Vesturbæjarblaðið - des. 2020, Page 10

10 Vesturbæjarblaðið DESEMBER 2020
Íbúasamtök Miðborgar
Reykja víkur telja að hætta stafi
af tugum húsa á Miðborgar­
svæðinu sem staðið hafa auð og
vanrækt um lengri tíma – jafnvel
svo áratugum skipti. Samtökin
hafa skorða á byggingafulltrúa,
heilbrigðiseftirlit, borgarfulltrúa
og þingmenn að haga því þan­
nig að húseigendur komist ekki
upp með að láta hús sín standa
auð og vanrækt um langa hríð.
Þetta kemur fram í yfirlýsingu
sem samtökin sendu fjölmiðlum
fyrir nokkru.
Í yfirlýsingunni segir að í
miðborg Reykjavíkur séu tugir
húsa sem ekki eru nýtt og hafa
sum þeirra staðið auð og vanrækt
í áratugi. Ástand margra þessara
húsa er með þeim hætti að af
þeim stafar hætta, umhverfi
þeirra subbulegt og óheilsusam­
legt og ítrekað hafi kviknað í
sumum þeirra sem sett hafi
sett nærliggjandi byggð í hættu.
Íbúasamtökin genda á að ástæður
fyrir vanrækslu eigenda þessara
húsa séu eflaust margvíslegar en
núverandi ástand sé óþolandi
fyrir nágranna þessara yfirgefnu
húsa. Þau nýtist engan veginn til
íbúðar eða fyrir atvinnustarfsemi.
Sum þeirra séu aldursfriðuð.
Stjórn Íbúasamtaka Miðborgarin­
nar hefur skorað á borgaryfirvöld
og heilbrigðisyfirvöld að nota þau
verkfæri sem embættin hafa til að
koma í veg fyrir þetta háttalag og
á borgarfulltrúa og á þingmenn
Reykjavíkur norður að beita sér
fyrir því að lög og reglugerðir
verði gerðar svo skýrar að
húseigendur komist ekki upp
með að láta hús sín standa auð og
vanrækt um langa hríð.
Þá láta samtökin einnig fylgja
greinargerð með tilkynningunni,
þar sem fram kemur að stjórn
samtakanna hafi á undanförnum
fundum rætt talsvert ástand
nokkurra húsa í miðborginni
„sem teljast verður ámælisvert
vegna vanhirðu“.
Glæsihýsi óíbúðarhæft
eftir tíð eigendaskipti
Í greinargerðinni er að finna
fjölmörg dæmi um hús sem
staðið hafa auð í langan tíma, þar
á meðal eru timburhús að Þórs­
götu 3 sem byggt var snemma
á síðustu öld og steinbærinn að
Klapparstíg 19 sem byggður var
1879 og er sá eini sinnar tegundar
sem eftir er í Skuggahverfi.
Einnig er sérstaklega fjallað
um Esjuberg, húsið að Þingholts­
stræti 29a sem upphaflega hét
Villa Frieda. Það var byggt 1916
og er friðað. Húsið sést á mynd­
inni efst í fréttinni.
„Í þessu húsi var Borgarbókas­
afnið til húsa um árabil en
þegar það flutti í Tryggva götuna
um aldamótin keypti ungur
athafnamaður húsið til að stofna
í því frumkvöðlasetur fyrir ungt
fólk. Lítið varð úr þeim fyrir­
ætlunum og keypti norskur
málari húsið og bjó í því til 2008.
Þá keypti athafnakona Esjuberg
og hóf strax að byggja við það og
breyta því að innan en lauk aldrei
framkvæmdum og árið 2013
komst það í eigu fjárfestingar­
félags. Síðan hefur harla lítið
gerst og er þetta fallega og sögu­
fræga hús nú óíbúðarhæft,“ segir
í greinargerð samtakanna.
