Morgunblaðið - 31.07.2020, Síða 22

22 MINNINGAR
MORGUNBLAÐIÐ FÖSTUDAGUR 31. JÚLÍ 2020
Raðauglýsingar
Félagsstarf eldri borgara
Aflagrandi 40 Opin vinnustofa kl. 9:30-12:30, nóg pláss. Kaffispjall í
setustofunni kl. 10-11. Sumarhópurinn verður með PARTÝBINGÓ kl.
13:30 í Bólstaðarhlíð, veglegir vinningar. Spjaldið kostar 350 kr. Nán-
ari upplýsingar í síma 411-2702. Allir velkomnir.
Árskógar Hádegismatur kl. 11:30–13. Allir velkomnir í Félagsstarfið,
sími 411-2600.
Félagsmiðstöðin Hæðargarði 31 Blöðin, kaffi og spjall kl. 8:50.
Frjálst í Listasmiðju kl. 9-16. Hreyfiþjálfun með sjúkraþjálfara kl. 10:30-
11:30. Hádegismatur kl. 11:30-12:30. Síðdegiskaffi kl. 14:30. Lokað
mánudaginn 3. ágúst. Við vinnum áfram eftir samfélagssáttmálanum,
þvo og spritta hendur, virða 2 metra regluna. Allir velkomnir óháð
aldri og búsetu. Nánari upplýsingar í síma 411-2790.
Garðabær Jónshús, félags- og íþróttastarf, s. 512-1501. Opið í Jóns-
húsi og heitt á könnunni alla virka daga frá kl. 8:30-16. Hægt er að
panta hádegismat með dags fyrirvara. Meðlæti með síðdegiskaffinu
er selt frá kl. 13:45-15:15. Gönguhópur frá Jónshúsi kl. 10.
Gerðuberg Kl. 8:30-16 opin handavinnustofa, kl. 10-12 prjónakaffi.
Hvassaleiti 56-58 Morgunkaffi og spjall frá kl. 8:30-10:30. Hreyfi-
þjálfun með sjúkraþjálfara kl. 9:30. Snjalltækjaaðstoð kl. 10:30-11:30.
Bingó kl. 13:15.
Korpúlfar Sundleikfimi í Grafarvogssundlaug kl. 9 í dag og göngu-
hópar leggja af stað frá Borgum kl. 10 í dag, mismunandi styrkleikar.
Opið í Borgum frá kl. 8-16, frjálst opið félagsstarf. Dansleikfimi kl. 14 í
Borgum í dag. Hádegisverður hefst kl. 11:30 og kaffihúsið opnar kl.
14:30 en heitt á könnunni alla daga. Hjartanlega velkomin í Borgir, þar
sem gleðin býr.
Samfélagshúsið Vitatorgi Í dag byrjum við daginn á hressandi
dansleikfimi kl. 9:30 og spjallhópur hittist í handverksstofu í morgun-
kaffi. Á Vitatorgi verður hreyfiteymið með jafnvægisþjálfun kl. 13 og
vöfflukaffið verður á sínum stað. Verið velkomin til okkar.
Samfélagshúsið Vitatorgi Í næstu viku, þriðjudaginn 4. ágúst og
fimmtudaginn 6. ágúst verður haldið framhaldsnámskeið í tæknilæsi
þar sem haldið verður áfram kennslu á spjaldtölvur. Kennsla á Andr-
oid-stýrikerfi verður frá kl. 9-12 og kennsla á Apple-stýrikerfi frá kl.
13-16. Skráning er nauðsynleg, og fer fram í síma 665-7641, en frítt er
á námskeiðið.
Seltjarnarnes Dagskráin í dag föstudaginn 31. júlí: Kl. 10:30 kaffi-
spjall í króknum. Kl. 11 leikfimi í salnum á Skólabraut. Kl. 13:30 sam-
söngur á skólabraut. Kl. 14 spurningagleði og samvera á Skólabraut.
Hlökkum til að sjá ykkur.
Sléttuvegur 11-13 Selið á Sléttuvegi er opið frá kl. 10–14. Heitt á
könnunni frá kl. 10–11 og hægt er að líta í blöðin. Hádegismatur er frá
kl. 11.30–12.15, panta þarf matinn daginn áður. Bíó kl. 13 (verður í
boði með auglýsingu í Selinu). Velkomin. Síminn í Selinu er 568-2586.
Smáauglýsingar
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Sumarbústaðalóðir til sölu í
Vaðnesi
Til sölu fallegar sumarhúsalóðir með
aðgangi að heitu og köldu vatni í
vinsælu sumarhúsahverfi í landi
Vaðness í Grímsnes- og Grafnings-
hreppi . Allar nánari upplýsingar
gefur Jón í síma 896-1864 og á
facebook síðu okkar vaðnes-lóðir til
sölu.
