Morgunblaðið - 10.08.2020, Qupperneq 6

6 FRÉTTIRInnlent
MORGUNBLAÐIÐ MÁNUDAGUR 10. ÁGÚST 2020
Bio-Kult Mind
Einbeitingin farin?
– sérð ekki út úr
NÝTT
Ný vara með áherslu á hugræna virkni.
Rannsóknir hafa sýnt að tenging á milli heila og
meltingarvegs (gut-brain-axis) er mikil og að
þarmaflóran gegni þar lykilhlutverki.
Bio Kult – stendur vörð um þína heilsu
Fæst í apótekum, heilsuverslunum og heilsuhillum stórmarkaðanna.
Sigurður Bogi Sævarsson
sbs@mbl.is
„Ef heldur fram sem horfir fer
íbúatalan í þriggja stafa tölu áður á
árinu. Takmarkið okkar hér í sveit-
inni er skýrt og hlýtur að nást,“ seg-
ir Helgi Gíslason sveitarstjóri
Fljótsdalshrepps. Sveitarfélagið er
eitt hið fámennasta á landinu og
íbúarnir eru 96 talsins. Hefur fjölg-
að um 10 á líðandi ári eða um 11,6%.
Í engri annari byggð hefur íbúum
fjölgað jafn mikið hlutfallslega, að
teknu tilliti til þess að prósentu-
reikningur um lækkun og hækkun
út frá lágum tölum getur stundum
verið villjandi. Þau sem tíu sem eru
ný í sveitinni eru meðal annars fólk
sem mun vinna við skógarvinnslu.
Styrkur til góðra verkefna
Það er heilmargt að gerast
þessu fámenna sveitarfélagi, sem er
beggja vegna Lagarfljótsins innst á
Héraði og nær svo langt inn á
Öræfi. Um 1.300 km2 eru innan
landamæra Fljótsdalshrepps, sem
þannig verður eitt af víðfeðmustu
sveitarfélögum landsins.
„Mér finnst gott að vera kom-
inn austur og hér eru rætur mínar,“
segir Helgi sem tók við starfi sveit-
arstjóra snemma á líðandi sumri.
„Sveitarfélagið stendur vel. Fjár-
hagurinn er ágætur og fyrir vikið
hefur sveitarfélagið styrk til
margra góðra verkefna. Við höfum
til dæmis styrkt starf Vatnajök-
ulsþjóðgarðs, svo sem fræðslugöng-
ur upp að Hengifossi sem eru dag-
lega í allt sumar. Í eigu
sveitarfélagsins eru líka gistiskál-
arnir á Fljótsdalsgrund hér niðri í
sveitinni og í Laugafelli, uppi á
Fljótsdalsheiði nærri Snæfelli. Hér
hefur verið mikil umferð ferðafólks
í allt sumar og vinandi verður
áframhald á því.“
Tekjur Fljótsdalshrepps á
þessu ári verða um 170 milljónir
króna og um 2/3 hluta þessu eru
inntekt af fasteignagjöldum sem
Landsvirkjun greiðir fyrir Fljóts-
dalsvirkjun. Þetta eru sannarlega
talsverðir peningar, en Helgi segir
þó mikilvægt að hafa í huga að út-
gjöld hreppsins vegna starfsemi
virkjunarinnar séu talsverð svo sem
vegna umhverfisverkefna, skipu-
lagsmála og hálendisvega sem
þurfa þjónustu og viðhald.
Þurfa fé til uppbyggingar
„Í stóra samhenginu þarf svo
að skoða hvort sanngjarnt sé að
fasteignagjöldin séu einu tekjurnar
sem sveitarfélagið hafi af nýtingu
náttúruauðlinda hér,“ segir Helgi.
„Hugsanlega ætti eitthvað af arð-
inum sem raforkuframleiðslan
skapar að renna heim í hérað, og
því sjónarmiði var raunar haldið á
lofti þegar Kárahnjúkastífla og
Fljótsdalsstöð voru byggð. Bent
hefur verið á að giltu hér hlið-
stæðar reglur og í Noregi ættu 1,5
milljarðar króna að renna árlega til
sveitarfélagsins, þá miðað við hver
arður af Fljótsdalsstöð er í dag.
Slíkt væru fjármunir sem nýtast
myndu til margvíslegrar uppbygg-
ingar hér í Fljótsdalshreppi, rétt
eins og áformað er.
