Morgunblaðið - 16.09.2020, Blaðsíða 23

 Ítalska stórliðið Juventus fylgist vel
með Ísak Bergmanni Jóhannessyni,
leikmanni Norrköping í Svíþjóð. Ísak,
sem er aðeins 17 ára, hefur slegið í
gegn með Norrköping á leiktíðinni.
Ísak skoraði fyrir Norrköping í 2:0-
sigri á Kalmar á mánudag og hefur
hann skorað þrjú mörk og lagt upp sex
til viðbótar á leiktíðinni. Expressen
greinir frá því að Ítalíumeistarar Ju-
ventus séu á meðal félaga sem fylgj-
ast vel með Ísak og var njósnari á veg-
um félagsins á leiknum við Kalmar.
 Meistaramót Íslands í 5.000 og
10.000 metra hlaupi á braut fór fram í
Kaplakrika um helgina. Íslandsmeist-
ari í 10.000 metra hlaupi varð Arnar
Pétursson, Breiðabliki, en hann kom í
mark á tímanum 32:48,38 mínútum. Í
5.000 metra hlaupi kom Anna Karen
Jónsdóttir, FH, fyrst í mark á 18:34,57
mínútum og tryggði sér þar með Ís-
landsmeistaratitilinn.
 Enski knattspyrnumaðurinn Jack
Grealish gerði í gær nýjan fimm ára
samning við uppeldisfélag sitt Aston
Villa en hann er fyrirliði liðsins. Greal-
ish hefur lengi verið orðaður við Man-
chester United, en hann átti afar gott
tímabil með Aston Villa á síðustu leik-
tíð og átti stóran þátt í að liðið hélt sér
naumlega í deild þeirra bestu.
 Körfuknattleiksmaðurinn Bjarni
Guðmann Jónsson mun ekki leika
með Haukum á komandi tímabili, en
hann æfði með liðinu í sumar. Hefur
framherjinn snúið aftur til Bandaríkj-
anna þar sem hann nemur og keppir
með Fort Hayes-háskólanum. Karfan.is
greinir frá. Sagði Bjarni í samtali við
vefmiðilinn að hann ætlaði aðeins að
leika með Haukum ef hann kæmist
ekki aftur til Bandaríkjanna vegna kór-
ónuveirunnar.
 Í gær tilkynntu þýsk yfirvöld að
áhorfendur yrðu aftur leyfðir á íþrótta-
viðburðum í landinu en hvert lið má
nýta 20% af stúkusætum sínum. Nýju
reglurnar taka gildi samstundis fyrir
allar atvinnumannadeildir Þýskalands.
Staðan verður svo endurmetin í lok
október.
 Kári Jónsson, landsliðsmaður í
körfuknattleik, hefur samið við Hauka
og mun spila með liðinu í vetur. Var
búist við því að Kári myndi spila er-
lendis í vetur en kórónuveiran hefur
sett strik í reikninginn og verður bak-
vörðurinn því áfram í Hafnarfirðinum.
Kári hefur síðustu ár verið einn besti
leikmaður íslensku deildarinnar og
samdi hann við spænska stórliðið
Barcelona fyrir tveimur árum. Erfið
meiðsli gerðu það að verkum að hann
fór í umfangsmiklar aðgerðir og sneri
hann aftur í Hauka fyrir síðustu leiktíð.
Var Kári að komast í sitt besta form
þegar síðasta tímabil var blásið af
vegna kór-
ónuveirunnar,
en hann
skoraði þá
17 stig, tók
3,5 fráköst
og gaf 6,8
stoð-
send-
ingar að
með-
altali í
leik.
Eitt
ogannað
NBA
Gunnar Valgeirsson
Í Los Angeles
Eftir því sem á líður í úrslitakeppni
NBA-deildarinnar í kúlunni svoköll-
uðu er fjarvera heimavallarins fyrir
liðin farin að segja til sín. Lið sem áð-
ur gátu reitt sig á andrúmsloftið í
sinni eigin höll til að stöðva blæð-
inguna gegn andstæðingi sem virðist
óstöðvandi verða nú að reiða sig á
sína eigin samheldni og þjálfun.
