Feykir - 02.10.2019, Blaðsíða 2

Íbúar bæjarins hafa flestir orðið varir við
verkefnið okkar ,,Heilsudagar á Blönduósi“ sem
stóðu yfir frá 23.-28. september. Markmiðið
með þessum flottu dögum var einfalt. Að
hvetja fólk til að huga vel að heilsunni og hreyfa
sig markvisst sem tókst ágætlega og ná til allra
aldurshópa í samfélaginu og stuðla þannig að
góðri heilsu, vellíðan og auknum lífsgæðum.
Aðstaðan sem við höfum á Blönduósi og í
nágrenni bæjarins er eins og best verður á kosið
til að stunda fjölbreytta hreyfingu, bæta heilsuna
eða viðhalda góðri heilsu. Við eigum frábæra
aðstöðu til íþróttaiðkunar og höfum fjölbreytt
íþróttastarf fyrir alla aldurshópa. Hér á staðnum
er einnig gott sjúkrahús og starfsfólk sem skiptir
okkur bæjarbúa miklu máli. Umhverfið er
einstakt, ótal útivistarmöguleikar, stutt í fallegar
göngu- og hjólaleiðir svo eitthvað sé nefnt. Við
fundum fyrir mikilli jákvæðni bæjarbúa á
þessum dögum og ferðamenn sem komu til
okkar voru einnig mjög ánægðir með að vera
boðið í sund og fá ferska ávexti í heita pottinn.
Einstaklingar, fyrirtæki og íþróttafélög lögðu öll
sitt af mörkum og allir tilbúnir að taka þátt. Þetta
er í þriðja sinn sem Heilsudagar eru haldnir á
Blönduósi og hefur þátttaka ykkar og viðtökur
farið fram úr björtustu vonum. Það er von okkar
að þessir dagar séu komnir til að vera og verði hér
eftir viðburður sem eigi síðan eftir að stækka og
dafna.
Að lokum viljum við nota tækifærið og þakka
öllum þeim sem komið hafa að þessum dögum,
einstaklingum, fyrirtækjum, félagasamtökum og
stuðningsaðilum. Án ykkar hefði þetta ekki verið
hægt. Verum stolt af bænum okkar og fólkinu
okkar. Tölum bæinn okkar upp og höfum já-
kvæðni að leiðarljósi. Blönduós er heilsueflandi
bær og með áframhaldandi vinnu getum við gert
margt saman og gert bæinn okkar enn betri á
margan hátt. Gerum gott bæjarfélag enn betra.
/Heilsuhópurinn: Erla, Róbert og Steinunn.
Nú er búið að rugla mig algjörlega í ríminu. Og ég sem
hélt ég væri nokkuð skýr í hugsun og var bara nokkuð
örugg með mig þar til ég fylgdist með kvöldfréttum
sjónvarps á sunnudagskvöldið. Og ekki batnaði það
þegar ég hlustaði á morgunútvarp Rásar tvö á mánu-
dagsmorgun.

Hingað til hef ég ekki átt í
neinum sérstökum vanda
með að flokka rusl. Mér hefur
meira að segja þótt það frekar
einfalt mál, allavega þegar ég
er heima hjá mér. Ég verð
reyndar að viðurkenna að
flokkunarfræðin getur vafist
svolítið fyrir mér þegar ég
dvel í öðrum flokkunarhér-
uðum. En annars hefur þetta
gengið svo til þrautalaust fyrir
sig og ég hef lagt mig alla fram við að flokka eins og best ég
get. Samt get ég aldrei skilið af hverju flokkunarstöðvarnar
geta ekki haft sömu reglur, það gerði lífið svo mikið
auðveldara fyrir marga.
En hvað gerist svo? Allt í einu er plast ekki lengur plast og
þó að plastið sér kannski plast á ekki að meðhöndla það
eins og annað plast. Í hinu svo til stéttlausa samfélagi
plastíláta er nú allt í einu komin einhver forréttindastétt
sem þarf að fá sérstaka meðhöndlun. Í sjónvarpsfréttum á
sunnudagskvöld var fjallað um tómatadollur sem eru úr
plasti en eiga að fara í ruslið, eða svo sagði sérfræðingurinn
hjá Sorpu sem rætt var við. Þegar ég les svo utan á
umbúðirnar stendur þar að þær eigi að flokkast með
lífrænum úrgangi. Morguninn eftir heyri ég svo í útvarpinu
að það sé ekki rétt, plastið eigi að fara í óflokkaða ruslið. Af
þessu öllu dreg ég bara þann einfalda lærdóm að það sé
ekki gáfulegt að vera að borða tómata.
Og svo eru það blönduðu umbúðirnar með áláferðinni
innan á sem Ómar í Flokku segir að eigi bara að fara í
ruslið, nú eru þær allt í einu orðnar plast. Allt frá því
Flokka hóf starfsemi sína hef ég notast við þetta einfalda
ráð: ef maður krumpar umbúðirnar og þær spretta í
sundur aftur eru þær ekki úr áli og eiga að fara í almennt
sorp. Nei, nei, sérfræðingurinn í sjónvarpsfréttunum segir
að þær eigi að flokkast sem plast.
