Málfríður - 15.05.2002, Qupperneq 16

Alternative Approaches to Language Learning
and Teaching
Evrópsk ráðstefna haldin í HÍ, 9. og 10. nóvember 2001
Eyjólfur Már Sigurðsson.
Eins og tungumálakennurum mun vera í
fersku minni var árið 2001 evrópskt
tungumálaár. Einn af viðburðum tungu-
málaársins á Islandi var ráðstefhan og sýn-
ingin „Alternative Approaches to Langu-
age Learning and Teaching“ sem haldin
var í Háskóla íslands, 9. og 10. nóvember
sl. Undirritaður tók þátt í að skipuleggja
þessa ráðstefnu og hér að neðan verður
leitast við að gera grein fyrir henni.
1. Aðdragandi
I tilefni af tungumálaárinu auglýsti ffam-
kvæmdastjórn Evrópusambandsins eftir
umsóknum um styrki til þess að fjármagna
sérstök verkefni á árinu. Alls voru 200
verkefni styrkt og þar af voru þqú íslensk:
„Babelsturn" Endurmenntunarstofnunar
HÍ í maí, „Alternative Approaches to
Language Learning and Teaching“ í nóv-
ember sem Rannsóknaþjónusta HI og
fleiri höfðu umsjón með og „Menningar-
miðlun í ljóði og verki“ sem Þýðingaset-
ur HI hélt í desember.
Eins og titillinn ber með sér þá var
umfjöllunarefnið nýjar aðferðir í tungu-
málanámi og -kennslu og var sérstök
áhersla lögð á nemendamiðað nám. Ráð-
stefnan var öll tekin upp á myndband og
gerð aðgengileg á vefnum og á geisladisk-
um sem dreift hefur verið víðs vegar í
Evrópu. Markhópur ráðstefnunnar var þar
með orðinn alþjóðlegur og henni því val-
inn titill á ensku og ákveðið var að vinnu-
málið skyldi einnig vera enska.
2. Undirbúningur
Rannsóknaþjónusta HI hafði frumkvæði
að því að halda ráðstefnuna og fékk hún
til liðs við sig Tungumálamiðstöð HI,
Kvasi (Samtök fræðslu og símenntunar-
miðstöðva á landsbyggðinni), MFA
(Menningar - og fræðslusamband alþýðu),
Alþjóðaskrifstofu háskólastigsins og EAEA
(European Association for the Education
of Adults). Þessir aðilar sóttu um styrkinn
í sameiningu.
I júnímánuði var ljóst að verkefnið
hefði hlotið styrk og hófst þá undirbún-
ingur þegar af fullum krafti. Skipaður var
starfshópur sem skyldi sjá um undirbúning
ráðstefnunnar og áttu eftirfarandi aðilar
sæti í honum:
• Sigurður Guðmundsson, Rannsókna-
þjónustu HI sem stýrði hópnum
• Þórdís Eiríksdóttir, Rannsóknaþjónustu
HÍ
• Hildur Svavarsdóttir, Rannsóknaþjón-
ustu HI
• Eyjólfur Már Sigurðsson, Tungumála-
miðstöð HÍ
• Erlendína Kristjánsson, Tungumálamið-
stöð HÍ
• Skúli Thoroddsen, Kvasi
• Ingibjörg Guðmundsdóttir, MFA
• Ragnhildur Zoega, Alþjóðaskrifstofu
háskólastigsins
• Hafdís Ingvarsdóttir, HÍ
Sérlegir ráðgjafar hópsins voru Sigi Gru-
ber frá EAEA og Vigdís Finnbogadóttir
velgjörðarsendiherra erlendra tungumála
hjá UNESCO.
Verkefnin sem biðu hópsins voru næg:
Safna þurfti upplýsingum um evrópsk
tungumálaverkefni sem samræmdust efni
ráðstefhunnar og bjóða þeim þátttöku í
sýningunni sem haldin var í tengslum við
hana, velja fýrirlesara á ráðstefnuna og
vinna að tæknilegri útfærslu hennar svo
sem upptöku á fyrirlestrum og dreifingu
á netinu svo að sem flestir gætu notið
þeirra.