Feykir - 02.10.2019, Blaðsíða 6

6 37/2019
Þeir einstaklingar sem eru í
aldursflokkum fá tækifæri til að
koma sér inn í keppnina í Cona
með því að enda í efstu sætum
líkt og hjá Rafnkeli. Þar gáfu
tvö efstu sætin heimild til að
keppa á heimsmeistaramótinu
á Havaí
„Það er draumur allra þessara
þríþrautarkappa að keppa þar.
En þá þarf að svara því innan
sólarhrings hvort viðkomandi
vilji taka sætið eða ekki því að
þetta er gríðarlega dýrt, eða um
tvær milljónir með öllu,“ segir
Yngvi.
Keppnin sem þeir sóttu fór
fram í Hamborg 28. júlí sl.
og segir Rafnkell að það hafi
verið ræs klukkan 6:30 um
morguninn. „Það gekk mjög
vel, miðað við að það var
gríðarlega heitt, 31 gráða sem
er fullheitt fyrir Íslendingana
Ironman, eða Járnkarlinn upp
á okkar ylhýra, er afsprengi þrí-
þrautaríþróttarinnar þar sem
keppt er í sundi, hjólreiðum
og kapphlaupi. Farin er tiltekin
vegalengd án hlés, þannig
að tíminn á milli greina telst
með í heildartímanum og
reynir sérstaklega mikið á þol
keppenda.
Þríþraut varð til í Frakklandi
á 3. áratug síðustu aldar en hin
staðlaða „ólympíuvegalengd“
var búin til af bandaríska
keppnisstjóranum Jim Curl
um miðjan 9. áratuginn. Al-
þjóða þríþrautarsambandið
var stofnað árið 1989 til að
reyna að koma íþróttinni að
sem ólympíugrein og tókst það
árið 2000 þegar fyrst var keppt
í henni á Ólympíuleikunum í
Sidney í Ástralíu.
Járnkarlinn er líklega þekkt-
asta langþríþrautarkeppnin en
hún hófst á Hawaii árið 1977.
Þar fer fram árleg keppni sem er
VIÐTAL
Páll Friðriksson
Þeir eru margir sem taka upp á því á gamals aldri að fara í einhvers konar líkamsrækt
sér til heilsubótar, synda, skokka eða hjóla. Flestir láta sér nægja létta hreyfingu rétt til
að fá hjartað til að dæla örlítið hraðar og brenna nokkrum kaloríum. Þeir eru líka til sem
fara lengra og jafnvel svo langt að þeir fara langt fram úr sjálfum sér. Ég veit ekki hvort
megi segja það um þá Yngva J. Yngvason, rafvirkja á Sauðárkróki og Rafnkel Jónsson,
staðarumsjónarmann á Hólum í Hjaltadal, en þannig virkaði það á spyrjanda. Þeir
skelltu sér í sumar í þá miklu keppni Ironman sem margir kannast við, Yngvi í fyrsta
skiptið en Rafnkell í það þriðja. Feyki langaði að vita meira um þessa þrekraun
kappanna, sem margir reyna við en ná ekki að ljúka.
Fræknir kappar við Alster vatnið í Hamborg. Fv. Jón Oddur Guðmundsson, þjálfari og margreyndur Járnkarl úr þríþrautardeild Njarðvíkur, Rafnkell Jónsson og Yngvi J. Yngvason.
AÐSENDAR MYNDIR
Járnkarlarnir Yngvi og Rafnkell úr Skagafirði teknir tali
„Draumur allra þríþrautar-
kappa að keppa á Havaí“
Þrír Járnkarlar í Hamborg í sunddressinu.
eins konar heimsmeistaramót
en þangað stefna allir sterkustu
þríþrautarmenn og konur
heims.
Íþróttin á ekki langa sögu hér
á landi en á Vísi.is árið 2015 var
sagt frá því að Járnmaðurinn
hafi þá verið haldinn utandyra
í fyrsta sinn á Íslandi. Þá
voru vegalengdirnar hálfur
Ironman.
Yngvi og Rafnkell segja að
í rauninni séu tvö fyrirtæki
sem geri út á þessa áskorun
á heimsvísu, Ironmen og
Challange family, og eru
keppnir haldnar alls staðar í
heiminum á þeirra vegum.
Annars vegar eru atvinnumenn
og svo áhugamenn í aldurs-
tengdum hópum sem sækja
keppnina og svo er það heims-
meistarakeppnin sem er haldin
einu sinni á ári á Cona á Havaí.
Helstu vegalengdir í þríþraut eru:
SPRETTÞRAUT:
400 m sund, 10-12 km hjól og 2-3 km hlaup. (e. super-sprint)
HÁLF ÓLYMPÍSK:
750m sund, 20 km hjól og 5 km hlaup (e. sprint)
ÓLYMPÍSK VEGALENGD:
1,5 km sund, 40 km hjól og 10 km hlaup (e. olympic distance)
HÁLFUR JÁRNMAÐUR:
1,9 km sund, 90 km hjól og 21,1 km hlaup (e. half ironman)
JÁRNMAÐUR:
3,8 km sund, 180 km hjól og 42.2 km hlaup (e. ironman)
Rafnkell sprækur í hlaupi sem fram fór í Árósum 2014.