Bæjarins besta - 31.07.1996, Blaðsíða 7

telja vera ein af ástæðunum fyrir slökum árangri 10. bekkinga.
„Það er stór þáttur í námi barna að auka sjálfstraustið hjá þeim
og láta þau koma auga á þessar sterku hliðar sem þau hafa. Oft
á tíðum eru nemendur í vinnu annarsstaðar á meðan samræmdu
prófin standa yfir og geta þar af leiðandi ekki átt von á góðum
árangri."
Einnig tala þær um að þeim er gengur hvað best í skóla eru
ekkert endilega þeir sem leiða hópinn. „Það sem er mjög skrítið
og kannski sér ísfirskt, er að þau börn sem standa ilia námslega
séð, þau eru oft á tíðum mjög féiagslega sterk. Oft á tíðum
virðist það vera ríkjandi að ekki sé flott að læra og ganga vel í
skóla. Ef krakkarnir trúa því að þeir geti gert hlutina þá hjálpar
það ótrúlega mikið, en ef þau eru búin að ákveða að þau geti ekki
t.d. náð samræmdu prófunum þá er ekki mikil von um að þau
standi sig.“
Þarf að byggja upp jákvæðari anda
„Það þurfa allir að sameinast um að byggja upp jákvæðari
anda, bæði foreldrar og skólinn sjálfur. Fólk þarf að hugsa meira
jákvætt um vinnu barna sinna. Það þarf að hugsa jákvætt um
Grunnskólann og það þarf að vera meiri friður og sátt um
skólann. Auðvitað er skólinn ekki hafinn yfir gagnrýni, en það
eiga allir að láta sér annt um hann. Ef einhvað er að þá á fólk að
koma og hjálpa til að laga hlutina, en ekki rífa niður. Flestir
foreldrar eru fúsir til þess að leggja sitt af mörkum, það er bara
eins og það hafi myndast einhver stífla og það tekur tíma að
vinna það upp.
Flestir foreldrar eru mjög metnaðarfullir gagnvart börnunum
sínum og fólk hugsar vel um sín börn. Maður verður oft hissa á
því hvað t'ólk kemst yfir mikið með þeirra vinnu. þar sem báðir
foreldrar vinna oft á tíðum úti. Ætli foreldrar hugsi ekki bara of
vel unt börnin sín. Islenskum krökkum virðist vanta að taka
meiri ábyrgð á því sem þeir gera, við færum þeim allt of mikið
upp í hendurnar. Þau einblína svo mikið á fljótlegar lausnir. Það
eiga allir að láta sér líða vel strax, það á ekki að hafa fyrir neinu.
Ef þau ætla að fá sér einhvað, þá er bara borgað fyrir það seinna.
Við, foreldrarnir, erum búin að ala börnin upp í þessu. Börnin
eru farin að hugsa eins og við, þ.e. ef þeim vantar einhvað þá er
bara tekið lán fyrir því.“
Erfitt að fá krakkana til að lesa bækur
Breyttir þjóðfélagshættir og allar þær breytingar sem við
erum sífellt að fara í gegn um gerir það að verkum að við verðum
að fylgjast með og vita hvað er að gerast í kringum okkur til að
hellast ekki úr lestinni. Eins og segir í inngangi ritgerðarinnar þá
þurfum við, vegna þessara stöðugu breytinga, að byggja grunninn
að áframhaldandi námi sem væntanlega á að nýtast ævilangt.
Það þarf því, eins og Bergljót og Bryndís leggja fram, að kenna
börnum að nýta þá þekkingu sent er til staðar í heiminum.
„Elestir eru sammála um það að nauðsynlegt sé og í raun
frumforsenda alls náms að kunna að lesa og skrifa, á því byggir
sá grunnur sem við notum til frekara náms, en það er ekki nóg,“
segir í inngangi ritgerðarinnar. Þær Bergljót og Bryndís minnast
líka á að bara það að fá krakkana til að lesa bækur sé alltaf
erfiðara og erfiðara. „Til dæmis hafa verið fjórar kjörbóka-
ritgerðir í 8. bekk. Flestir unnu verkið vel, en það hefur verið
mjög erfitt að fá þau til að lesa og skila þessum ritgerðum. Það
var eins og það væri einhvar stefna að vera ekki að lesa og mikið
á sig lagt í staðinn fyrir að lesa bara bækurnar."