Húsviðhald
Hreinsa
þakrennur, laga
ryðbletti á þökum
og tek að mér
ýmis smærri verk.
Uppl. í síma 847 8704
manninn@hotmail.com
✝ Valborg RakelGunnarsdóttir
fæddist á Hauga-
nesi 2. mars 1939.
Hún lést í Lög-
mannshlíð 21. júlí
2020.
Foreldrar henn-
ar voru Helga Jóns-
dóttir, f. 1. júlí 1907,
d. 31. mars 1987, og
Gunnar Níelsson, f.
1. desember 1905,
d. 5. október 1980. Systkini Val-
borgar: Níels Kristinn, d. 6.
ágúst 1997, Petrea Jenný, Hall-
dór Kristbjörn, d. 20. september
1993, Helga Sigurbjörg og
Gunnborg Hugrún.
Árið 1957 giftist Valborg
Kristjáni Halldóri Jenssyni frá
Stærra-Árskógi, f. 1. janúar
1930, d. 30. október 1977. Synir
þeirra eru: 1) Gunnar Helgi, f.
18. júlí 1957, maki Ingibjörg
Tómasdóttir, f. 11. júní 1950 og
eiga þau tvo syni: Níels Halldór,
f. 15. febrúar 1990
og á hann tvo syni,
og Val Borgar, f.
12. maí 1992. 2)
Jens Óli, f. 16. nóv-
ember 1959, d. 16.
mars 2011. Hann
var kvæntur Önnu
Guðrúnu Ásgeirs-
dóttur, f. 20. mars
1973, og eiga þau
tvö börn: Sigrúnu
Jennýju, f. 14. júní
1994, maki Ómar Jónsson og
eiga þau tvo syni, og Jens Krist-
ofer Buck, f. 31. janúar 2002,
maki Eva Dís Halldórsdóttir.
Fyrir átti Jens Óli tvö börn:
Kristján Halldór, f. 17. sept-
ember 1980, og á hann fimm
börn og Rakel, f. 8. ágúst 1990,
maki Tómas Már Pétursson og
eiga þau tvær dætur.
Seinni eiginmaður Valborgar
var Sigtryggur Valdemarsson, f.
10. desember 1927, d. 22. mars
2014, hófu þau sambúð árið 1978
og giftu sig árið 2001. Börn Sig-
tryggs eru: Svanhildur, f. 9.
október 1957, maki Frosti Mel-
dal og eiga þau þrjú uppkomin
börn og þrjú barnabörn; Gunnar,
f. 18. desember 1959, maki Rósa
Ingibjörg Sveinbjörnsdóttir og
eiga þau fjögur uppkomin börn
og sex barnabörn.
Valborg og Kristján bjuggu
fyrstu árin sín saman á Hauga-
nesi en árið 1961 fluttu þau bú-
ferlum til Akureyrar. Bjuggu
þau sér fallegt heimili og fram-
tíðin blasti við þeim þegar Krist-
ján féll skyndilega frá árið 1977.
Valborg og Sigtryggur hófu bú-
skap 1978 og alla tíð reyndist
Sigtryggur Valborgu og hennar
fjölskyldu vel. Valborg vann til
fjölda ára á niðursuðu KJ & co.
og við ræstingar. Eins og Val-
borg orðaði það sjálf þá skiptu
mennirnir hennar, synir, tengda-
dætur, barnabörn og barna-
barnabörn hana mestu máli því
ekki var hún virk í félagsmála-
stússi. Valborg var mjög náin
systrum sínum og ríkti mikill
kærleikur þeirra á milli.
Útför Valborgar fer fram frá
Akureyrarkirkju í dag, 31. júlí
2020, og hefst athöfnin klukkan
13:30.
Í dag kveð ég mína yndislegu
tengdamóður, hana Völlu, með
þakklæti í hjarta og minningarn-
ar fljúga í gegnum huga minn.
Margs er að minnast og eru það
forréttindi að hafa kynnst Val-
borgu og Sigtryggi. Þau voru
bæði gull af manni svo ekki sé
minnst á hversu miklir visku-
brunnar þau voru. Það er ég viss
um að Valla er farin að taka til
hendinni í sumarlandinu því
henni féll sjaldan verk úr hendi.
Hún var dugnaðarforkur og úr-
ræðagóð og það var alltaf gott að
leita til hennar með alla hluti því
maður kom aldrei að tómum kof-
unum og hafði hún alltaf ráð við
öllu. Verkin hennar voru fjöl-
breytt, allt frá því að pússa kop-
ar, steikja soðið brauð og kleinur
í bílskúrnum, prjóna sokka eða
rækta fallega garðinn sinn.
