Málfríður - 15.09.1998, Page 11

þýskum dagblöðum. Með vali á textum
var reynt að koma til móts við starfs- eða
áhugasvið þátttakenda og miðla um leið og
kynna sérkenni þýskumælandi landa. Þátt-
takendur voru þjálfaðir í helstu kurteisis-
venjum og hvernig þær tengjast málnotk-
un og framkomu. Ekki var lögð áhersla á
beina málfræðikennslu en þátttakendur
fengu æfingar með lausnum sem þeir gátu
leyst heima og beðið um útskýringar og
leiðbeiningar. Allir þátttakendur fluttu
fyrirlestur fyrir hópinn um efni að eigin
vali, yfirleitt um starf sitt eða áhugamál.
Reynt var að tala eingöngu þýsku á nám-
skeiðinu bæði í tímunum og í kaffihléum.
Við þjálfun í notkun daglegs máls í
tungumáli er ekkert sem kemur í stað þess
að dvelja í viðkomandi landi og taka þátt í
daglegu lífi íbúanna.Við sem kenndum á
námskeiðinu vildum ekki láta staðar
numið með þessu námskeiði. I stað þess að
fá fólk í tíma einu sinni í viku eftir íslensk-
an vinnudag ætlum við nú að taka nýtt
skref. I samráði við Endurmenntunar-
stofnun höfum við gert samning við
Sprachenkolleg í Freiburg í Þýskalandi um
hraðnámskeið þar í borg undir yfirskrift-
inni „Mál — menning — mannlíf.“ Tung-
umálakennarar hér á landi hafa frá upphafi
skipulagt og haldið endurmenntunarnám-
skeið erlendis í samvinnu við Endur-
menntunarstofnun. Þýskunámskeiðið í
Freiburg mun hins vegar vera fyrsta al-
menna námskeiðið sem Endurmenntun-
arstofnun efnir til erlendis. Er það án efa
tákn um þá tíma sem við lifum á. Hér er
um að ræða öflugt þýskunámskeið, 65
kennslustundir á 10 dögum, þar sem
bryddað verður upp á ýmsum nýjungum.
Þýskt mál, þýsk menning og mannlífið í
Freiburg verða í brennidepli og allt þetta
fléttað saman undir öruggri handleiðslu
reyndra kennara við Sprachenkolleg. Auk
kennslustundanna verður lögð áhersla á að
kynnast fyrirtækjum og stofnunum svo og
menningar- og félagslífi íbúa þessarar
fallegu borgar í Svartaskógi.
Danfríður Skarphéðinsdóttir, þýskukennari
við Menntaskólann í Reykjavík
Hér er um að
ræða öflugt
þýskunámskeið,
65 kennslu-
stundir á 10
dögum, þar sem
bryddað verður
upp á ýmsum
nýjungum.
Frá Félagi dönskukennara og
Félagi enskukennara
Sameiginlegur fundur Félags dönskukennara og Félags enskukennara um sérkennslu
í tungumálum verður haldinn í Kennarahúsinu miðvikudaginn 18. nóvember kl.
20.00.
Á fundinum verður fjallað um ýmsa þætti sérkennslu. Framsöguerindi flytja:
• Bryndís Sigurjónsdóttir, enskukenari við Borgarholtsskóla
• Guðrún Ragnarsdóttir, dönskukennari í Menntaskólanum við Hamrahlíð
• MaríaVigdís Kristjánsdóttir, kennari við Starfsþjálfun fatlaðra.
Að loknum framsöguerindum verða umræður og kaffiveitingar.
11