Þá er að finna í greinargerðinni
hús við Veghúsastíg 1, Vatnsstíg
4, Laugaveg 33A, Óðinsgötu
14 a og b, Njarðargötu 35 auk
fleiri húsa. Greinargerðina ásamt
myndum af húsunum má nálgast í
tengdum skjölum neðst í fréttinni.
„Stjórn íbúasamtakanna skorar
á borgaryfirvöld að ganga í þetta
mál sem allra fyrst og beita þeim
úrræðum sem lög heimila til
lausnar á þessu vandamáli. Ekki
nóg með að ástand umræddra
húsa sé til mikilla lýta heldur
fylgir þeim hætta fyrir nágranna
þar á meðal brunahætta,“
segja samtökin.
Mörg vanrækt hús á
miðborgarasvæðinu
Steinbærinn við Klapparstíg 19 var byggður 1879 og nýtur því
aldursfriðunar. Hann myndi af þeim sökum ekki fást fjarlægður auk
þess sem gömlu steinbæirnir njóta sérstakrar athygli húsfriðunar­
sinna. Það breytir þó engu um að þessi hús þarfnast viðhalds eigi
þau að sóma sér sem sögulegar minjar..
Landsspítalinn hlaut
loftslagsverðlaunin
Landsspítalinn hlaut loftslagsviðurkenning Festu og
Reykjavíkurborgar að þessu sinni en hún var veitt í fjórða
sinn. Markmið viðurkenningarinnar er að vekja athygli á
því sem vel er gert í loftslagsmálum og vera hvatning til
annarra. Við matið var horft til ýmissa þátta, einkum til þess
árangurs sem þegar hefur náðst við að draga úr heildarlosun
gróðurhúsalofttegunda.
Í rökstuðningi dómnefndar segir að eitt meginmarkmið
Landspítala var að draga úr losun um 40% fyrir árslok 2020 miðað
við losun ársins 2015. Aðgerðir spítalans hafa sýnt góðan árangur
en á milli 2018 og 2019 var samdráttur í losun rúm 17% og spár
sýna að markmið þeirra um 40% samdrátt í losun fyrir lok ársins
2020 muni nást. Settur var upp búnaður til að eyða glaðlofti. Þá
hefur notkun á olíukatli til orkuframleiðslu verið hætt og rafmagn
er nú notað í staðinn. Þessar tvær aðgerðir munu minnka losun
CO2 ígilda spítalans sem svarar til rúmum 1000 tonnum á ári.
Samgöngusamningar við starfsfólk hafa leitt til þess að fjölmargir
nýta sér nú vistvæna ferðamáta. Aðstaða hjólreiðafólks var
stórbætt við starfsstöðvar og í ár fór spítalinn í samstarf með
Strætó um niðurgreiðslu árskorta og hefur virkum árskortum
fjölgað úr 130 í 540 á einu ári.
Páll Matthíasson forstjóri Landsspítalans tekur við
viðurkenning unni frá Degi B. Eggertssyni borgastjóra.
- skapa hættu og eru lítt til þrifnaðar
STÍLBÓKSTÍLBÓK
Sjálfstætt
starfandi apótek
sem býður
persónulega
þjónustu og
hagstæð verð á
lyfjum og öðrum
heilsutengdum
vörum.
L AUGAVEGI 46 S: 414 4646
Elli- og örorkulífeyrisþegar njóta sérkjara hjá Íslands Apóteki
Opnunar-
tímar:
Virka daga
11.30-18.00
Laugardaga
10.00-16.00
Sunnudaga
Lokað
Opnunartímin hefur
breyst tímabundið!
Óskum viðskiptavinum okkar gleðilegra jól
og farsældar á komandi ári
Auðbrekku 4, 200 Kópavogi, sími: 537-1029, www.bergsteinar.is
Bestu óskir um gleðileg jól
og farsælt komandi ár.
Þökkum viðskiptin á árinu.
Skeljagrandi 1 · 107 Reykjavík
Sími 899 3417 · www.tolvuland.is
PC og Apple
tölvuviðgerðir
Fullkomið tölvuverkstæði og margra
ára reynsla og þekking fagmanna