Morgunblaðið - 30.12.2020, Page 9

MORGUNBLAÐIÐ MIÐVIKUDAGUR 30. DESEMBER 2020 9SJÓNARHÓLL
malbikstodin.is | 864 1220 | Flugumýri 26 | Mosfellsbær
VIÐ ERUMSÉRFRÆÐINGAR Í
MALBIKUN
Malbikunarframkvæmdir eru okkar sérsvið. Við tökum að
okkur malbikun á bílastæðum, stígum, götum, vegum og hvar
sem þarf að malbika. Við tryggjum fyrirtaks þjónustu sem
svarar ýtrustu gæða- og öryggiskröfum. Hafðu samband.
Margir kannast við þá vellíðan sem fylgt getur jóla-hreingerningu, tiltekt í fataskáp eða í skjala-möppum í tölvu og vafalaust hefur slík tilfinning
farið um þá sem lesið hafa frumvarpsdrög samgöngu- og
sveitarstjórnarráðuneytisins sem nýlega voru birt í sam-
ráðsgátt stjórnvalda og fela í sér lagahreinsun. Nánar til-
tekið er hér um að ræða brottfall lagabálka sem ýmist eiga
ekki við lengur sökum breyttra aðstæðna, breytts lagaum-
hverfis eða vegna þess að þær ráðstafanir sem þar er kveðið
á um eiga ekki lengur við. Elstu lögin eru frá árunum 1900-
1949, tíu bálkar, tólf eru frá árunum 1950-1999 og þrír frá
árinu 2000 eða yngri. Sameiginlegt er með þeim að umrædd
lagaákvæði hafa lokið hlutverki sínu en gilda þó enn að
forminu til. Fáir andmæla tiltekt
sem þessari enda er það ótækt í hug-
um flestra að í lagasafninu þvælist
fyrir lagaákvæði sem engum tilgangi
þjóna.
Áform samgöngu- og sveitar-
stjórnarráðherra eru að mestu form-
legs eðlis, en sá þáttur í einföldun
regluverksins sem oftar er þrætu-
epli varðar aftur á móti efnishliðina;
um slíkar breytingar er sjaldnar
samstaða. Þetta er eðlilegt enda hafa
efnisbreytingar að jafnaði meiri og
beinni áhrif á líf fólks og fyrirtækja
heldur en hinar formlegu. Vegna
þessara áhrifa standa efni til þess að
megináhersla löggjafans sé á ein-
földun regluverksins að efninu til.
Þetta má þó ekki skilja sem svo að
formlegar endurbætur séu gagnslausar, þvert á móti. Sum-
um kann að þykja það smávægilegt að lög séu felld úr gildi
sem ekki þjóna lengur hlutverki sínu í ljósi þess að áhrif
þeirra hafi í raun verið orðin engin. Í því samhengi er þó
mikilvægt að hafa í huga að margt smátt gerir eitt stórt, en
aðgerð sem þessi, hreinsun að forminu til, er einn þáttur í
því eilífðarverkefni að einfalda regluverkið í víðum skilningi.
Jafnvel þótt áhrifin af henni séu kannski ekki upp á líf eða
dauða þjónar hún í grunninn góðum og gildum tilgangi; að
koma í veg fyrir réttaróvissu.
Samandregið er því ljóst að hvort tveggja skiptir máli,
formið og efnið og gæti það verið skynsamlegt að nálgast
þessi mál með heildrænum hætti, hvort tveggja formhliðina
og efnishliðina. Næði hreinsunin til sem flestra málefna-
sviða í einu gæti ávinningur af slíku orðið jafnvel meiri en
ella. Þá er æskilegt að slík skoðun eigi sér stað með enn
reglubundnari og formfastari hætti en er í dag. Á sumum
sviðum gæti virði verið fólgið í því að hugsa hlutina með
hnitmiðaðri hætti, frá upphafi til enda. Ein leið fyrir löggjaf-
ann til þess, t.d. þegar fyrirséð er að lög úreldist á einhverju
tímabili, er að setja í þau endurskoðunarákvæði þar sem
kveðið er á um endurskoðun þeirra að liðnum tilteknum
tíma. Þá er æskilegt að stærri lagafrumvörp sæti ítarlegra
mati á áhrifum, t.d. efnahagslegum, líkt og tíðkast víða er-
lendis. Allt er þetta til þess fallið að auka gæði lagasetningar
og koma í veg fyrir vandamál framtíðarinnar. Einnig eru
tækifæri fólgin í því að gera lög og
reglugerðir fólki enn aðgengilegri.
Viðskiptaráð hefur t.d. bent á að
skynsamlegt geti verið að fella
breytingar á reglugerðum inn í
stofnreglugerðir í stað þess að
birta þær í aðskildum skjölum.