Síðasta liðið til að finna fyrir þess-
um missi heimavallarins er Los Ang-
eles Clippers eftir að Denver Nug-
gets vann tvo leiki liðanna um
síðustu helgi. Með þessum sigrum
hefur Denver nú tvívegis unnið upp
1:3 stöðu í leikseríum í kúlunni í Or-
lando og að venju getur allt hafa
gerst í sjöunda leik liðanna sem fram
fór í nótt.
Keppnin hefur einnig opinberað
veikleika hjá sumum stjörnuleik-
mönnum. Giannis Antetokounmpo
hjá Milwaukee Bucks rakst á góða
vörn hjá Miami Heat og hafði í lokin
lítil áhrif á útkomuna þar. Russell
Westbrook hjá Houston Rockets gat
ekki hitt úr skoti þótt líf hans væri í
hættu gegn Los Angeles Lakers.
Samherji hans og skotmaskínan
James Harden sömuleiðis virtist
gefa eftir þegar í harðbakkann sló.
Þessir leikmenn eru nú allir úr leik
þetta keppnistímabilið, en úr-
slitakeppnin hefur tilhneigingu til að
opinbera veikleika liða og leikmanna.
Clippers ekki enn búið að
finna rétta keppnisandann
Undirritaður hefur verið fastur í
því að Clippers væri sigurstrangleg-
asta liðið í NBA frá því í byrjun
keppnistímabilsins síðasta haust.
Leikserían gegn Denver hefur þó
sýnt veikleika sem vekur smá efa-
semdir hjá þeim sem spá. Vinni Clip-
pers í nótt kemur loks rimman sem
allir NBA-eðjótar hafa verið að bíða
eftir – og ekki bara hér í Englaborg –
innbyrðis viðureign Los Angeles-
liðanna í úrslitum Vesturdeildar.
(Þeir kalla þessa rimmu „ganga-
rimmuna“ en bæði lið eru með sín
eigin búningsherbergi í Staples
Center og gangurinn þar á milli er
stuttur). Clippers verður þó að hafa
rankað við sér í nótt til að það geti
orðið að raunveruleika.
Úrslitin í leiknum í nótt munu hafa
mikil áhrif á þessa lokarimmu Vest-
urdeildar því tapi Clippers virðast
möguleikar Lakers á að komast í
lokaúrslit deildarinnar hafa batnað
töluvert, því erfitt er að sjá Lakers
tapa fjórum leikjum gegn Denver í
þessari úrslitakeppni. LeBron James
og Antony Davis munu sjá til þess.
Lakers hefur verið á uppleið alla
úrslitakeppnina og svo virðist sem
James og Davis séu staðráðnir í að
láta ekkert stöðva marséringuna að
titilinum.
Verði hinsvegar innbyrðis við-
ureign Los Angeles-liðanna að veru-
leika, breytist þessi staða nokkuð,
því þá erum við að tala um lið sem
eru hnífjöfn og þar getur allt gerst.
Frank Vogel, þjálfari Lakers, var
inntur eftir því hvort lið hans óskaði
eftir innbyrðis viðureign gegn Clip-
pers í úrslitarimmu Vesturdeildar.
„Við erum tilbúnir að takast á við
hvern sem er, en frá okkar hendi
gengur þetta allt út á að gera liðið
tilbúið í slaginn á föstudag.“
Úrslitarimma Vesturdeildar hefst
á föstudag.
Meistararnir og toppliðið
úr leik í Austurdeildinni
Það er ekki bara vestanmegin sem
hlutirnir smella ekki saman eins og
spáð var. Keppnin í Austurdeildinni
hefur verið skemmtileg og sýnt að
þar á bæ eru mörg lið til kölluð. Í
báðum undanúrslitarimmunum gáfu
sigurstranglegri liðin eftir þegar á
hólminn kom og Miami Heat og
Boston Celtics munu því berjast um
sigurinn.
Miami vann sannfærandi gegn
Milwaukee Bucks og Boston rétt
marði meistara Toronto Raptors í
sjöunda leik liðanna um síðustu
helgi. Miami kemur inn í þessa leiks-
eríu vel hvílt – heil vika síðan Heat
keppti síðast – en það hefur ekki ver-
ið eins mikil búbót fyrir liðin í kúl-
unni og venjulega, þegar flugferðir
og hótel taka sinn toll af leik-
mönnum.