Er nema von að maður viti ekki í hvorn fótinn maður á að
stíga?
Fríða Eyjólfsdóttir,
blaðamaður
LEIÐARI
Rugl í ruslinu
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Auglýsingastjóri:
Sigríður Garðarsdóttir, nyprent@nyprent.is
Áskriftarverð: 555 kr. hvert tölublað með vsk. Lausasöluverð: 685 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Blönduós
Heilsueflandi bær
Gönguæfing á Heilsudögum með Vilborgu Örnu Gissurardóttur.
MYND: RÓBERT DANÍEL
Í vikunni sem leið var tæpum 170 tonnum
landað á Skagaströnd og var Steinunn SF 10
aflahæst með tæp 53 tonn.
Á Sauðárkróki var Drangeyjan aflahæst
með rúm 206 tonn en þangað bárust tæplega
657 tonn. Á Hofsósi lönduðu tveir bátar
tæpum ellefu tonnum og var það dragnóta-
báturinn Njáll frá Ólafsfirði sem átti uppi-
stöðuna í þeim afla eða slétt tíu tonn.
Heildarafli vikunnar á Norðurlandi vestra
var 836.848 kíló. /FE
Aflatölur 22. – 28. sept. 2019 á Norðurlandi vestra
Drangey með 206 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SAUÐÁRKRÓKUR
Drangey SK 2 Botnvarpa 206.108
Fjölnir GK 157 Lína 77.416
Gammur SK 12 Þorskfiskinet 1.309
Guðrún GK 47 Lína 28.249
Hafborg SK 54 Þorskfiskinet 7.543
Kristinn SH 812 Landbeitt lína 55.196
Kristín GK 457 Lína 69.085
Maró SK 33 Handfæri 1.494
Málmey SK 2 Botnvarpa 167.802
Már SK 90 Handfæri 3.397
Onni HU 36 Dragnót 23.714
Steini G SK 14 Handfæri 2.814
Sævík GK 757 Lína 11.131
Vinur SK 22 Handfæri 1.507
Alls á Sauðárkróki 656.765
SKAGASTRÖND
Auður HU 94 Landbeitt lína 1.540
Blíðfari HU 52 Handfæri 3.411
Dóra HU 225 Handfæri 4.989
Dúddi Gísla GK 48 Lína 14.907
Elfa HU 191 Handfæri 3.946
Geirfugl GK 66 Landbeitt lína 10.550
Gunna Beta ST 60 Handfæri 2.001
Hafdís HU 85 Handfæri 2.300
Hafrún HU 12 Dragnót 28.029
Hrund HU 15 Handfæri 2.855
Loftur HU 717 Handfæri 1.579
Ólafur Magnússon HU 54 Þorskfiskinet 1.778
Sara KE 11 Handfæri 3.784
Steinunn SF 10 Botnvarpa 52.910
Straumey HF 200 Lína 10.831
Sæunn HU 30 Handfæri 1.854
Sævík GK 757 Lína 22.003
Alls á Skagaströnd 169.267
HOFSÓS
Ásdís ÓF 250 Handfæri 816
Njáll ÓF 275 Dragnót 10.000
Alls á Hofsósi 10.816
Sveitarfélagið Skagafjörður er reiðubúið til
að endurnýja samning við öll sveitarfélög á
Norðurlandi vestra um samstarf um þjón-
ustu við fatlað fólk á öllu svæðinu eftir
því sem fram kemur í fundargerð sveitar-
stjórnar Svf. Skagafjarðar í síðustu viku.
Áður hafði byggðarráð Svf. Skagafjarðar
ákveðið að draga sig út úr samstarfinu þar sem
ljóst var að Húnaþing hugðist gera það einnig.
„Samstarf þetta hefur verið í gildi sl. 20 ár og
verið farsælt. Ábyrgð sveitarfélaganna í mála-
flokknum er ríkuleg gagnvart fötluðu fólki á
svæðinu sem þarf á þjónustunni að halda,“ segir
í fundargerðinni.
Þar segir einnig að þjónusturáðið leggi
áherslu á að þjónustuþegar á svæðinu finni sem
minnst fyrir þeirri breytingu sem nýtt fyrir-
komulag hafi í för með sér og telji mikilvægt að
unnið verði faglega að úrlausn mála þannig að
yfirfærslan verði þjónustuþegum farsæl.
„Þjónusturáðið leggur til við sveitarstjórnir
viðkomandi sveitarfélaga að skipaður verði starfs-
hópur með fulltrúum allra sveitarfélaga til að
vinna að yfirfærslu verkefna og þjónustu.“ /PF
Málefni fatlaðs fólks á Norðurlandi vestra
Skagafjörður vill öll sveitarfélögin að borðinu
2 37/2019