Þarf að beina unglingunum inn á iðnnámið
Síðastliðin ár hefur orðið mikil aukning í framhaldsskólana á
landinu og einnig hefur mikilvægi þess að mennta sig aukist
vegna vaxandi atvinnuleysis. Eru grunnskólanemendur ekki
famir að líta námið alvarlegri augum?
„Krakkar hafa ekki verið að leggja meira á sig að læra, heldur
hafa þeirfjölmennt í framhaldsskólana. Mikið af þessum krökkum
hafa ekki grunn til þess. Bóknámsdeildirnar hafa gjörsamlega
fyllst. Það hefur verið mikill feill að beina unglingunum ekki
meira inn á iðnnámið, en það er alveg gífulega góð og þörf
menntun. Það meira að segja heyrist meðal skólamanna að
iðnnámið sé fyrir þá sem ekki hafa náð nægilega góðunt
einkunnum og komast þá ekki í bóknámið og ætla sér ekki að
verða stúdentar. Það er lögð of mikil áhersla á bóknámið. Það
vantar að gera verkmenntunina hærra undir höfði. Það vantar
þennan hugsunarhátt að vilja læra vegna þess að þetta er mín
framtíð. Grunnskólamenntun sem slík er mikills virði, vegna
þess að hún gefur frelsi til að velja um frekara nám, hvort sem
það er fagnám eða bóknám.“
Mikil samvinna og góður starfsandi
Bergljót og Bryndís eru sammála um að það sé mjög góður
starfsandi í Grunnskólanum. „Hér áður fyrr þegar það voru tíð
kennaraskipti og mikið af nýjum kennurum einungis með
stúdentspróf, þá þurftu kennararnir sem fyrir voru hreinlega að
taka þá undir sinn verndarvæng og leiðbeina þeim um allt í
sambandi við kennsluna. Það hefur verið mjög mikið álag á
þessum kennurum sem fyrir voru, en það er passað upp á mikla
samvinnu og þessi mikla samvinna hér í Grunnskólanum er
sennilega vegna þessa. Kennarar sem fara héðan eitthvað annað
tala um þetta, þ.e. að þeir sakni þessarar góðu samvinnu og góða
starfsanda.“
Þær Bergljót og Bryndís eru á leiðinni til Reykjavíkur í næsta
mánuði til að taka við prófskírteinum sínum. Þær sögðust ætla
að hvíla sig í smá tíma á öllunt námskeiðum og lestri, og í
staðinn einbeita sér að kennslunni næsta vetur, en ýmiskonar
námskeið eru tíð meðal kennara allt árið.
Malbikun Skutulsfjarðarbrautar hefst um miðjan ágúst
Framkvæmdum senkar um
viku veuna skorts á asfalO
Frá því á laugardag hefur fyrirtækið Borgarverk
hf„ unnið að bikfestun burðarlags undir væntanlegt
malbik á Skutulsfjarðarbraut. Til stóð að hefja
malbiksframkvæmdir strax eftir verslunarmanna-
helgi en fyrirsjáanlegt er að framkvæmdir seinki um
viku vegna skorts á asfalti. Að sögn Kristjáns
Kristjánssonar hjá Vegagerð ríkisins á ísafirði er
ráðgert að leggja malbik á Skutulsfjarðarbraut, frá
Holtabraut að væntanlegum gatnamótum við
Pollgötu, auk Pollgötunnar, niður að gatnamótum
Aðalstrætis. Þá verður lagt malbik á Sólgötu og
Hrannargötu og Fjarðarstræti, frá Hrannargötu að
Hnífsdalsvegi.
„Það efni sem búið er að setja á Skutulsfjarðar-
brautina er bundið nreð biki og því er óhætt að aka á
því og ekkert um grjótkast. Hugsanlega verður hluta
Skutulsfjarðarbrautar lokað á nteðan á malbikun
stendur og þá sérstaklega á kaflanum frá Seljalandi
og út úr. Þá þurfa ökumenn væntanlega að aka um
Seljalandsveg, en það verður væntanlega ekki um
langan tíma þar sem við reiknum með að malbikun
brautarinnar í heild taki ekki nema tvo til þrjá daga,”
sagði Kristján Kristjánsson í samtali við blaðið.
Fyrirtækið Borgarverk hf., hefur frá því á iaugardag unnið að bikfestun burðariags undir væntaniegt maibik á
Skutuisfjarðarbraut. Ráðgert er að maibikun hefjist um miðjan ágúst.
MIÐVIKUDAGUR 31. JÚLÍ 1996
7