem býður öllum börnum og ung-
lingum upp á góð námskjör við
hæfi í félagsskap jafnaldra í heima-
byggð.
Nordnet 2000 og Hermeshópur-
inn vilja þróa tengslanet milli
skólamanna. Það gerum við með
því að halda fundi og ráðstefnur,
tryggja samskipti með bréfum,
símtölum, póstfax og tölvuteng-
ingu.
Markmiðið með ritlingi Hermes-
hópsins er að skrá upplýsingar,
íhuganir og spurningar sem fram
koma í umræðum um skólamál.
í ritstjórn sitja: Þóroddur
Helgason, Steinunn Lilja Aðal-
steinsdóttir, Sigfús Grétarsson,
Guðrún Jónsdóttir og Berit
Johnsen.
Framsögur og umræður:
10:00 Nordnet og Európabandalagið. Ole Hansen, forstöðumaður ráð-
gjafar- og sálfræðiþjónustu, Danmörk.
10:30 Skólinn fyrir alla — hvaða skóli og fyrir hverja? Berit Johnsen,
starfsmaður KHÍ, ísland.
Skólinn fyrir alla: Markmið og viðhorf. Ole Hansen.
Hæfni í skólanum fyriralla. Fridtjof Lande, Kennaraháskólanum
í Þrándheimi, Noregi.
13:00 Hádegisverður.
14:00 Hvenær getur ný tækni komið að gagni í kennslu? Kim Foss
Hansen, Hin danska uppeldisdeild, Elisabeth Jakobsen, fors-
töðumaður ráðgjafar- og sálfræðiþjónustu, Danmörk.
Er hlutverk kennarans að breytast? Jan Hedvall, „Skólaþróun á
Norðurlöndunum“, Svíþjóð, Ann-Mari Paulinow, skólastjóri,
Finnland.
16:00 Kaffi.
Allir sem áhuga hafa á skólamálum eru velkomnir að hlýða á framsög-
urnar og taka þátt í umræðu.
Hverjir bera ábyrgð á
fjárflutningum?
Eins og kunnugt er voru á milli
50 og 60 kindur fluttar frá Skriðu-
klaustri í vor að Freyshólum á
Norður-Völlum. Mér leikur hugur
á að vita hvaða rök eða nauðsyn
var á þeim flutningum.
Ég vil taka það fram að ég er
ekki andvígur því að varðveittur
sé sá góði árangur sem varð af
ræktun fínnar og hreinhvítrar ullar
á Skriðuklaustri. Hinsvegar skil ég
ekki hvers vegna féð var flutt frá
Skriðuklaustri. Þar hélt ég að öll
aðstaða væri mjög góð til að
geyma þennan fjárstofn og varð-
veita þau ullargæði sem hann
hafði. Þar eru stór tún og mikið
landrými á láglendi eftir því sem
ég best veit. Þar er mjög snjólétt
og ætti því að vera góð aðstaða að
girða og viðhalda rammgerðum
girðingum fyrir þennan fénað, svo
tryggt mætti vera að einangra
hann. Ég undrast þá ráðstöfun að
flytja þessar kindur austur fyrir
Lagarfljót, á svæði þar sem búið
var að skera niður vegna riðuveiki
og bændur þar byrjaðir og í þann
veginn að kaupa nýjan fjárstofn.
Mig langar að fá það upplýst
hverjir réðu þessu og hvers vegna
stjórn Búnaðarsambands Austur-
lands kom ekki í veg fyrir þessa
fjárflutninga. Ég vona að ég fái
greinargóð svör við þessari fyrir-
spurn og hverjir báru ábyrgð á þess-
ari ráðstöfun. Sérstaklega hvaða
nauðsyn bar til að flytja þessar
kindur austur yfir Lagarfljót, sem
er án efa önnur traustasta varnar-
lína á Austurlandi hvað samgang
sauðfjár snertir.
Með fyrirfram þökk fyrir grein-
argóð svör.
Gilsá 11.6.1990
Sigurður Lárusson
Sendir nærri 80
tonn af fatnaði
á hverju ári
Á hverju ári berst mikið af fatn-
aði til Rauða kross íslands. Fötin
eru send til Rauða kross Dan-
merkur sem sér um flokkun og
pökkun og geymslu þar til neyð-
arkall berst. Þá sendir DRK fötin
á áfangastað samkvæmt ákvörð-
unum RKÍ. Tekið hefur verið á
móti fötum í aðalstöðvum Rauða
krossins við Rauðarárstíg en á
næstunni mun Reykjavíkurdeildin
taka við þessu verkefni þegar
deildin hefur komið sér fyrir í
nýjum húsakynnum við Fákafen.
Rauði krossinn hefur sent út
milli 70 og 80 tonn af fötum á ári.
Nýlega voru t.d. 18 tonn send til
Túnis. Þrír fulltrúar Rauða kross-
ins heimsóttu fyrir nokkru stöðvar
Rauða krossins í Danmörku þar
sem flokkun og pökkun fata fer
fram. Var tilgangurinn að kynnast
því hvernig frágangi fatasendinga
frá íslandi væri best háttað. Skipa-
deild SÍS flytur föt í gámum frá Is-
landi, Rauða krossinum að kostn-
aðarlausu. Er þeim skipað upp í
Árósum og þaðan eru þau send til
Suður Jótlands þar sem flokkunin
fer fram.
Tekið er við hvers kyns hreinum
og heilum flíkum til að nota hvort
heldur er á heitum landssvæðum
eða köldum. Fylgi saumuð belti
kjólum eða pilsum er best að þau
séu fest við flíkurnar og það sama
á við ef pils og blússa eiga saman.
Ekki er unnt að taka við skóm eða
skinn- og gæruflíkum.
Úr fréttablaði Rauða kross íslands
17 Edduhótel
opna á næstu
dögum
í sumar verða starfrækt 17
Edduhótel víðs vegar um landið,
sem opna hvert af öðru næstu
daga.
Hótelin verða rekin með svip-
uðu sniði og áður, bjóða gistingu í
uppbúnum herbergjum eða svefn-
pokapláss og veitingaþjónustu
allan daginn.
Nú í sumar verður í fyrsta sinn
starfrækt Edduhótel að Reykja-
nesi við ísafjarðardjúp. Mun það
auðvelda fólki að ferðast um Vest-
firði í sumar. Býðst ferðafólki nú
gisting á þrem stöðum á Vest-
fjörðum á sérstökum vildarkjör-
um.
Sem fyrr bjóða Edduhótelin
sértilboð á gistingu í júní og ágúst.
Býðst þá gisting með verulegum
afslætti ef keyptar eru fjórar gisti-
nætur eða fleiri samtímis.
Einnig leggja Edduhótelin sér-
staka áherslu á hagstæð kjör fyrir
fjölskyldur með börn.
Allar nánari upplýsingar um
þessi sértilboð svo og pantanir eru
veittar á Ferðaskrifstofu íslands.
Fréttatilkynning.
Meðfylgjandi mynd er fró vorfundi
hótelstjóra Edduhótelanna.