Austri - 30.03.2000, Qupperneq 3

Egilsstöðum, 30. mars 2000
AUSTRI
3
Amerísk fegurð
í sjónvarpinu þessa dagana eru miklar glans-
myndasýningar á borð við fegurðarsamkeppni ís-
lands punktur is, eins og hún heitir og afhendingu
Óskarsverðlaunanna sem er mikil uppákoma í
kvikmyndaheiminum.
Ég sá reyndar hvoruga þessa dagskrá, en
heyrði hins vegar fréttir af því að myndin “Amer-
ican Beauty” hefði fengið verðlaunin í ár.
Nú eru þeir tímar liðnir að það þurfi að bíða
eftir að sjá nýjar myndir hér á landi, því kvik-
myndahúsin bjóða upp á glænýjar myndir, og
þannig stendur á með þessa tilteknu mynd að hún
hefur verið sýnd vikum saman í kvikmyndahús-
um í Reykjavík, og sýning hennar er kominn í lít-
inn hliðarsal í Háskólabíó og þar sá ég hana fyrir
tveimur vikum.
Streðað við að sýnast
Þetta var hin athyglisverðasta mynd, enda eru
margar þær kvikmyndir sem fá Óskarsverlaunin
mjög góðar og athyglisverðar að mér finnst, en
auðvitað ræður persónulegur smekkur þessu. Ég
fer sjaldan í bíó, en hef aldrei lagt það niður enda
er það hin besta skemmtun.
American Beauty segir frá lífinu í úthverfi
New York og fólkinu sem þar býr. Þar er fátt af
venjulegu fólki. Allir streða við að sýnast. Frúin á
heimilinu er í sjálfstyrkingu, húsbóndinn er á
miðjum aldri, illa haldinn af gráa fiðringnum og
rembist kófsveittur með lóðin til þess að halda
æsku sinni lengur og ganga í augun á ungpíu sem
er jafnaldri dóttur hans. Sú hælir sér að reynslu
sinni í kynferðismálum, en hefur enga reynslu
þegar til stykkisins kemur. I næsta húsi býr ungur
maður með undirokaðri móður sinni og föður sem
hefur verið í herþjónustu og lifir á þeirri frægð.
Drengurinn er kurteis og prúður á yfirborðinu, en
njósnar um náungann og selur dóp. Þannig er lífið
undir yfirborðinu í hinu glæsta úthverfi og ekkert
eins og það sýnist.
Gerist þetta hér?
Myndin vekur mann til umhugsunar og það er
einmitt einkenni góðra mynda og góðra leikhús-
verka að láta áhorfandan ekki ósnortinn. Sú
hugsun leitar á mann hvort sú mynd sem dregin
er upp passar ekki óhugnanlega vel við nútím-
ann jafnvel í hinu litla dvergsamfélagi á Islandi.
Sýndarmennskan er ekki óþekkt fyrirbrigði hér á
landi, né aðgangurinn í hinum venjulega manni
að sýnast öðruvísi heldur en hann er í raun og
veru. Kapphlaupið um lífsgæðin og að tolla í
tískunni og hafa lífsstíl sem passar hefur farið
illa með margan manninn.
Fjölmiðlafíknin er kapítuli út af fyrir sig. Nú
er komin upp í þjóðfélaginu hópur fólks sem er
ekki í rónni, nema það sé reglulega á forsíðum
blaðanna. Það segir frá því í séð og heyrt þegar
það verður ástfangið “fyrir lífstíð”, og það segir
líka frá því þegar slitnar upp úr sambandinu sem
átti að endast meðan báðir aðilar lifðu. Allt þetta
er hluti af sýndarmennskunni sem var sýnd með
svo eftirminnilegum hætti í hinni verðlaunuðu
mynd.
