Morgunblaðið - 16.09.2020, Blaðsíða 9

FRÉTTIR 9Innlent
MORGUNBLAÐIÐ MIÐVIKUDAGUR 16. SEPTEMBER 2020
Byggðastofnun | Sauðármýri 2 | 550 Sauðárkrókur
Sími 455-5400
postur@byggdastofnun.is
Tilboð óskast send til
Byggðastofnunar
á netfangið
postur@byggdstofnun.is
eigi síðar en 24. september n.k.
merkt Búseturannsókn 2020.
Tilboð óskast í framkvæmd spurningakannana um búsetuþróun á Íslandi
Byggðastofnun óskar eftir tilboðum í framkvæmd spurningakannana vegna
rannsóknarinnar Byggðafesta og búferlaflutningar, markmið hennar er að
varpa ljósi á margvíslega þætti sem tengjast, búsetusögu, byggðafestu og
búsetufyrirætlunum íbúa á Íslandi.
Þóroddur Bjarnason prófessor við Háskólann á Akureyri stýrir rannsókninni fyrir
hönd Byggðastofnunar og veitir nánari upplýsingar um verkefnið og sendir þeim
sem þess óska tilboðsgögn.
Áhugasamir eru beðnir um að senda fyrirspurnir á netfangið
thoroddur@unak.is.
Búseturannsókn 2020
Ágúst Ingi Jónsson
aij@mbl.is
Fyrirferðarmikla hluti sem eiga
ekkert erindi í grenndargáma á höf-
uðborgarsvæðinu er oft að finna við
gámana. Þegar starfsmenn Sorpu
koma til að tæma gámana hafa þeir
meðal annars rekist á bílhræ, bíl-
vélar, eldavélar og önnur raftæki,
rúm, sófasett, innréttingar og rusla-
poka með blönduðum efnum.
Guðmundur Tryggvi Ólafsson,
rekstrarstjóri endurvinnslustöðva
hjá Sorpu, segir að umgengni sé
ágæt á meginþorra grenndarstöðva,
en nokkrar stöðvar þurfi mikla
þjónustu og þurfi að hreinsa frá
þeim daglega. Því miður dragi fólk
oft hluti inn á þessar stöðvar sem
eigi alls ekki heima þar og komist
engan veginn í gámana. Nóg pláss
sé hins vegar á endurvinnslustöðv-
unum.
Hafa ekki undan
að hreinsa gámasvæðið
Sorpa er með samning við sveit-
arfélögin á höfuðborgarsvæðinu um
þjónustu á 85-90 grenndarstöðvum.
Sorpa leigir sveitarfélögunum gáma
undir plast, pappír og gler og sér
um að halda þeim við og tæma.
Gámar fyrir flöskur og dósir eru á
vegum skátanna, Rauði krossinn er
með fatagáma og einnig Hertex á
nokkrum stöðvum. Umsjón með
gámasvæðunum er hins vegar á
vegum sveitarfélaganna sem sjá um
dagleg þrif.
Í síðustu viku voru grenndar-
gámar á Eiðistorgi á Seltjarnarnesi
fjarlægðir vegna slæmrar um-
gengni. „Starfsmenn þjónustu-
miðstöðvarinnar hafa ekki undan að
hreinsa gámasvæðið og fara með
umframruslið sem skilið er eftir í al-
faraleið,“ segir m.a. á heimasíðu
Seltjarnarness. Í vor var grenndar-
gámur sem stóð við Endurvinnsluna
í Knarrarvogi í Reykjavík fjar-
lægður tímabundið. Ástæður voru
sagðar „langvarandi óþrif og mis-
notkun á stöðinni“.
Guðmundur Tryggvi nefnir tvö
önnur tilvik um tímabundnar lok-
anir síðustu misseri, en segir að
þessi mál hafi þokast í rétta átt síð-
ustu ár. Meðal annars hafi áberandi
skilti verið sett upp við gámana til
að leiðbeina fólki. Einnig hafi verið
notast við eftirlitsmyndavélar sem
hafi gefið upplýsingar um hvaðan
efnið kom, um leið og þær hafi haft
fælingarmátt.
Þjónustan í jafnvægi
Áður hafi brugðið við að gám-
arnir hafi ekki verið losaðir nógu
oft, en Guðmundur segist telja að
nú sé þessi þjónusta í jafnvægi. Þó
hafi borið á því síðustu mánuði að
stundum hafi borist meira af fatnaði
í gáma Rauða krossins en þeir tóku
við.
Drasl og búnaður við grenndargáma
 Loka hefur þurft stöðvum og aðrar þurfa mikla þjónustu  Hefur þokast í rétta átt síðustu ár
Morgunblaðið/Eggert
Óþrifnaður Papparusl við grenndargámana við sundlaugarnar í Laugardal í gærmorgun.
Ljósmynd/Seltjarnarnesbær
Seltjarnarnes Þessi dýna kemst engan veginn í gáminn. Stöðinni á Eiðistorgi hefur verið lokað.
Stórir jarðskjálftar gengu yfir Norð-
urland í gær. Skjálftarnir urðu á
Húsavíkur-Flateyjarmisgenginu. Sá
stærsti þeirra mældist 4,6 að stærð,
laust fyrir klukkan 15. Annar af
stærðinni 4 mældist rúmum tveimur
tímum síðar.
Einar Hjörleifsson, náttúruvár-
sérfræðingur á Veðurstofu Íslands,
segir ómögulegt að vita hvenær ann-
ar stór skjálfti geti orðið. Ekki sé
útilokað að stærri skjálfti eða
skjálfti af svipaðri stærð verði í hrin-
unni. Skjálftarnir fundust báðir vel á
vinnustað fréttaritara Morgunblaðs-
ins, Hafþórs Hreiðarssonar.
„Fyrst kom lítið högg og síðan
nokkuð öflugt högg,“ segir Hafþór.
„Ég sat bara hérna á vinnustaðnum
og síðan komu allt í einu þessi högg.
Maður gat greinilega fundið þetta en
þetta stóð ekki lengi yfir. Flestir á
vinnustaðnum fundu fyrir þessu en
það datt ekkert úr hillum hérna eða
slíkt.“
Starfsmaður í matvörubúð á
Húsavík segir að ekkert tjón hafi
orðið í versluninni og að í mesta lagi
hafi einn kexpakki dottið úr hillu. Þó
hafi skjálftarnir fundist greinilega.
Morgunblaðið/Helgi Bjarnason
Húsavík Jarðskjálftarnir tveir
fundust greinilega í bæjarfélaginu.
Snarpir
skjálftar
fyrir norðan
 Virkni á Húsavík-
ur-Flateyjarmisgengi