Feykir - 02.10.2019, Blaðsíða 10

Helga Bjarnadóttir,
skólastjóri á eftirlaunum,
svarar spurningum Bók-
haldsins að þessu sinni.
Helga segist ekki hafa lesið
mikið sem barn, og í raun
ekki fyrr en á seinni árum, en
ljóðabækur sem hún
eignaðist sjö ára gömul hafa
fylgt henni alla tíð.
Hvers konar bækur lestu
helst? Íslenskar æviminning-
ar og frásögur og skagfirskar
ljóðabækur.
Hvaða bækur voru í uppáhaldi
hjá þér þegar þú varst barn?
Þegar ég var sjö ára fékk ég
þrjár vísnabækur, Jólin koma,
Sagan af Gutta og sjö önnur
ljóð og Það er gaman að
syngja. Ég heillaðist af
þessum bókum og þær fylgja
mér enn.
Fyrsta „stóra“ bókin sem
ég las – þá sex ára – hét „Ekki
neitt“. Hún var um hvolp
sem var ósýnilegur. Til þess
að verða sýnilegur þurfti
hann að elta á sér skottið á
hverjum degi og alltaf að
fjölga hringjunum. Smátt og
smátt fór hann að sjást og
varð loks sýnilegur.
Hver er uppáhaldsbókin af
þeim sem þú hefur lesið
gegnum tíðina? Dalalíf Guð-
rúnar frá Lundi er í fyrsta
sæti. Nefni einnig Lífskraftur
- Séra Pétur og Inga í Laufási
eftir Friðrik Erlingsson, Lífs-
ins skák. Minningar Önnu P.
Þórðardóttur, Loftklukkan
eftir Pál Benediktsson og Það
sem dvelur í þögninni eftir
Ástu Kristrúnu Ragnars-
dóttur. Það er besta bók sem
ég hef lesið lengi.
Hver er þinn uppáhaldsrit-
höfundur og hvers vegna?
Guðrún frá Lundi. Sögurnar
hennar eru svo sannar og
ómetanleg heimild um líf
fólks á liðnum tíma. Hún
skrifar líka svo gott mál.
Guðrún bjó á Sauðárkróki frá
1939. Fyrsta hefti af Dalalífi
kom út 1946 og var afar vel
tekið. Svo hélt sagan áfram og
er 4. heftið kom út átti það að
vera sögulok. Það var beðið
eftir hverri bók og spáð í hvað
gerðist næst. Það þekktu
margir Guðrúnu en þegar
( BÓK-HALDIÐ ) frida@feykir.is
Dalalíf ómetanleg heimild
um líf fólks á liðnum tíma
Helga Bjarnadóttir / Varmahlíð Hvað kaupirðu eða eignast að jafnaði margar nýjar bækur
yfir árið og eru ákveðnir
höfundar eða bækur sem þú
færð „alltaf“ í jólagjöf? Þegar
Bókaskráin kemur fyrir jólin
nota ég hana sem bókabúð.
Vel mér bækur og deili þeim
niður á þau sem ætla að gefa
mér bækur. Þær geta orðið
5-6. Engir sérstakir höfundar.
Auk þess bækurnar frá
Sögufélaginu, þær eru góðar.
Byggðasagan er í sérflokki.
Hefur einhver bók sérstakt
gildi fyrir þig? Veturinn sem
ég varð sjö ára var ég lasin í
nokkrar vikur og það var farið
að líða að jólum. Þá fékk ég
bækurnar sem ég nefndi í
annarri spurningunni. Ég tók
ástfóstri við bókina Jólin
koma eftir Jóhannes úr Kötl-
um með teikningum Tryggva
Magnússonar. Sú bók kom
fyrst út 1932 og hefur verið
prentuð 27 sinnum. Þar eru
m.a. vísurnar um jólasvein-
ana, Grýlu og Leppalúða og
jólaköttinn. Ég lifði mig inn í
þennan skáldskap, sem fyrir
mér var enginn skáldskapur,
heldur raunveruleiki sem þó
var ekki lengur til. Mér stóð
stuggur af jólakettinum, var
ekki örugg um að hann væri
úr sögunni. Þessi ljóð, sem
myndirnar glæða svo miklu
lífi, hafa fylgt mér alla tíð.
Hefur þú heimsótt staði sem
tengjast bókum eða rithöf-
undum þegar þú ferðast um
landið eða erlendis?
Ég hef heimsótt Lund í Stíflu,
fæðingarstað Guðrúnar frá
Lundi, Nonnahús og Gljúfra-
stein.
Ef þú ættir að gefa einhverjum
sem þér þykir vænt um bók,
hvaða bók yrði þá fyrir valinu?
Blómarósir í Blönduhlíð. Saga
kvenfélags Akrahrepps í máli
og myndum.
sögulokin komu voru ekki
allir sáttir. Nokkrir lesendur
hennar heimsóttu hana og
sögðu hún þyrfti að bæta við
einu hefti því að Lilja og
Þórður yrðu að ná saman.
Guðrún gerði það og allir
voru sáttir.
Hvaða bækur eru á náttborð-
inu hjá þér þessa dagana? Í
barnsminni eftir Kristmund
Bjarnason og Ef hátt lét í
straumnið Héraðsvatna eftir
Ólínu Jónasdóttur.
Áttu þér uppáhaldsbókabúð?
Það er þá bara Bókaskráin!
Hvað áttu margar bækur í
bókahillunum heima hjá þér?
Það eru um 700 bindi.
www.skagafjordur.is
Aðalskipulag Sveitarfélagsins
Skagafjarðar
Búsetu- og byggðarþróun í
sveitarfélaginu
Hafinn er undirbúningur að endurskoðun aðalskipulags
Sveitarfélagsins Skagafjarðar. Leitað er til sérfræðinga, hagaðila
og almennings til að ræða áherslur og framtíðarsýn fyrir
sveitarfélagið. Því stendur Skipulags- og byggingarnefnd fyrir
opnum fundi 10. október nk. kl. 17:00-19:00 í Húsi frítímans á
Sauðárkróki, Sæmundargötu 7a um helstu áherslur við mótun
aðalskipulagstillögu fyrir Sveitarfélagið Skagafjörð næstu
12 árin a.m.k.
Á fundinum verða framsögur og síðan verða umræður og vinnustofur.
Dagskrá:
17:00 Vinna við endurskoðun aðalskipulags. Einar Einarsson, formaður
skipulags- og byggingarnefndar.
Íbúaþróun og þörf á nýjum íbúðum. Sigfús Ingi Sigfússon, sveitarstjóri.
Atvinnuþróun í sveitarfélaginu, staða og tækifæri. Eva Pandora
Baldursdóttir og Sigurður Árnason sérfræðingar frá Byggðastofnun.
Staða landbúnaðar, horfur og tækifæri. Guðrún Lárusdóttir, formaður
Búnaðarsambands Skagfirðinga.
17:50 Umræður og vinnustofur.
Umræður um stöðu, áherslur og framtíðarsýn í atvinnumálum,
landbúnaði og íbúaþróun.
18:50 Samantekt fundar.
19:00 Fundarlok.
Íbúar og hagaðilar eru hvattir til að mæta og taka þátt í mótun
áherslna og framtíðarsýnar fyrir Sveitarfélagið Skagafjörð.
Heitt á könnunni.
f.h. Skipulags- og byggingarnefndar
Jón Örn Berndsen skipulags- og byggingarfulltrúi.
Helga flettir í Blómarósum í Blönduhlíð. MYND ÚR EINKASAFNI
10 37/2019