Morgunblaðið - Sunnudagur - 21.06.2020, Page 20

20 MORGUNBLAÐIÐ SUNNUDAGUR 21.6. 2020
LÍFSSTÍLL
Hvað getur þú sagt mér um skartgrip-ina þína?„Mjöll skartgripir eru hannaðir
og handsmíðaðir í litlu upplagi í Reykjavík.
Allir skartgripirnir eru unnir úr .925 silfri,
14k gullfyllingu og 14k gulli. Mínímalísk og
tímalaus hönnun er það sem einkennir grip-
ina. Skartgripirnir eru vandaðir og er ætlað
að lifa með þér í mörg ár.“
Hvað er vinsælt núna?
„Fíngerðir og mínímalískir hringar hafa
verið mjög vinsælir undanfarið. Einfaldleiki í
hönnun stendur upp úr. Dömurnar hafa verið
hrifnar af því að stafla nokkrum hringum
saman. Svo eru sléttir einbaugar úr gulli allt-
af sígildir.“
Hvernig eru umbúðirnar og upp úr hverju
leggur þú tengt hringum fyrir brúðkaup?
„Giftingarhringarnir okkar koma í fal-
legum og eigulegum flauelsöskjum sem hafa
smá vintage-útlit. Við erum með nokkra vel
valda liti í boði, þannig að ef fólk er með eitt-
hvað litaþema í brúðkaupinu, þá getur það
valið hringakassa sem passar við og er fal-
legur í athöfninni sjálfri.“
Er gull alltaf vinsælt eða er eitthvað annað
í tísku núna?
„Gullið er alltaf sígilt og ég myndi segja að
það sé líka vinsælla eða meira í tísku núna ef
út í það er farið. Við mælum auðvitað alltaf
með því að fólk velji sér hringa út frá sínum
stíl og persónuleika en ekki bara út frá því
hvað er vinsælt, því giftingarhringar eru
hringar sem fólk sér fyrir sér að bera alla ævi
og viljum við að fólk sé ánægt með valið.“
Hvað getur þú sagt mér um þig persónu-
lega?
„Ég er sjálf nýlega búin að setja upp hring,
en við Helgi, sem er með mér í Mjöll, trúlof-
uðum okkur í síðasta mánuði. Við erum ekki
búin að ákveða hvenær við ætlum að gifta
okkur, en það verður einhvern tímann á
næstu árum!“
Hefurðu alltaf haft áhuga á skartgripum?
„Já að einhverju leyti hef ég alltaf haft
áhuga á skartgripum. Ég var oft að laumast í
skartgripasafnið hennar mömmu sem krakki
og gekk um húsið með síða perlufesti um
hálsinn. En ég vissi ekkert að ég myndi fara
út í skartgripahönnun fyrr en ég var komin á
þrítugsaldurinn. Áhuginn vaknaði hjá mér
þegar í bjó í Bandaríkjunum og lærði ég
skartgripasmíði í San Fransisco 2016. Í kjöl-
farið ferðaðist ég um Bandaríkin og seldi
skartgripina mína víða á mörkuðum og lista-
sýningum.“
Hvað mælirðu með brúðhjón skoði tengt
skartgripum fyrir brúðkaupið?
„Perlur eru alltaf sígildar fyrir brúðirnar
að bera á brúðkaupsdaginn og hafa verið ein-
staklega vinsælar undanfarið.
Í dag er orðið mjög fjölbreytt úrval af gift-
ingarhringum og reglurnar um það hvernig
hringa fólk „eigi“ að velja sér og hvort það
eigi að bera þá á vinstri eða hægri hendi, að
hverfa. Við mælum með að brúðhjón velji
giftingahringana sína út frá eigin stíl og leyfi
sér líka að hugsa út fyrir kassann.
Við elskum auðvitað gull, þar sem það er
ávallt tímalaust og erum einnig mjög hrifin af
því að nota fallega náttúrusteina. Við leggj-
um mikið upp úr því að fólk sé sátt með valið
sitt. Svo mælum við auðvitað með því að fólk
komi makanum á óvart með morgungjöf, en
þá eru einstakir og eigulegir skartgripir til-
valdir!“
Ljósmynd/Mjöll
Vandaðir perlulokkar. Twist-hringur.
Trúlofaðist í síðasta mánuði
Elísa Mjöll Guðsteinsdóttir eigandi og hönnuður
Mjallar trúlofaðist Helga Kristjánssyni nýverið. Elísa
Mjöll segir að þau geri vandaða skartgripi og hún
hafi alltaf haft áhuga á faginu.
Elínrós Líndal elinros@mbl.is
Trúlofunarhringur. Giftingarhringar.
Perlulokkar. Perluhálsmen.
Elísa Mjöll og Helgi
settu nýverið upp
trúlofunarhringa.