Allt um móður mína
Það vildi svo til að fyrir nokkrum mánuðum sá
ég einnig myndina sem fékk verðlaun sem besta
erlenda myndin, en það er spænska myndin “Allt
um móður mína”. Sú mynd gerist í gjörólíku um-
hverfi á Spáni, góð og eftirminnileg mynd, en ég
ætla ekki að rekja efni hennar hér.
Kvikmyndin er einn öflugasti miðill samtímans
og það kennir svo sannarlega margra grasa í þeirri
framleiðslu. Kvikmyndin er iðnaðarvara, en það
er gott til þess að vita að vandaðar myndir með
boðskap og innihald fái náð fyrir augum þeirra
sem úthluta Óskarsverðlaununum.
Jón Kristjánsson
Framkvæmdir við snjóflóðavarnargarða ofan byggðar í Neskaupstað
eru nú hafnar á ný eftir að samkomulag náðist milli verkkaupa og verktaka.
Aætlað er að verktakinn verði búinn með sitt verk næsta haust.
í dag, 30. mars verður Hafnarsamlag Austur-Héraðs og Fella (HAF)
stofnað. Tilgangur HAF er að annast gerð og rekstur hafnarmannvirkja við
Lagarfljót.
Þjóðhagsstofnun telur að landsframleiðsla aukist um 4% á árinu og að
framboð á atvinnu verði enn meira en á síðasta ári. A móti kemur að verð-
bólguspá hefur versnað verulega. Þjóðhagsstofnun gerir ráð fyrir að verð-
bólgan nemi 5,3% milli áranna 1999 og 2000. Þá er reiknað með að við-
skiptahallinn aukist einnig.
Lýsistankarnir, sem ráku út Seyðisfjörð í óveðrinu mikla fyrr í mánuð-
inum, eru ekki enn komnir í leitimar. Bæjaryfirvöld á Seyðisfirði hafa lagt
fram þá kröfu, að tryggingarfélög láti leita að tönkunum.
f sl viku lagði bóndi á Norður-Héraði fram stjómsýslukæm til félags-
málaráðuneytisins vegna ákvörðunar sveitastjómarinnar að hafna beiðni
hans um greiðslu fyrir skólaakstur bama sinna. A sínum tíma fékk annar
bóndi þar í sveit, sem er sonur oddvitans, greitt fyrir að aka bömum sínum til
og frá skóla. Kæran byggist á því að með þessu sé verið að mismuna íbúum
sveitarfélagsins. Það er Gísli M. Auðbergsson, lögfræðingur, sem sækir mál-
ið fyrir hönd bóndans.
Nýverið hófust veiðar á kolmunna við írland. Ekki byijaði Kolmuna-
vertíðin vel, því brælu gerði á kolmunnamiðunum. Hólmaborg SU 80 kom
til landsins í sl. viku með 1700 tonn af kolmunna og landaði á Fáskrúðsfirði.
Fleiri skip halda þessa dagana til kolmunnaveiða, þar sem stór hluti skipa-
flotans er verkefnalaus nú þegar loðnuvertíðinni er að ljúka.
Af stóriðju- og virkj anamálum
Málstofa Líffræðifélagsins var
haldin í sl. viku. Þar kom fram í
máli Ragnheiðar Ólafsdóttur, um-
hverfisstjóra Landsvirkjunar, að
ferlið sem fylgt er við mat á um-
hverfisáhrifum væri í grundvallar-
atriðum frábrugðið því ferli sem
farið er eftir við umhverfismat í
öðrum löndum. Ragnheiður, sem
starfaði um árabil í Svíþjóð á
sviði umhverfismála, sagði að í
Svíþjóð væru lög um mat á um-
hverfisáhrifum einskonar verkfæri
til þess að meta á kerfisbundinn
hátt hvaða áhrif framkvæmdir
hefðu á umhverfið. Þá benti
Ragnheiður einnig á að í matsferl-
inu í;
vinnan við mat á umhverfisáhrif-
um væri ákveðin aðferðafræði og
niðurstöður matsins væru einn af
þeim þáttum sem Ieyfisveitandi
þyrfti að taka tillit til þegar hann
tæki ákvörðun um hvort veita ætti
framkvæmdaleyfi.
