Morgunblaðið - 31.07.2020, Page 8

8 FRÉTTIRInnlent
MORGUNBLAÐIÐ FÖSTUDAGUR 31. JÚLÍ 2020
Tómas Tómasson,nú í Búllunni, áð-
ur á Tommaham-
borgurum og víðar,
þekkir vel til atvinnu-
lífs hér og erlendis. Í
skemmtilegu viðtali í
Viðskiptamogganum
í gær var farið yfir
ferilinn og meðal ann-
ars rætt um ástand
miðborgarinnar.
  
Tómas er ómyrkurí máli þegar
kemur að meirihlut-
anum í borginni,
áherslum hans og ekki síst Degi B.
Eggertssyni borgarstjóra: „Mér
finnst hann einfaldlega ekki vera á
réttum stað. Það hefur svo margt ver-
ið gert á hans vakt í miðbænum sem
er hreinn óþarfi. Hvers vegna er til
dæmis verið að setja hálfan milljarð í
að loka bílastæðum við Tollhúsið?
Fyrir hvern er þetta? Er þetta fyrir
Reykvíkinga? Eiga þeir að koma ak-
andi úr Breiðholtinu og ganga um
svæðið eða er verið að gera þetta fyr-
ir útlendinga? Á Reykjavíkurborg að
vera að dekra við útlendinga og setja
upp leiksvið til að gleðja þá? Mér
finnst það ekki rétt. Og svo er það
borgarlínan. Ég er alveg klár á því að
þegar hún verður loksins tilbúin verð-
ur hún orðin úrelt; þá verður komið
eitthvað nýtt. Fyrir utan að við erum
bílaþjóð. Við viljum eiga bíl. Það er
gaman að hjóla í góðu veðri en fólk
hjólar ekki í hvaða veðri sem er.“
  
Spurður út í lokanir í miðborginnibendir Tómas á að verslunar-
fólkið sé „agndofa yfir þessu öllu
saman og hvernig búið er að loka öll-
um götum. Það er jafnvel búið að
beina umferð upp Laugaveginn á 200
metra kafla. Við höfum ekið niður
götuna í hundrað ár en nú er búið að
skipta henni upp í búta. Svo er það
ákvörðunin um að breyta Laugaveg-
inum í göngugötu, þvert gegn vilja
kaupmanna við götuna. Það er mjög
dularfull ákvörðun.“
Tómas
Tómasson
Einfaldlega ekki
á réttum stað
STAKSTEINAR
Dagur B.
Eggertsson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Amtsbókasafnið á Akureyri aflýsti í
gær öllum viðburðum, sem fara áttu
fram eftir hádegi þar. Þar á meðal
voru lokaviðburðirnir í þriggja daga
Harry Potter-hátíð, sem ljúka átti í
dag. Ber viðburðurinn yfirskriftina
Potter-hátíðin mikla, en þar hefur
aðdáendum galdrastráksins staðið
til boða að taka þátt í leikjum í anda
Harry Potter og félaga.
Meðal þess sem boðið var upp á á
hátíðinni í ár var quidditch, galdra-
kústasmiðja og origami, auk þess
sem gestir á öllum aldri fengu að
spreyta sig við svonefnt flóttaher-
bergi með Harry Potter-þema.
Harry Potter-hátíðin hefur verið
haldin árlega undanfarin þrjú ár og
er einn af hápunktum ársins á Amts-
bókasafninu. Var hátíðin í ár sérlega
vegleg, en nú eru 23 ár liðin frá því
fyrsta bókin um Harry Potter kom
út hjá Bloomsbury-útgáfunni í Lond-
on. Er Harry Potter sjálfur jafn-
framt fertugur í ár. Bækurnar hafa
selst í um 500 milljónum eintaka og
er bókaflokkurinn sá mest seldi í
sögunni.
Vel sótt Harry Potter-
hátíð fyrir norðan
AFP
Harry Potter Bækur um galdrastrákinn hafa selst í milljónum eintaka.
Fimm vegfarendur slösuðust í fimm
umferðarslysum á höfuðborgar-
svæðinu í síðustu viku. Í fjórum þess-
ara slysa komu rafhlaupahjól eða
reiðhjól við sögu. Alls var tilkynnt um
25 umferðaróhöpp í umdæminu í vik-
unni.
Ökumaður rafhlaupahjóls var flutt-
ur á slysadeild sunnudaginn 19. júlí
eftir að hann ók hjólinu á hlið bíls í
Hrísrima í Reykjavík. Þriðjudaginn
21. júlí var rafhlaupahjóli ekið á gang-
stétt vestur Laugaveg og á kyrr-
stæðan bíl. Ökumaður hjólsins, sem
var með hjálm, ætlaði sjálfur að leita
sér læknisaðstoðar.
Tvö slys voru tilkynnt miðvikudag-
inn 22. júlí. Fyrst lentu saman reið-
hjól og rafhlaupahjól á hjólreiðastíg
við Skjólbraut í Kópavogi. Annar
ökumannanna var að taka fram úr
þegar slysið varð en hinn beygði í veg
fyrir hann. Reiðhjólamaðurinn var
fluttur á slysadeild.
Um kvöldið var ekið á pilt á reið-
hjóli á Kvistavöllum í Hafnarfirði.
Ökumaðurinn sagði að sólin hefði
blindað honum sýn. Pilturinn var
fluttur á slysadeild.
Föstudaginn 24. júlí varð þriggja
bíla aftanákeyrsla á Höfðabakka.
Fremsti bíllinn hafði stöðvað vegna
strætisvagns, sem var kyrrstæður við
biðstöð, og ökumenn tveggja bíla
náðu ekki að bregðast við í tæka tíð.
Einn var fluttur á slysadeild.
Fimm slösuðust í 5 umferðarslysum
 Rafhlaupahjól og reiðhjól komu við sögu í fjórum slysanna
Ljósmynd/lögreglan
Slys Frá slysstað á Höfðabakka.