Það er táknrænt að setjast nið-
ur og skrifa um elsku tengda-
móður mína á þessum tíma árs
þegar uppáhaldstími hennar er
rétt handan við hornið. Hún
hreinsaði hugann ein úti í móa að
tína ber í ágústmánuði ár hvert
og á meðan heilsan leyfði og var
því endurnærð þegar kom að
kartöfluupptöku. Hún vissi fátt
skemmtilegra en að vera skítug
upp fyrir haus og skríðandi á fjór-
um fótum að taka upp kartöflur
og ekki skemmdi fyrir að hafa
með sér góðar vinkonur og lögg í
pela.
Ég á Völlu margt að þakka
því alltaf var hún til staðar fyrir
mig og börnin mín, sem eiga
margar yndislegar minningar
með henni í Lerkilundi. Amma
Valla var dugleg að sinna barna-
börnunum og minnisstæðast er
grautur í hádeginu á laugardög-
um, amma bakaði ótal pönnu-
kökur í gegnum árin, skrapp
nokkrar ferðir í jólasveina-
brekkuna að tína golfkúlur og
síðast en ekki síst var skemmti-
legast að skreppa með ömmu og
afa á Hauganes í fjöruna og svo
í kaffi til Geggu frænku sem átti
alltaf kandís.
Ég er uppfull af þakklæti í
garð Völlu, hún var mér svo kær
og góð tengdamóðir. Ég leit upp
til hennar því hún var mér mikil
fyrirmynd og einstök vinkona
sem ég gat alltaf leitað til. Þeg-
ar Jenni minn lést reyndust þau
Sigtryggur okkur fjölskyldunni
vel og verð ég þeim ævinlega
þakklát.
Elsku Valla mín, takk fyrir
allt. Ég mun sakna þín og hugsa
til þín alla daga.
Þín Anna tengdadóttir.
Anna Guðrún Ásgeirsdóttir.
Valborg Rakel
Gunnarsdóttir
HINSTA KVEÐJA
Hlýjar kveðjur.
Til þín ég hugsa,
staldra við.
Sendi ljós og kveðju hlýja.
Bjartar minningarnar lifa
ævina á enda.
Elsku amma mín, takk
fyrir allt.
Þinn
Jens Kristofer
(Dolli litli).
✝ SigríðurÓlafía Björg-
vinsdóttir fæddist
á Víðilæk í Skrið-
dal 16. janúar
1934. Hún and-
aðist á hjúkr-
unarheimilinu
Dyngju á Egils-
stöðum 7. júlí
2020.
Foreldrar henn-
ar voru Níels
Björgvin Sigfinnsson, bóndi á
Víðilæk, og Aðalbjörg
Metúsalemsdóttir Kjerúlf hús-
freyja. Sigríður átti 11 systk-
ini.
Maður Sigríðar var Ingi Jón
Ármannsson, f. 16.12. 1941.
Börn Sigríðar eru: 1) Björgvin
Víðir Guðmundsson, f. 31.3.
steinsdóttir, börn þeirra eru
Jón Vilberg, Hrafntinna Heið-
ur og Sigrún Lóa, b) Björg-
vin, f. 6.6. 1992, sambýliskona
Andrea Birna Aðalsteins-
dóttir, c) Katrín Dóra, f. 5.3.
1999. 3) Erla Bryndís Inga-
dóttir, f. 12.1. 1966, sambýlis-
maður Jón Grétar Traustason,
f. 9.3. 1963, börn Erlu úr fyrri
sambúð með Hannibal Óskari
Guðmundssyni, f. 30.3. 1968,
eru a) Ása Karen, f. 16.7.
1990, b) Unnsteinn Ingi, f.
25.8. 1993, c) Ólafía Anna, f.
2.10. 1995, d) fóstursonur
Lúkas Nói, f. 29.5. 2004. 4)
Ármann Elvar Ingason, f.
27.9. 1973.
Sigríður bjó á Víðilæk til
ársins 1973, en þá fluttu þau
Ingi í Egilsstaði. Þau slitu
samvistum 1993. Sigríður var
síðast til heimilis á Álfatröð
3a, Egilsstöðum.
Útför Sigríðar fór fram í
kyrrþey 15. júlí 2020 frá
Þingmúlakirkju að hennar
ósk.
1958, maki Sólveig
Sigríður Sigurð-
ardóttir, f. 23.11.
1961, börn þeirra
eru a) Sigurður
Freyr, f. 29.6.
