Fréttablaðið - 09.12.2020, Blaðsíða 52

JÚLÍANNA SÉR
MIKIÐ UM AÐ
BEYGJA OG
MÓTA SILFRIÐ
OG ÉG SÉ UM
AÐ KVEIKJA
OG PÓLERA OG
ALLT ÞAÐ SEM
ER TÆKNI-
LEGA FLÓKIÐ.
Ester
EINHVERN VEGINN
VARÐ ÞAÐ SVO AÐ VIÐ
VORUM KOMNAR AFTUR SAMAN
FJÓRUM DÖGUM SEINNA OG
BYRJAÐAR Á HUGMYNDAVINNU
FYRIR KLIÐ.
Júlíanna
Þótt samstarf Júlíönnu Haf berg og Esterar Auðu nsdót t u r ha f i ekki staðið yfir í langan tíma, þá er það strax orðið einstaklega gjöf­
ult. Stöllurnar gáfu út línu af skart­
gripum sem hefur fengið nafnið
Kliður, eftir ljóði sem Júlíanna
samdi. Það er magnað að hugsa til
þess að þær hafi í raun bara kynnst
í september á þessu ári og strax
komnar með fallega línu af skart­
gripum núna fyrir jól.
„Ég sendi Esteri skilaboð á Insta­
gram í byrjun september og bauð
henni í kaffi, til að spjalla um skart­
gripi. Ég vissi aðeins hver hún var og
að hún hefði nýverið útskrifast sem
gullsmiður, en ég hafði í nokkur ár
verið að gera eyrnalokkana Tears
in my Ears og hafði lengi langað
til að gera „alvöru“ skartgripi úr
silfri og gulli. Í rauninni var ég ekki
með neitt plan um samstarf, heldur
langaði mig bara að hitta hana og
spjalla um skartgripi og bransann.
En einhvern veginn varð það svo
að við vorum komnar aftur saman
fjórum dögum seinna og byrjaðar
á hugmyndavinnu fyrir Klið. Síðan
þá höfum við unnið að þessu öllum
lausum stundum sem við höfum
haft,“ segir Júlíanna.
Ester tekur undir það að ferlið
hafi gengið mjög fljótt fyrir sig.
„Við höfðum í byrjun talað um að
gera kannski 2­3 hluti saman fyrir
jólin og sjá hvernig þetta gengi hjá
okkur. En svo tók hönnunarferlið
okkur mjög langa leið og við átt­
uðum okkur einn daginn á því að
við værum komnar með heila línu.
Það eru meira að segja margir hlutir
og hugmyndir sem við tókum út,
og því erum við með smá lager af
útfærslum og hugmyndum sem við
erum spenntar að vinna áfram með
á nýju ári,“ segir Ester.
Ólíkir styrkleikar
Þær eru sammála um að samstarfið
hafi gengið einstaklega vel fyrir sig.
Þær séu líkar hvað varðar smekk og
stíl, sem vissulega hjálpi. Þær segjast
þó vera með rosalega mismunandi
styrkleika og það sé þeim mögulega
til framdráttar.
„Ég er menntaður gullsmiður og
hef því þessa tæknilegu þekkingu á
smíðum, útfærslum og málmum. Ég
hef líka starfað í ýmsum skartgripa­
verslunum og hef góðan skilning á
því ferli sem á sér stað þar, og þekki
aðeins inn á kúnnana og hegðun
þeirra þegar kemur að því að kaupa
skartgripi,“ segir Ester.
„Ég er með BA­gráðu í hönnun úr
Listaháskólanum og útskrifaðist
nýverið úr skapandi leiðtoga­ og
verkefnastjórnunarskólanum Kaos­
pilot í Danmörku. Þar að auki er ég
myndlistarkona og algjör þúsund­
þjalasmiður. Mínir styrkleikar
komu því sterkt fram í hugmynda­
og hönnunarferlinu sem og við allt
það sem snertir verkefnastjórnun,
og viðskipta­ og markaðssetningu.
Það myndaðist því á milli okkar
algjört traust fyrir því sem við
vitum að hin er góð í og þann­
ig náum við til dæmis að skipta á
milli okkar verkefnum fullkomlega
og stíga inn á mismunandi stöðum
með þekkingu og færni,“ segir Júlí­
anna.
Hafa ólíka
styrkleika
Það er ótrúlegt að hugsa til þess að þær
Júlíanna og Ester hafi kynnst fyrir þremur
mánuðum og séu nú komnar með heila
skartgripalínu fyrir jólin. Hún heitir Kliður,
eftir ljóði sem Júlíanna samdi í sumar.
