Morgunblaðið - 29.06.2020, Side 6

6 FRÉTTIRInnlent
MORGUNBLAÐIÐ MÁNUDAGUR 29. JÚNÍ 2020
Draghálsi 14 -16 · Sími 4 12 12 00 · www.isleifur.is
Þú finnur
gæðin!
Skoðaðu úrvalið
í netverslun
isleifur.is
Alls níutíu tré, eitt fyrir hvert ár, af
íslenskum tegundum, birki, reynir
og blæösp, voru gróðursett í Vina-
skógi í Þingvallasveit á laugardag-
inn, 27. júní, á samkomu Skógrækt-
arfélags Íslands þar sem þess var
minnst að þennan dag voru rétt og
slétt 90 ár frá stofnun félagsins.
Íslendingar eru eftirbátar
„Skógræktarstarf á Íslandi hefur
jafnan byggst á áhuga fólks og hug-
sjónum sem aldrei hafa slokknað. Þá
er mjög ánægjulegt að ungt fólk er
virkt í starfinu, verið er að stofna ný
skógræktarfélög og víða um landið
er verið að gróðursetja plöntur í nýj-
um landgræðsluskógum,“ segir Jón-
atan Garðarsson, formaður Skóg-
ræktarfélags Íslands, í samtali við
Morgunblaðið.
Í ávarpi sem Jónatan flutti í Vina-
skógi í tilefni afmælisins sagði hann
mörg, stór og háleit markmið fram-
undan í skógræktinni. Nú sé um eitt
og hálft prósent landsins vaxið skógi
eða kjarri. Íslendingar séu eftir-
bátar annarra Evrópuþjóða í skóg-
ræktarmálum, en hafi þó í mörgu til-
liti náð góðum árangri og góð
þekking hefur skapast á umliðnum
árum. Skógræktarfélögin um allt
land, sem eru alls um 60 með um
7.500 félagsmenn, eigi stóran þátt í
þeim viðsnúningi sem orðið hafi.
„Það eru margir fallegir skógarreitir
víðs vegar um landið, sem eru nýttir
til útivistar og yndisauka jafnt sum-
ar sem vetur,“ sagði formaðurinn.
Hækkun framlaga
gengið til baka
Ísland og Írland voru í svipaðri
stöðu um aldamótin 1900 hvað skóg-
areyðingu varðar. Írsk stjórnvöld
fóru í stórátak í skógrækt og nú eru
11% Írlands þakin skóglendi og
stefnt er að því að innan fárra ára
verði 17% landsins skógi vaxin. Í
mörgum Evrópulöndum sé flatarmál
skóganna allt að 30% landanna allra.
„Við ættum að setja okkur skýr
markmið og auka skógrækt verulega
næstu ár og áratugi. Það mun skila
sér margfalt til baka þegar fram líða
stundir,“ segir Jónatan. Hann bætir
við að því sé bagalagt, að boðuð
hækkun á opinberum framlögum til
skógræktarstarfs undir formerkjum
loftslagsmála hafi að nokkru gengið
til baka. Komi þar m.a. til þreng-
ingar og breytt forgangsröðun í
rekstri ríkissjóðs, til dæmis vegna
kórónuveirunnar.
Skilar afurðum
Vinaskógur er í Kárastaðalandi og
er 25 hektrara spilda skammt sunn-
an og vestan við þjóðgarðinn á Þing-
völlum. Gróðursetning þar hófst árið
1990 í tengslum við átak við ræktun
landgræðsluskóga. Hugmyndin var
sú að þjóðarleiðtogar sem heim-
sækja Ísland eða fulltrúar ýmissa
þjóða gróðursettu þar trjáplöntur.
Vigdís Finnbogadóttir, þáverandi
forseti Íslands, var verndari þessa
starfs og fyrsti erlendi þjóðhöfðing-
inn sem kom í Vinaskóg og gróður-
setti tré var Elíasabet 2. Englands-
drottning.
„Skógurinn hefur dafnað ágæt-
lega á þessum þrjátíu árum sem eru
liðin frá því að Vinaskógur varð að
veruleika, og skógar á Íslandi hafa
breyst úr því að vera eingöngu lág-
vaxið kjarr í skógarsvæði sem eru
farin að gefa af sér byggingarvið og
fleiri afurðir,“ sagði Jónatan í Vina-
skógi. sbs@mbl.is
Markmið um
aukna skóg-
rækt séu skýr
 Plantað var í Vinaskógi  90 ár
Ljósmynd/Ragnhildur Freysteinsdóttir
Ræktun Skógræktarfólk með skóflur á lofti í Þingvallasveit um helgina.
Enginn starfslokasamningur hefur
verið gerður af hálfu Arnþórs Jóns-
sonar, formanns SÁÁ, við sambýlis-
konu hans um störf hennar hjá sam-
tökunum eins og Sigurður
Friðriksson, fyrrverandi stjórnar-
maður í SÁÁ, staðhæfði í viðtali við
Morgunblaðið. Þetta kemur fram í yf-
irlýsingu frá Arnþóri sem blaðinu
barst í gær.
„Nú hef ég í þrjá mánuði látið róg-
burð og ærumeiðingar yfir mig ganga
opinberlega án þess að bera hönd fyr-
ir höfuð mér. Ég hef talið það ríkari
skyldu mína að gæta að fjöreggi okk-
ar góðu samtaka frekar en að eltast
við rangfærslur og lygar sem fólk
virðist eiga nóg til af – enda er það
varla í mannlegum mætti að hlaupa
þindarlaust á eftir samanteknum ráð-
um fólks um illmælgi og ósannindi.
