Víðförli - 15.07.1982, Blaðsíða 3

IVlalurinn
og veröldin“
— sagt frá leiðtoganámskeiði í Finnlandi
„Maðurinn og völdin" var efni
norrænnar leiðtogaráðstefnu, sem
haldin var í Finnlandi 24.-28. maí sl.
Ráðstefnuna sóttu 40—50 æskulýðs-
leiðtogar frá fimm Norðurlöndum,
þar af 8 frá íslandi.
Sem fyrr segir var fjallað um
„manninn og völdin" og var efnið
tekið út frá ýmsum hliðum. Meðal
annars voru Biblíulestrar um „hið
mikla vald“, „vald neysluþjóðfélags-
ins" og „mátt fyrirgefningarinnar".
Fyrirlestrar voru haldnir um „vald
fjölmiðlanna og áhrif þeirra á
manninn" og „vald neysluþjóðfé-
lagsins". Einnig fóru fram hópum-
ræður, fluttir voru leikir um valdið og
fleira slíkt til gamans gert.
Lokaþáttur ráðstefnunnar var
messa, sem bar yfirskriftina „Al-
máttugur Guð“. Var hún undirbúin
af þátttakendum ráðstefnunnar, en
hafði þó að nokkru verið undirbúin af
hálfu íslensku fulltrúanna, áður en út
var haldið.
Norrænt kvöld
Auk þess sem ofan er talið gerðu full-
trúar á ráðstefnunni sér ýmislegt til
skemmtunar. Efnt var til sameigin-
legs norræns kvölds, þar sem hvert
land sá um eitthvert atriði. íslending-
arnir sýndu kvikmyndina „Eldur í
Heimaey" eftir Vilhjálm Knudsen,
ásamt fleirum. Myndin þótti eiga
einkar vel við efni ráðstefnunnar, því
þar sást gjörla hve maðurinn er lítils
megnugur gagnvart þeim atburðum
er áttu sér stað í Vestmannaeyjum
árið 1973.
Einnig má nefna finnskt kvöld, þar
sem kynnt var finnsk tónlist, dansar
og fleira þjóðlegt.
Mannleg samskipti
íslendingarnir átta, sem fóru til
Finnlands, kynntu sér ekki aðeins
það sem ráðstefnan hafði uppá að
bjóða. Þeir komust einnig í samband
við fólk, sem vinnur að svipuðum
málum og þeir sjálfir, auk þess sem
hvert land kynnti efni það sem er not-
að við barna- og unglingastarf í við-
komandi löndum.
En aðalatriðið við slíkar ráðstefnur
eru þau mannlegu samskipti sem
eiga sér þar stað. Þau koma ekki að-
Frá messunni, sem getið er um í greininni. í baksýn er altaristafla, sem einn
hópanna gerði fyrir messuna. Sr. Friðrik Hjartar í ræðustól.
eins að haldi fyrir þá aðila sem heim-
sækja önnur lönd, heldur einnig fyrir
allt það starf, sem viðkomandi inna
af hendi eftir að heim er komið.
Þess vegna verður árangur slíkra
samskipta aldrei mældur. En hann
mun örugglega skila sér.
Námskeið
Æskulýðsstarf þjóðkirkjunnar mun í
haust gangast fyrir tveim námskeið-
um, sem haldin verða í Skálholti.
Hið fyrra er Biblíunámskeið, sem
hefst 1. september, og stendur yfir í
einn og hálfan dag. Hið síðara er leið-
toganámskeið um barnastarf, sem
hefst að kvöldi 2. september. Þar
verður m.a. fjallað um tilgang og
markmið barnastarfs, kennslugögn,
kristinfræðikennslu í skólum og
barnafræðslu kirkjunnar, svo að eitt-
hvað sé nefnt. Námskeiðinu lýkur
sunnudaginn 5. september.
Bent skal á, að þátttaka tilkynnist
til Æskulýðsstarfs þjóðkirkjunnar,
Klapparstíg 27, Reykjavík í síma
12445 fyrir 20. ágúst nk.
ÚTSA.LA.
Þar sem vér íslendingar erum ein út-
söluglaðasta þjóð veraldar, hefur
Æskulýðsstarf kirkjunnar ákveðið að
gleðja okkur svo um munar, þegar
þjónustumiðstöðin að Klapparstíg 27
verður opnuð. Þar mun sumsé verða
haldin ÚTSALA á eldra barnaefni,
sem aðeins er til í litlu magni. Umrætt
efni verður að sjálfsögðu selt á vægu
verði, eins og vera ber.
Og nú er bara að láta ekki happ úr
hendi sleppa!