Ester og Júlíanna hafa unnið að gerð línunnar allar lausar stundir í haust. FRÉTTABLAÐIÐ/SIGTRYGGUR ARI
Mæðgurnar Þóra og Sunna sitja meðal annars fyrir. MYND/SAGA SIG
Hægt er að
skoða línuna
nánar á klidur.
com.
MYND/SAGA SIG
„Við smíðum alla skartgripina
alfarið sjálfar úr sterlingssilfri.
Júlíanna sér mikið um að beygja og
móta silfrið og ég sé um að kveikja
og pólera og allt það sem er tækni­
lega f lókið,“ bætir Ester við.
Stjörnuteymi í tökum
Nafn línunnar, Kliður, er úr ljóði
sem Júlíanna samdi nú í sumar.
„Innri kliður, líður upp og niður.
Þessi setning er rosalega lýsandi
fyrir það sem skartgripirnir standa
fyrir. Línurnar koma síðan mikið
til frá myndlistinni minni, en ég
hef verið að teikna þessar f læðandi
línur í mjög mörgu sem ég hef gert,
bæði myndum og teikningum og
ljóðum. Ég hef lengi verið að skrifa
ljóð og teikna og er núna einnig að
mála stór olíumálverk. Viðfangsefni
mín eru alltaf í grunninn þessi auð­
mýkt og berskjöldun, tilfinningar
og líðan, og er Kliður engin undan­
tekning frá því,“ segir Júlíanna.
Myndirnar sem fylgja línunni
hafa vakið mikla athygli, enda
fengu þær einvalalið með sér í verk­
efnið.
„Við fengum til liðs við okkur
algjört stjörnuteymi til að gera
myndatöku fyrir línuna, en Saga
Sig tók allar myndir og svo sá Ísak
Helgason um förðunina. Álfheiður
Marta Kjartansdóttir leikstjóri tók
síðan upp myndefni í tökunni sem
er ótrúlega fallegt og svo fengum
við Áslaugu Magnúsdóttur til
þess að semja yfir myndefnið tón­
list. Myndefnið er enn í vinnslu og
erum við spenntar að sýna frá því,“
útskýrir Ester.
„Við höfðum ákveðnar hug­
myndir um það hvernig við vildum
hafa tökuna. Okkur langaði að hafa
mörg módel saman á myndunum.
En þar sem þriðja bylgja hafði skoll­
ið á þá þurftum við að finna leiðir
til þess að gera það. Því ákváðum
við að hafa samband við fólk sem
við vissum að væri nú þegar að
umgangast hvert annað náið.
Fengum við því bestu vinkonurnar
Elínu og Vigdísi til að koma saman,
mæðgurnar Þóru og Sunnu, og
parið Camilo og Eydísi. Komu þau
öll í hollum, ásamt Chanel Björk
sem var stök,“ segir Júlíanna.
„Þetta var einstaklega fallegur
dagur og falleg myndataka. Orkan
var svo góð á milli allra og það var
gaman að fylgjast með hvað þetta
var skemmtileg upplifun fyrir
pörin að koma og gera eitthvað
svona saman,“ bætir Ester við.
Ýmis flækjustig
Fyrst um sinn var ákveðinn spenn­
ingur fyrir að halda skemmtilegt
opnunarpartí eða setja upp „pop­
up“ verslun í miðbænum yfir hátíð­
irnar.
„En útlitið var bara ekkert rosa­
lega gott og ástandið var ekkert að
batna. Þannig að við ákváðum bara
að einbeita okkur að því að gera fal­
legt myndefni og heimasíðu. Við
hlökkum svo bara til þess að geta
gert skemmtilegan viðburð á næsta
ári þar sem við erum meðal annars
með hugmyndir og plön um list­
ræna sýningu á skartgripalínunni
okkar,“ segir Ester.
Júlíanna tekur undir það. „Ein­
hvern veginn hafa þessir f lóknu
tímar verið góður jarðvegur fyrir
svona verkefni. Það gafst miklu
meiri tími og einbeiting, því það
var jú svo lítið annað í gangi. Ég
var nánast f lutt inn til Esterar og
kærasta hennar, Hjálmars, þarna á
tímabili því við unnum svo mikið
saman og er Ester með verkstæði
heima hjá sér þar sem við smíðum
alla skartgripina. Auðvitað eru
ýmis f lækjustig, en það eru kostir
og gallar við þennan tíma sem hafa
mótað verkefnið að því sem það er,“
segir hún að lokum.
Hægt er að skoða línuna nánar á
vefsíðunni klidur.com.
stiengerdur@frettabladid.is
9 . D E S E M B E R 2 0 2 0 M I Ð V I K U D A G U R24 L Í F I Ð ∙ F R É T T A B L A Ð I Ð
LÍFIÐ