1981, maki Alma
Rut Þorleifsdóttir,
börn þeirra eru
Halldór og Sóllilja,
b) Lilja Karen, f.
18.3. 1988, sam-
býlismaður er Ár-
sæll Guðmundsson, c) Almar
Ingi, f. 6.11. 1990, sambýlis-
kona Hrafnhildur Benedikts-
dóttir, barn þeirra er Dagmar
Rós. 2) Sigrún Aðalbjörg Inga-
dóttir, f. 21.8. 1964, maki Jón
Kristinn Jónsson, f. 30.6. 1960,
börn þeirra eru a) Hjálmar, f.
21.9. 1986, maki Bergrún Haf-
Leiðir okkar Siggu lágu sam-
an í gegnum drengina okkar
Elvar og Axel en fjölskyldurnar
bjuggu báðar í Tjarnarlöndun-
um á Egilsstöðum á áttunda
áratugnum. Við á númer 13 og
þau á númer 17. Elvar og Axel
náðu vel saman og urðu bestu
vinir enda jafnaldrar sem
fannst fátt skemmtilegra en að
sparka í bolta. Þeir fóru mikið á
milli heimilanna tveggja og oft
var matur í boði fyrir drengina.
Elvar var yngstur í systkina-
röðinni en Axel fyrsta barn
okkar hjóna og stundum kom
það skemmtilega fram t.d. þeg-
ar Elvari var boðið í pítsu en
þann mat hafði hann aldrei
smakkað fyrr. Axel fékk að
fylgja Elvari eftir að skóla lauk
á daginn því engin gæsla var í
boði fyrir skólabörn á þeim
tíma. Kynni okkar Siggu þróuð-
ust áfram og það var auðsótt að
leita til hennar þegar okkur
vantaði gæslu fyrir Þóru dóttur
okkar nokkrum árum síðar.
Hún sinnti Þóru á aðdáunar-
verðan hátt og sambandið okk-
ar á milli varð mjög sterkt og
traust. Sigga kom alltaf í af-
mæli Þóru á hverju ári en ann-
ars var hún lítið að fara á milli
húsa á Egilsstöðum. Hún var
mjög nægjusöm og átti sú
nægjusemi líka við um félagslíf-
ið. Hún fór til vinnu og heim
aftur og til stelpnanna sinna og
Víðis, oftar en ekki til að gæta
barna þeirra og aðstoða við
heimilishaldið. Eftir að við fjöl-
skyldan fluttum suður árið 2001
breyttust samskiptin en þegar
Sigga kom suður kom hún yf-
irleitt til okkar og við fórum
aldrei á Egilsstaði án þess að
koma við hjá Siggu. Hún hafði
alltaf samband símleiðis á að-
fangadag og sagði sjálf að jólin
kæmu ekki ef hún heyrði ekki í
okkur. Okkur brá í brún síðustu
jól þegar ekkert símtal barst
frá Siggu. Við eftirgrennslan
kom í ljós að hún var þá komin
á sjúkrahús og orðin talsvert
veik. Síðustu vikurnar dvaldi
hún á Dyngjunni hjúkrunar-
heimili á Egilsstöðum og heim-
sótti Berta hana þangað. Þar
var hún umvafin hlýju frá góðu
starfsfólki og í notalegu um-
hverfi. Það sást að ekki væri
langt í að hún myndi kveðja
þessa jarðvist en það sat í
minni okkar þegar þær Berta
hittumst í næstsíðasta sinn og
hún sagði með miklu æðruleysi
að hún hræddist ekki dauðann.
Hann kæmi bara þegar hann
ætti að koma. Okkar innileg-
ustu samúðarkveðjur sendum
við til barna og afkomenda
Siggu en eftir stendur minn-
ingin um sanna hvunndagshetju
sem snerti hjörtu okkar á eftir-
minnilegan hátt.
Alberta Tulinius og
Helgi Halldórsson.
Sigga Björgvins eða Sigga
barnapía eins og hún var gjarn-
an kölluð á mínu heimili var al-
veg spes. Hún passaði mig þeg-
ar ég var pínulítil og óþolandi.