Þetta eru ólík lið. Boston virðist
hafa fleiri toppleikmenn, sérstaklega
í bakvarðarstöðunum, en Miami er
þrautseigt lið sem sýndi fastheldni
og snilli gegn Milwaukee í síðustu
umferð.
Hér munu þjálfarar liðanna leika
stórt hlutverk, en varnarleikur lið-
anna verður lykillinn að sigri hér.
Brad Stevens hjá Celtics hefur
verið talinn einn af bestu þjálfurum
deildarinnar síðan hann tók við
stjórnartaumunum 2013, en honum
hefur ekki tekist að koma liðinu í
lokaúrslitin enn. Hann hefur aldrei
áður haft betra tækifæri en nú, enda
LeBron James fluttur vestur eftir.
Erik Spoelstra hjá Miami hefur unn-
ið titilinn tvisvar og veit hvað til þarf,
en hann hefur þó ekki Shaquille
ÓNeal, Dwyane Wade, eða LeBron
James í þetta sinn.
„Við spiluðum þrisvar við þá í
deildarkeppninni, en við getum ekki
reitt okkur á þá leiki í undirbún-
ingnum nú því það voru ávallt lykil-
leikmenn meiddir í þeim leikjum. Við
erum ólíkt lið núna frá því sem við
vorum í deildarkeppninni og þeir eru
það líka,“ sagði Spoelstra þegar hann
var inntur eftir mati sínu á leiks-
eríunni.
Framherjinn Gordon Hayward
hjá Boston er mættur að nýju í kúl-
una eftir að hafa snúið sig illa á ökkla
í fyrsta leiknum í úrslitakeppninni og
hann mun geta gert gæfumuninn
seint í þessari rimmu ef hann nær að
komast í form á skömmum tíma.
Boston tekur þetta í oddaleiknum.
gval@mbl.is
„Tilbúnir að takast
á við hvern sem er“
AFP
Klókur Slóvenski Evrópumeistarinn, Goran Dragic, er Miami-liðinu mikilvægur.
 LA Lakers bíður andstæðingsins  Jöfn rimma hjá Miami og Boston?
ÍÞRÓTTIR 23
MORGUNBLAÐIÐ MIÐVIKUDAGUR 16. SEPTEMBER 2020
Leiknir frá Fáskrúðsfirði nældi í
gær í stig sem kemur sér vel í bar-
áttunni um að halda sæti í næst-
efstu deild karla á næsta ári. Leikn-
ir fór til Eyja og gerði markalaust
jafntefli gegn ÍBV. Hefur ÍBV þá
gert átta jafntefli í sextán leikjum.
Liðið er í 4. sæti með 26 stig en
Leiknir er með 12 stig í 11. sæti.
Nýliðarnir í Vestra eru þremur
stigum á eftir ÍBV eftir 2:1 sigur á
botnliði Magna sem er með 9 stig.
Vladimir Tufegdzic og Pétur
Bjarnason skoruðu fyrir Vestra og
Tómas Arnarson fyrir Magna.
Jafnteflin orðin
átta hjá ÍBV
Morgunblaðið/Kristinn Magnússon
1. deild Vladimir Tufegdzic skoraði
fyrir Vestra gegn Magna í gær.
Haukar unnu afar mikilvægan sig-
ur þegar liðið fékk Aftureldingu í
heimsókn í 1. deild kvenna í knatt-
spyrnu, Lengjudeildinni, á Ásvelli í
Hafnarfirði í 13. umferð deild-
arinnar í gær. Leiknum lauk með
3:2-sigri Hauka en það voru þær
Hildur Karítast Gunnarsdóttir, Vi-
enne Behnke og Sæunn Björns-
dóttir sem skoruðu mörk Hauka í
leiknum. Haukar fara með sigr-
inum upp í 26 stig og eru nú fjórum
stigum frá Keflavík sem er í öðru
sæti deildarinnar þegar fimm um-
ferðir eru eftir af tímabilinu.
Haukar brúuðu
bilið á Keflavík
Morgunblaðið/Kristinn Magnúss.
Mark Vienna Behnke var á skot-
skónum fyrir Hafnfirðinga.