Í stjórnarsáttmála ríkisstjórn-
arinnar frá árinu 2017 var átak
boðað í einföldun regluverks í þágu
atvinnulífs og almennings. Ljóst er
að ríkisstjórnin hefur ekki setið
auðum höndum og sumir ráð-
herrar hafa látið sig þessi mál
miklu varða. Í fjármálaráðuneyt-
inu var ráðist í að fella brott úrelt
lög á síðasta ári og einnig hafa
sjávarútvegs- og landbúnaðar-
ráðherra auk ferðamála-, iðnaðar
og nýsköpunarráðherra, grandskoðað reglugerðir á sínum
sviðum sem leiddi af sér talsvert mikla einföldun reglu-
verks, svo eitthvað sé nefnt. Þá hafa góð skref verið stigin
nýlega með sameiningum ríkisstofnana með tilheyrandi ein-
földun og hagræðingu. Þannig var Fjármálaeftirlitið t.a.m.
sameinað Seðlabankanum og ákveðið að leggja Nýsköp-
unarmiðstöð Íslands niður nú um áramótin, svo dæmi séu
tekin. Einföldun regluverks og stofnanaumgjarðar er nauð-
synlegur þáttur í endurreisn hagkerfisins eftir erfið misseri
í heimsfaraldrinum. Á nýju og betra ári er lag að bregðast
hvort tveggja við þörf fyrir hagfelldara og samkeppnishæf-
ara umhverfi til viðskipta og festa í sessi skýrari ferla til
þess að auka gæði lagasetningar.
Lagahreinsun
LÖGFRÆÐI
Jón Birgir Eiríksson,
sérfræðingur á lögfræðisviði
Viðskiptaráðs Íslands.
”
Í stjórnarsáttmála rík-
isstjórnarinnar frá árinu
2017 var átak boðað í
einföldun regluverks í
þágu atvinnulífs og al-
mennings. Ljóst er að
ríkisstjórnin hefur ekki
setið auðum höndum
og sumir ráðherrar hafa
látið sig þessi mál miklu
varða.
um að ég tæki það oftast fram
yfir dýrari og margbrotnari
vín úr þeirra smiðju. Það er
blanda úr Chardonnay (35%,
30% Pinot Noir og 35% Meu-
nier). Sjö grömm af við-
bættum sykri og er sótt í ekr-
ur fjögurra bæja, Ludes,
Ormes, Mareuil-le-port og
Trépail.
Þá var ég afar hrifinn
af nýjasta árgangi Pol
Roger Rosé en húsið
sendir aðeins frá sér ár-
gangsvín í þessum
flokki. Fram að þessu
var 2008-árgangurinn í
uppáhaldi enda kraft-
mikill og ágengur. 2012
er að mínu mati mildari
og aðgengilegri en hann
getur þó hnykklað vöðvana
enda blandan 15% Pinot Noir-
rauðvín sem skellt er út í hvítvínið
(vin clair) áður en ráðist er í seinni
gerjunina.
Mörg mögnuð einnarekruvín
mætti nefna á lista yfir þau sem
sköruðu fram úr á árinu, m.a. Clos
des Goisses 2009 og 2010 frá Phil-
ipponnat en þó verður að segjast
að Les Pierrieres frá Ulysse Collin
situr fast í kolli mér eftir fyrstu
kynni. Það er 100% Chardonnay
og er extra brut, aðeins 1,7
grömm af viðbættum sykri.
Brennisteinninn í jarðveginum
kemur með áhrifaríkum hætti í
gegnum vínið og snertir mann
með eftirminnilegum hætti.
Kalkríkur jarðvegurinn ryðst
einnig fram og skapar sér rými
á pallettunni. Þeir sem rekast
á þessa flösku eiga að grípa
hana, borga uppsett verð
og finna út úr því hvernig
þeir greiða fyrir hana
síðar. Það er vel þess
virði!
Meistari í Pinot Noir
1522 er Grand Cru-vín
úr smiðju Philipponnat og
2012 árgangurinn hefur
komið þar afskaplega vel
út. Það er 30% Char-
donnay og 70% Pinot Noir - sem er
einkennisþrúga hússins. Þetta er
kröftugt vín og margslungið. Með
4,25 gr. af viðbættum sykri er
flauelsmjúk áferðin tryggð án þess
að breiða um of yfir einkenni vínsins
sem sótt eru í Pinot-Noir-þrúgur úr
Le Léon-ekrunni frægu í Ay, auk
Mailly- og Chardonnay-þrúga
sem ræktaðar eru upp í Verzy.
Fyrr á árinu fjallaði ég á þess-
um vettvangi um Charles de
Gaulle úr smiðju Drappier. Það
er 80% Pinot Noir og 20%
Chardonnay. Algjörlega fram-
úrskarandi vín fyrir það sem
vilja aukinn kraft fyrr-
nefndu þrúgunnar og eleg-
ansinn úr þeirri síð-
arnefndu. Gestir Vox
Brasserie í desember geta
vitnað um hversu stórkost-
legt matarvín þetta er,
ekki síst með spænskri
svínasteik.
Louis Salmon er
stórkostlegt
Að lokum verður
ekki hjá því komist
að nefna Louis Sal-
mon sem er Blanc de
Blancs (Char-
donnay) úr smiðju
Billecart-Salmon.
Nýverið tók RJC að
flytja þetta vín til
landsins og það er
2007 árgangurinn. Það er með 7 gr.
af viðbættum sykri og 50% vínsins
er gerjað fyrri gerjun í eik. Vínið
er geymt á geri í 10 ár sem trygg-
ir því ótrúlegt jafnvægi. Það er
nánast ómótstæðilegt þótt full-
yrt sér að gott sé að geyma
það í 10 ár, uns þess er
neytt!
Hér er stiklað á stóru og
aðeins nefnd örfá vín sem
glatt geta augað og bragð-
laukana. Vonandi verður
kampavínsárið 2021 eins
gjöfult og árið 2020, en það
er kannski eitt af því fáa sem
nefna má því síðarnefnda til
hróss. ses@mbl.is