Áfram hélt Ragnheiður að tala
um matsferli umhverfisáhrifa.
„Þegar núgildandi íslensk lög eru
skoðuð, kemur það í Ijós <
miðað við hina alþjóðlegu hug- Á Sama fundi fjallaði Ingimar
myndafræði á bakvið mat á um- Sigurðsson, skrifstofustjóri í Um-
hverfísáhrifum, vantar marga hverfisráðuneytinu, um endur-
grundvallarðætti inn í íslenska skoðun laga um mat á umhverfis-
löggjöf. Markmið íslensku lag- áhrifum og kynnti þær breytingar
anna er að tryggja að áður en tek- sem felast í nyju frumvarpi um-
beinum og óbeinum áhrifum sem
framkvæmdin getur haft á um-
hverfið, heldur að skrifa mats-
skýrslu.“ sagði Ragnheiður á
fundinum.
Að lokum sagði Ragnheiður að
finna þyrfti leiðir til að bæta
matsferli umhverfisáhrifa sem
stafa af framkvæmdum. Tóku
nokkrir fundarmenn í sama
streng.
rjoð væri ekki hægt að
kæra urskurð um
isáhrifum enda væri ekki
neinn slíkan úrskurð að r;
hrifum. Það er sem sé ekki
markmið laganna að skýra frá samningnum.
Eldhús- og baðinnréttingar
Útihurðir o.fl.
Tresmiðja
Guðna J. Þórarinssonar
Másseli, sími 471-1093
Austfirskar fréttir á netinu v/ww.frettavefurinn.is
Stjórn Sambands Sveitarfélaga í Austurlandskjördæmi samþykkti á dög-
unum að sjúkraflugvél sem þjóni Austfirðingum verði staðsett á Akureyrar-
flugvelli ásamt áhöfn.
Sigurður Þórarinn Sigurðsson, 17 ára gamall Stöðfirðingur mátti teljast
heppinn að sleppa nær ómeiddur eftir að bíll hans rann niður Staðarskriður í
Reyðarfirði í sl. viku. Bíll hans hafnaði í íjörunni, sem er 60 metrum neðan
við veginn, og eyðilagðist.
Flugfélag íslands tilkynnti samgönguráðherra fyrirætlanir sínar um að
hætta að óbreyttu áætlunarflugi til og frá Vopnafirði. Félagið hefur flogið
sex daga vikunnar til Vopnafjarðar undanfarin ár.
Sagt er frá því á Fréttavefnum að nú þegar samkeppni í flugi til og frá
Austurlandi er lokið að sinni, vonist margir Austfirðingar til að hið
nýstofnaða flugfélag á Egilsstöðum, Flugfélagið Jökull, hefji áætlunarflug
milli Egilsstaða og Reykjavrkur. Þannig verði hægt að tryggja með aukinni
samkeppni að flugfargjöld hækki ekki.
Atvinnuleysi er nú 1,6% af áætluðum mannafla á Austurlandi, að því
er fram kemur á vef Þróunarstofu íslands. Meðalfjöldi atvinnulausra á
Austurlandi er 103 og hefur þeim fækkað um 40 að meðaltali frá þ />' í
febrúar. Þá hefur atvinnuleysi á Austurlandi minnkað um 0,6% síðan i si.
janúarmánuði og minnkað um 14,4% miðað við sama árstíma árið 1999.
Endanleg ákvörðun um ráðningu upplýsinga- og kynningafulltrúa í
Fjarðabyggð verður tekin á næsta bæjarstjómarfundi 6. apríl nk. Ráðgjafa-
hópur um kynningarmál samþykkti nú fyrir skömmu að mæla með Jóni
Bimi Hákonarsyni frá Neskaupstað í starfið.