Þegar ég fór út í vagn að sofa
sat Sigga mín í úlpunni inni við
eldhúsborðið og var snögg sem
Lukku-Láki að bregðast við um
leið og hljóð barst úr vagni. Ég
var nefnilega barnið sem svaf
lítið og agalega laust. Martröð
barnapíunnar. Svo var mér yfir-
leitt illt í maganum og mjög
fýlugjörn. Samt elskaði Sigga
mig og kvartaði aldrei undan
mér eða yfir því að hafa þurft
að sitja í úlpunni við gæslustörf
á meðan aðrar barnapíur höfðu
það kósí. Við héldum sambandi
áfram eftir að hún hætti að
vera barnapían mín því mamma
féll líka fyrir Siggu. Ég var
áfram alltaf velkomin í Tjarnar-
löndin og Sigga, sem þekkti
leiðina að hjarta barns betur en
flestir, átti alltaf eitthvert góð-
gæti handa mér. Besta rjóma
sem ég hafði á ævinni smakkað
fékk ég hjá Siggu og var ég viss
um að hún kynni að galdra því
rjóminn var svo góður. Seinna
sagði hún mér að hún hefði sett
smá sykur og vanillu í rjómann
en töfrarjómann hjá Siggu hef-
ur enginn toppað. Þegar ég
stækkaði kom auðvitað ekkert
annað til greina en ég gerðist
barnapía hjá dætrum Siggu,
Sigrúnu og Erlu, og tengslin
við fjölskylduna héldust áfram
sterk. Sigga var með frábæran
persónuleika, hláturmild og
með öðruvísi en svo skemmti-
legan húmor. Hún var dásam-
lega hlý og vildi allt fyrir alla
gera en setti sjálfa sig yfirleitt
ekki ofarlega á forgangslistann.
Hún var nægjusöm og þótt
henni þætti mjög gaman að spá
í landafræði og lönd yfir höfuð
hafði hún enga þörf fyrir að
fara í heimsreisu eða á flakk er-
lendis. Hún var bara sátt í litlu
íbúðinni sinni við Álfatröðina
sem hún bjó í seinni árin og var
ánægð ef hún átti kjötsúpu og
jafnvel kleinur í frysti til að
bjóða fólkinu sínu ef það kom í
heimsókn. Þrátt fyrir að lengra
liði á milli þess sem við hitt-
umst eftir að við fjölskyldan
fluttumst til Reykjavíkur fylgd-
ist Sigga alltaf með okkur og
kom í heimsókn þegar hún kom
í bæjarreisu til Víðis og Siggu.
Það var alltaf yndislegt að fá
koss og knús frá Siggu og hlæja
með henni að því sem hún
sagði, skoðunum hennar á hinu
og þessu. Hún sagði svo oft:
„Mér finnst þetta bara og mér
er alveg sama hvað öðrum
finnst um það!“ Svo hló hún sín-
um ljúfa og dillandi hlátri. Hún
kom líka í brúðkaupið okkar
Þorkels árið 2011 og var að
sjálfsögðu heiðursgestur. Hún
hló og skemmti sér manna best
en þegar hún var spurð eftir
brúðkaupið hvernig henni hefði
fundist sagði hún: „Ég heyrði
lítið sem ekki neitt en hún
Sigga Pella sem sat hjá mér hló
svo mikið og oft að ég skemmti
mér stórvel. Þetta hefur örugg-
lega verið mjög skemmtileg
veisla!“ Það er komið að leið-
arlokum hjá okkur Siggu og
eftir stendur þakklæti fyrir alla
gæskuna, hlýjuna, gjafmildina
og þrautseigjuna sem hún sýndi
í okkar samskiptum. Sigga var
lítil en samt svo stór. Hún var
stór persóna og mun aldrei
gleymast.
Elsku Víðir, Sigrún, Erla og
Elvar og fjölskyldur, ég sendi
ykkur mínar innilegustu sam-
úðarkveðjur.
Þóra Magnea Helgadóttir.
Sigríður Ólafía
Björgvinsdóttir
Skilafrestur | Ef óskað er eftir birtingu á útfarardegi verður greinin að
hafa borist eigi síðar en á hádegi tveimur virkum dögum fyrr (á föstu-
degi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein berist
áður en skilafrestur rennur út.
Formáli | Minningargreinum fylgir formáli sem nánustu aðstandendur
senda inn. Þar koma fram upplýsingar um hvar og hvenær sá sem fjallað
er um fæddist, hvar og hvenær hann lést og loks hvaðan og klukkan
hvað útförin fer fram. Þar mega einnig koma fram upplýsingar um for-
eldra, systkini, maka og börn. Ætlast er til að þetta komi aðeins fram í
formálanum, sem er feitletraður, en ekki í minningargreinunum.
Myndir | Hafi mynd birst í tilkynningu er hún sjálfkrafa notuð með
minningargrein nema beðið sé um annað. Ef nota á nýja mynd skal
senda hana með æviágripi í innsendikerfinu. Hafi æviágrip þegar verið
sent er ráðlegt að senda myndina á netfangið minning@mbl.is og láta
umsjónarmenn minningargreina vita.
Minningargreinar