Ég viðurkenni auðmjúklega að þessi
stanslausi rógur hefur haft áhrif á
heilsu mína og starfsþrek sem er ekki
svipur hjá sjón lengur. Það er illt að
sitja undir þessu þótt maður reyni að
bera sig vel,“ segir Arnþór.
ATHUGASEMD
Gerði ekki
starfslokasamning
Sigurður Bogi Sævarsson
sbs@mbl.is
Framkvæmdasýsla ríkisins auglýsti
um helgina eftir upplýsingum um 30
þúsund fermetra lóð eða húsnæði fyr-
ir sameiginlega aðstöðu löggæslu- og
viðbragðsaðila á höfuðborgarsvæðinu.
Undirbúningur þessa hefur staðið um
nokkurt skeið og á síðustu mánuðum
með meiri þunga en áður. Að vinnu
með Framkvæmdsýslunni hafa komið
fulltrúar fjármála- og dómsmálaráðu-
neytis auk fulltrúa embættanna en
um 100 starfsmenn þeirra hafa tekið
þátt í greiningarvinnu sem markaðs-
könnunin núna byggist á.
Augljós hagræðing
„Hagræðingin og ávinningurinn er
augljós og mikill. Með því að allir
verði undir einu þaki má ná fram
sparnaði en einnig gera þjónustu
markvissari og stytta viðbragðstíma,
með aukinni sam-
vinnu ólíkra að-
ila,“ segir Guðrún
Ingvarsdóttir, for-
stjóri Fram-
kvæmdasýslu rík-
isins.
Í upphafi var
áherslan sú að
finna hentugt hús-
næði fyrir lögregl-
una, það er emb-
ætti Ríkislögreglustjóra og
Lögreglunnar á höfuðborgarsvæðinu
– en það er nýtt húsnæði fyrir mið-
borgarstöð hennar. Í starfi þessu
varð fólki ljóst að betur færi að fleiri
yrðu með í verkefninu og bættust því
við Landhelgisgæslan, Slysavarna-
félagið Landsbjörg, Tollgæslan,
Slökkvilið höfuðborgarsvæðisins og
Neyðarlínan 112. Flestar þessar
stofnanir eru í dag að hluta til með
aðsetur í björgunarmiðstöðinni í
Skógarhlíð. Húsnæði þar þykir
óhentugt, þrengsli og skipulag húss-
ins hafa valdið óhagræði og staðið í
vegi fyrir ýmsum umbótum.
Einfalda viðbrögð og björgun
Mikill vilji er, að sögn Guðrúnar, til
að auka samvinnu til að stytta og ein-
falda viðbragð og björgun, en breyt-
ingar stranda m.a. á innra skipulagi í
Skógarhlíð. Hljóðvist, loftræsting, ör-
yggismál, verkefnayfirlit, innleiðing
tækninýjunga og fleira eru dæmi um
verkefni sem ekki er hægt að hrinda í
framkvæmd í núverandi húsnæði. Þá
kalla sum björgunarverkefni á mik-
inn mannafla, sem nú er eingöngu
hægt að hýsa að litlu leyti.
Guðrún segir að þær upplýsingar
sem nú fáist með markaðskönnun
verði notaðar til frekari undirbúnings
á uppbyggingu fyrir starfsemi á lóð
miðsvæðis á höfuðborgarsvæðinu
sem liggi vel við stofnæðum, borg-
arlínu og göngu- og hjólaleiðum. „Við
erum opin fyrir ýmsum leiðum til
uppbyggingar. Ein er sú að fá lóð til
að reisa nýtt hús á, annað er að fá
byggingu sem væri svo breytt og
stækkuð í samræmi við nýja starf-
semi og svo framvegis. Þá kemur til
greina að ríkið byggi, eigi og reki
húsið en samstarf við einkaaðila í
ýmsum myndum er líka mögulegt,“
segir Guðrún.
Athygli vekur í auglýsingunni að
staðsetning skuli tryggja sem stystan
viðbragðstíma gagnvart Alþingisreit,
það er Kvosinni. Þar kemur til að í
dag er þessu svæði sinnt frá aðalstöð
lögreglunnar við Hverfisgötu og þar
gildi að útkallstíminn sé hverju sinni
ekki lengri en átta mínútur. Þetta
segir Guðrún þó ekki negla að nýjar
sameiginlegar bækistövar viðbragðs-
aðila séu á miðborgarsvæðinu eða
nærri því, enda komi þá til greina að
miðborgarstöð lögreglunnar verði
undanskilin og áfram í sama húsi.
Það þyki þó síðri kostur með tillliti til
ýmiskonar samlegðar í starfsemi. Allt
verði þetta hins vegar að skoðast í
stóru samhengi en viðbúið sé að
undirbúningur, skipulagsvinna og
hönnun taki allt næsta ár og gætu
framkvæmdir þá hugsanlega hafist
árið 2022.
Fari undir eitt þak
 Viðbragðsaðilar í sama hús  Framkvæmdasýslan með
könnun  Miðsvæðis  Lögregla, slökkvilið, Gæslan og fleiri
Húsnæði viðbragðsaðila á höfuðborgarsvæðinu
Guðrún
Ingvarsdóttir
Morgunblaðið/Arnþór Birkisson
Samhæfing Slökkviðliðs- og lögreglumenn saman á vakt í Skógarhlíðinni.