Áherslumál er meðal sveitar-
stjórnar Fljótsdalshrepps er að laða
þangað til búsetu til dæmis fólk sem
sinnir ýmsum skapandi greinum. Að
vera í kyrrlátu umhverfi í skóg-
unum fyrir austan gæti hentað
mörgum vel og í því sambandi eru
eru þrír staðir í sveitarfélaginu til
skoðunar með tilliti til skipulagðs
þéttbýlissvæðis. Eins og staðan er
nú vantar sárlega íbúðarhúsæði í
sveitarfélaginu svo þeir sem vilja
geti flutt á svæðið, segir Helgi og
segir í lokin:
Styrkir stoðir búsetu
„Í sveitarfélagi eins og hér er
atvinnustarfsemin þannig að eitt
styður annað, svo úr verður þokka-
lega öflug heild. Hér er Fljótsdals-
stöð Landsvirkjunar og á Skriðu-
klaustri eru gestastofa austursvæðis
Vatnajökulsþjóðgarðs og Gunn-
arsstofnun – skáldasetrið okkar.
Jafnhliða hefðbundnum búskap er
svo hér stunduð skógrækt á um það
bil 20 jörðum og á bænum Víðivöll-
um er timburvinnsla. Nú er einmitt
svo komið að afurðir úr skógunum
hér eru farnar að skila talsverðum
tekjum, og allt styrkir þetta stoðir
búsetu hér. Þá er í skoðun að útbúa í
félagsheimilinu Végarði aðstöðu
fyrir fólk í fjarvinnu. Fleiri svona
verkefni eru í gangi og bakland
þeirra er sjóðurinn Fögur framtíð í
Fljótsdal sem nýlega var stofnaður.“
Gróandi í Fljótsdalshreppi þar sem íbúafjöldinn nálgast nú þriggja stafa tölu
Sveitarstjóri Atvinnustarfsemin er þannig að eitt styður annað, svo úr verður öflug heild, segir Helgi Gíslason, hér
við heimili sitt á bænum Húsum. Landbúnaður, skógrækt og ferðaþjónusta eru helstu atvinnugreinarnar í sveitinni.
Sveitarfélagið fái arð af auðlindinni
 Helgi Gíslason er fæddur ár-
ið 1962 og á allar sínar rætur á
Fljótsdalshéraði, uppalinn á
bænum Helgafelli í Fellum.
Hann er menntaður skógfræð-
ingur í Svíþjóð og var fram-
kvæmdastjóri Héraðsskóga um
árabil, það er bændaskóganna
á Austurlandi.
 Var 2004-2020 fram-
kvæmdastjóri Skógrækt-
arfélags Reykjavíkur, sem með-
al annars tilheyra
skógræktarsvæðin í Heiðmörk
og í hlíðum Esjunnar. Kom svo
til starfa hjá Fljótsdalshreppi
fyrr í sumar.
Hver er hann?
Morgunblaðið/Sigurður Bogi
Fljótsdalsstöð Stærsta virkjun landsins og knúin afli frá Jöklu.
Héraðsverk ehf. vinnur nú að lagn-
ingu bundins slitlags um Vatns-
skarð, fjallveg sem liggur að Borg-
arfirði eystri. Reiknað er með að
framkvæmdum ljúki í sumar, en
ekki verður bundið slitlag alla leið
þar sem eftir mun standa 15 kíló-
metra kafli að sögn Jóns Þórð-
arsonar sveitarstjóra.
Hann segir um að ræða verulega
búbót fyrir heimamenn og að það sé
ánægjulegt þegar framkvæmdin fer
fram. Spurður hvort heimamenn séu
óþreyjufullur yfir því að ekki sé
gangi að klára allan veginn í sumar
svarar hann: „Ekkert meira en
venjulega held ég. Það var byrjað á
veginum ’55 þannig að það er nú
kominn tími á hann.“
Vongóður
Samkvæmt gildandi vegaáætlun
stendur til að klára veginn á næstu
tveimur árum. „En þetta getur allt
breyst,“ segir Jón sem kveðst von-
góður um að áætlanir um fram-
kvæmdirnar standist þrátt fyrir
langan aðdraganda. gso@mbl.is
Morgunblaðið/BJB
Vegagerð Allt er gott sem endar vel. Stefnt er að því að klára lagningu bund-
ins slitlags um Vatnsskarð í sumar. Vegurinn klárast að fullu eftir tvö ár.
Malbika fjallveginn
um Vatnsskarð
 Klára næstu 15 kílómetra eftir tvö ár